يا جماعه بس.....!

[البــــــــــاحث]

ياجماعه بالنسبه لوجهت نظري

انا كان عندي مشكله كبيره

واحتجت لأعضائنا العجمان انهم يتوسطون لي بالمشكله هذي

وماخليت شايب من شيبانهم ولا خليت سكرتير من سكرتاريتهم الا وكلمته حتى عيال عمهم كلمتهم


وللأسف مالقيت اي استجابه

والمشكله تنصدم لما يدق عليك عضو من الاعضاء المنافسين للعجمان ربعنا ويقول كلمني ولد عمي ويقولي ان موضوعك سهل وانا ماكلمت ولد عمه بس فتحت الموضوع عنده ولا قلت له اني ابي واسطه وفوق هذا كله ماعرف ولد عمه بس كنت مسير على رجال وهو كان موجود عنده وقالي انا اكلملك ولد عمي ومايمر عليها اسبوع الا ويدقون عليك سكرتاريه هالعضو ويقولك تعال اوراقك موقعه وخالصه

والله ياجماعه شي يحز بالخاطر

ولما نروح ونكتب انهم ماينفعون ولا منهم فايده يطلع واحد من الاعضاء ولا من المراقبين يصير للعضو الفلاني ويزعل على الكلام ويمسح الموضوع ويروح يكتب له موضوع لصالح هالعضو يعني نكذب عشان ماتزعلون


يعني بالعربي مامنهم فايده واذا كتبنا عنهم انه مامنهم فايده زعلتو من الحق والحق ماينقال عندكم لأنكم تزعلون منه

وللعلم ماعمري اشتكيت منهم حتى وهم مانفعوني
بس تروحون وتكتبون انهم ملائكه ومايغلطون وتبون نمدحهم غصب لا هالشي مانرضى فيه

على العموم عسالله يوفقهم كلهم