إذا تزوجتي

[موده السنيه]

السلام عليكم ورحمة الله وبركاته

عندي موضووووع صج صج صج يبيله دراسه وحل


اذا تزوجتي اذا تزوجتي اذا تزوجتي ؟ ؟ ؟!!!


صج قهر سببتلي مشكله هالكلمه


قلنا بنروح لرفيجاتنا قالوا >> اذا تزوجتي


قلنا نبي نصبغ شوشتنا قالوا>>اذا تزوجتي


قلنا نبي نسافر للخارج قالوا>>اذا تزوجتي


طيب انتم بالله شنو يثبت لكم اني بتزوج هآآآه


طيب اذا تزوجت شنو يثبت لكم انه مايجيني رجال عله وكل شي عنده لا لا لا


طيب زوجي عله؟؟؟


وماسويت اللي أبيه وأنا حره طليقه متى أسويه


كل شي اذا تزوجتي اذا تزوجتي اذا تزوجتي


طيب اذا الولد طلب اي شي مثلا مثلا مثلا,,


طلب سياره ليش ماتقولون له اذا تزوجت


ليش تروحون تلبون طلبه على طووووول


ليش بس احنا اذا تزوجتي؟ ؟ ؟ !!!


الله يستر ماتقولون باجر حق الملابس اذا تزوجتي


اذا انت ابوي مالبيت طلباتي منو يلبيها؟ ؟ ؟ ؟!!!


شوفو بنات كل وحده تبي تقهر اخوها اذا قالها اي شي قولوله اذا اعرست


مثلا اذا جاج وقالج طقي شماغي اوتي قوليله اذا تزوجت وخل زوجتك اهيا اللي تكويها


وبوقتها بيحسووووووون نفس احساسنا الشنيع


ودمتم بووووود

[ملكع]

جزيتي خيرا



وشكرا ياختاه

[غازي الرسمان]

هههههههههه

الله يكون بعونكم
مشكوره

[موده السنيه]

تسلمين ملكعه على مرورج
تسلم غازي على المرووووور وشرفني ردك

[ســالــم]

ههههههههههههههههه

وش فيش الله يهديش شانه حمله على الرياجيل ترا عادي اذا الاخت تخدم اخووووهاااا



بعدين وهم صادقين لا أعرستي سافري على كيفش وسيري على كيفش

بعد اذن زوجش طبعاااا وامرحي في حياتش على كيفش


تقبلي تحياتي ودمتي بخيرررر

[%الماسه%]

هههههههههههههه صاجه الذحونا في الكلمه كرهنا الزواج من سبتهم

[العيطموس]

هههههههههههههههههههههههههههههههههههههههههاي

جبتيها عالجرح


ماااقول الا ياليتني رجااااااااااال بس

[طبــ ع ــي كــذآ.. }~]

هههههههههههههههه



الله يرزقش بالحظ الطيب والنصيب المبارك وان شاءالله بتعرسين ويطيب فالش


واهلش لاقالوا كذا من مصلحتش صح حنا نقول شمعنى يعني وليه وين الغلط وش المشكله


بس الآهل مايمنعونش من شي الا اذا شايفين انه مو من مصلحتش

او تو الناس عليه


خويتش بتسيرين عليها سيري واخذي معش امش


شوشتش اصبغيها محد راح يقول لش لا بس بعد ودش البنت تخلي لون راسها الطبيعي عليها احلى

في الغالب الوحده ماتصبغ شعرها الا بعد اول بزر كنوع من التغيير


آما مسألة السفر هذي مشكله واعتقاد في غير محله


كل من يشوف الزواج طلعات وتمشي وسفر وروحه ورده بس

الزواج مسؤليه مو لعب واذا حصلت هالآشياء من فضل ربي للترويح عن النفس


حالي من حالش يالغاليه ما شفت غير الوادي ومكه

والآمل متعلق بزوج المستقبل على قولتهم وان حصل ولا سهالات

ماكلفت اهلي عشان اكلف عليه


حبيبتي حتى الملابس فيها اذا تزوجتي لازم تراعين هالشي

انتي بنت والناس تشوفش وتشوف تصرفاتش وتاخذ فكره عنش من لبسش

في ملابس ماتصلح الا لمره متزوجه والمفروض ماتلبسها الا لزوجها ترا النسوان والعجايز

ينقدون وحطي تحتها مليون خط احمر

انتي بنفسش اذا شفتي وحده لبسها ماله داعي بتنقدين

شلون الكبار


واذا خدمتي اخوش ماهي بشينه بكرا بيطلب منش رجلش تكوين شماغه ولا تسوين له اكل


بتقولين له ماني مسويه لك


ما اتوقع



اخوش اذا تبينه يلبي لش رغباتش ويعاملش مثل ماتعاملينه دوري رضاه مثل ماتدورين رضا امش وابوش

حتى اخوش لاصار راضي عليش ومبسوط منش صدقيني راح يزيد رضاهم عليش



ومالنا بهالدنيا غير رضاهم علينا يالغاليه


انا وحده من الناس ما اطلب الا لاصار فيه مجال اني اطلب واطري سفر ولا غيره

لكن ساعات ودش الواحد يقدر ظروف اهله اذا الوالد مشغول مو فاضي ماعنده امكانيه


نزيده حنا ونتحلطم مايصير كافي انه يشتغل ومعيشنا من عرق جبينه



اعتذر على الإطاله بس كلام الحق ينقال كافي ان اهلنا مدلعينا ومعطينا الثقه
والحريه ولا كان ماشفتش في منتدى العجمان وانا ارد عليش ماخذه راحتي


<--اعذريني طولت من جد بس الكلام طلع من قلبي لاني دايم اسمع هالكلمه واقول ليه وكان هذا جوابي على نفسي




تحياتي

[موده السنيه]

اغلبكم ضدي وماني قايله لكم مشكورين عالمرور الا اذا تزوجت

[عسوله kuwatya]

88888

اننااااااا معش

والله انش صادقه كله اذا تزوجتي انا اقولش انا مره شفت فنانه امل العوضي كانت صابغه شعرها لونه غريب بس يجننن انهبلت عليه وقلت لامي سوتلي محاضره طويله عريضه ههههههههه واخرها قالتلي اذا تزوجتي طبعا بكيت ههههههههههه ورحت لابوي ابوي طبعا مايهتم لهسوالف مايدري وين الله قاطه ههههههههههههههه وقالي يلا مشينا وقطني بالصالون وصبغت شعري وامي ماتدري بس انطقيت طق ههههههههههههههههههههههههههه
والله تبت ماقمت اصبغ شعري هههههههههههههههه

عادي انطقيت بس سويت الصبغه ورحت المدرسه مستانسه هههههههههههههههههههههه نسيت الطق هههههههههه سوي مثلي بدون محد يدري واصدميهم ههههههههههههههههههههه