السلام عليكم ورحمة الله وبركاته
صبحكم با الخير..
اهداء ..
يامرحبا يااللي لك القلب مفجوج
عداد نسناس الهبايب ليا فاج
حطيت ريع بوسط القلب هجهوج
ياعين حر بالخضيرا ليا راج
حبك طفح بي طفحت الساج بالموج
ماعاد لي عن حبك اليوم مخراج
اودعتني لاشرب ولاكل ولادوج
ولاستطعم المنطوق من كل هراج
لاغبت عني دق بي كل دالوج
قامت تواردني هواجيسي ازراج
قلبي يجيني نوج واضيعه نوج
يجيه من فرقاك سجه وسوهاج
كن البنات الشقر عندي من الهوج
ماكن به غيرك على الارض دواج
في هرجتك شئ من السحر ممجوج
والنور من غرتك يطلع وينباج
وليا ضحكت بذبل مابها فلوج
مثل البرد من مزنة تلعج العاج
واغضيت في سودبه السحر مدعوج
ترسل سهوم الموت من حجره افواج
تنثرن شقر من كاسي الغوج
تاصل اليا ردف كما حذف ديباج
جاني بلا فالقلب يسوجني سوج
يجرني يمك لك الروح تنعاج
كني اليا شفتك على انهار وبروج
والاملك شعبٍ على راسي التاج
واليا بديت بضحك وهروج واغنوج
قلبي غدا زبده على صالي الصاج
او مير كني بين الاضلاع مخجوج
بشلفا مثل شلفا غنيم بن فراج
غنيم بن شبلان مخلن له سروج
ليا صاح في تالي الرمك راحت امراج
تبا تخليني من العقل ممروج
على العمر شامان تدرجني ادراج
خليتني يازين الاوصاف محروج
صليت بي شرق ماعاد يحتاج
ياروح روحي كان مامنك منتوج
خف الغلا لاعاد تحرجني احراج
لو قلت سير وخذ عندنا روج
جيتك على الاقدام ممشى ودفلاج
اجي وان مبهوج واروح مبهوج
ليا حصل لي منك لو رفة احجاج
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي
28-06-2010, 06:39 AM
العرض العادي
