(بسم الله الرحمن الرحيم)
قصيدة تعني لي الكثير
... شاعر الكلمه والحرف الجزل ...
ابو منصور لــبى معاااليق قلبـه :_
-اترككم مع الابيات -
البارحـه راسـي تصافـق طـواريـه
والنـوم مالـه يمـة العيـن حـروه
يـلـعـب براسي صوب صلـف المشاريـه
ذيبا ً عوى يبغي عشاء امه وجروه
وانا على الدنيـا مـن الهيـه للهيـه
ماهمنـي شهـره ولا جمـع ثــروه
همي وغمي واحـدا ً يـوم الاقيـه
كنـي عليـل وشوفتـه محـو قـروه
ويا تل قلبي فالهـوى مـن عراويـه
تـل الرشـاء دلـو ثلاثيـن عــروه
يتلهـا اللـي حامـي القيـظ حاديـه
يسقي له ابل(ن) ما رعاهـا بكـروه
عشر(ن) شريدة كثرها من غواليـه
اقفن كمـا يقفـي مـع الجـم مـروه
واللي بقى عشر(ن) وصاته من ابيـه
من دونها لو يصبـح الصـدر فـروه
قلتـه وكـل انـاء ينظـح بمـا فيـه
وفالعمر يـوم(ن) يبلـغ العـز ذروه
واليوم هـذا يـا اولـه ويـن تاليـه
والنـوم مالـه يمـع العيـن حـروه
ضــيــدان بــن قــضــعــان
08-09-2010, 10:14 AM
العرض الشجري