الشيخه شيخه كانت هنا....

[الشيخه شيخه]

يقول انا اعشقك ياشيــخــه الزين
ومهما ابكتب فيك ادري شويه

دنياي لاشفتك تزهر بساتين
وان غاب طيفك ذقت طعم المنيه

اذوب انا يابنت من نظره العين
وتذبح قليبي شفاهك النرجسيه

يقول انا وافي وابيك توفين
ابيك انا وياي صبح ومسيه

ويقول"احبك حيل"ويحب عشرين
ونفس الحكي قاله لهذي وذيه .!!

هذا ترى هو حال شبابنا الحين
يا للأسف ما عاد فيه حميه

كثرة فتن ولا هي قلة الدين
ولا البلا كله من ضعف البنيه..!

يابنت مابه حب في وقتنا الشين
والله يحبك لجل غايه دنيه

لامن قضى يرميك وانتي تخسرين
ومحدٍ ترى غيرك يكون الضحيه

والله من حبي لك ابيك تعرفين
منهو يحبك ما يجي بالخفيه

دوسي على قلبك ولا لا تبوحين
ولايضعفك حكيه وخلك قويه

وعوذي باسم ربك من الشياطين
والله يحفظك من كله زله وخطيه

وحبي هلك..كان بودك تحبين
وربعك وناسك والوجيه الهنيه

والصاحب الصادق بالعسر واللين
ومنهو طلب ايدك بشمسٍ ضويه

ذولا الذي من حبهم ماتملين
ومايلحقك من دربهم شر واذيه

نظمت لك حرفي من واقعٍ شين
وقتٍ ردي ونفوس جشعه رديه

لاتفكري قولي مجرد تخامين
ولامخاوف بايته بصدر بدويه

ولاانا مالي بدرب المحبين
ساقي كسرته لو وطى درب الخطيه

((سمعتي تسوى في عيوني ملايين ))
والله ما ارخصها مادمت حيه,,

وترى الحكي مقصور على الرديين
((و ادري به رجالٍ مارضت بالدنيه))

[الشيخه شيخه]

ياورد .. وإن مرّت .. ليــالي .. ولا .. جوك ..!
وإلا .. عقب .. ما جوك ... صــدّوا .. و .. شاحوا ..!!

طنـّـش .. أنا .. مثلك .. وطت رجلي .. الشوك
من شـــانهم .. / .. واليوم .. صدّوا .. و .. راحوا ..!!

ما ألوم قلبك .. يوم .. ياورد ... غــرّوك ...!
شفهم .. معي .. لـ أقصى الحنايا .. أستبـــاحوا ..!!

لو .. أنهم .. ياورد .. من عقب قصـّوك ....!
على .. جفاف أوراقك ... الخضر ... ناحوا ....!!

يمدي " عذرناهم " .. ولكن .. بلا أبوك ..!
من يوم .. ما طحنا ... ولا يوم .... لا حوا ......!!

ياورد .. أنا .. ويـّـاك .. شابك ومشبوك ..!
ودموعنا .. تروي الظمأ .. يوم ... ســـاحوا .....!!

بـ الله .. لو عقب البطا .. بـ يوم مرّوك ..!
وبـ جروحهم .. عندك .. من الضيق .. بــاحوا ..!!

لابد .. تذكر .. كم ياورد ... بكــّــوك .....!
وكم ليلةٍ تبكي ... إلين .... أستــــــراحوا .!!

ياورد .. عادي .. لو بـ الإحساس غشّوك
لو .. أن من طيبك ... مع الناس .. فـــاحوا ...!!

تبقى لك .. الذكرى ولو هم .. تناسوك ..!
لو أنهم .. عن دربك .. اليوم ... زاحـــوا ...!!

[الشيخه شيخه]

غرك زمانك وهبلت فيك الاوهام
وبالحلا والزين انت ياحبيبي موهوم

دايم كلامك عنك ومدح فيك واحلام
ترا اللي مثلك وسط الحشا يصير مذوم

ضاعت ايامي بحبك ضاع من عمري اعوام
ضاعت ياقلبي وانا بقربك دايم حزين مهموم

تدري ليه ؟ لاني حبيت كذا والسلام
مادريت الحب صح وماعرفت ان له مفهوم

فهمته غلط وطحت بخطا مسوي اقلد افلام
ودخلت بمعركه عاطفه ومنها طلعت مهزوم

ابعتزل صفحه الحب وابرفع عنها الاقلام
لاني بماضي الجرح عند الحزن صرت معزوم

[الشيخه شيخه]

أبي ...ابگي من الضيقة ,وابعزف...(للهموم ) ألحان
أبي..اطلق مواويل الحزن,وبطرح گل دواويني

أبي..أشگي,أبي.. احگي,ابوصف للبشر حرمان
أبيهم ...گلهم يدرون, أبيهم يشعروا (فيني)

أبي لا من (طرى) اسمي بگى من لوعتي... شيبان
أبي لامن طرى((عاشق)).. ذگر من گان يغليني

أبيهم ... يذگرون أني صرت بدمعتي غرقان
أبيهم يعرفون الهم...هواللي صار يخاويني

أبي أصرخ ... وأبلغهم وأقول ::أن الفرح خوّان
يجي مرة معاي ... و هو (طول) العمر ناسيني

أبي... اترگ لهم قصة ... وأخيّرهم على العنوان
يسمّوا ((حزن )) ؟,يحطوا ((دمع))؟’،ما عاديعنيني

أبي ... لامن وصل صوتي يحس بضيقتي إنسان
أبي... لامن نزف (جرحي) لقيت اللي يداويني

أبي شخص يجي يمي...و يقفل للعنا بيبان
أبيه يگون لي (خلٍ).. وعلى حزني يواسيني

أبيه لمرگبي مرسى,,وأبيه لغربتي أوطان
أبي...لامن ذرفت الدمع لقيته لي (يعزّيني )

أنا ما أبيه يصبح ضلع ?? أبيه يگون لي ضلعان
أبي .. لا من مشيت وطحت يحط يديه في يديني

إلامن خانني التعبير...أبيه (يگون) لي لسان
أبي لامن سگتْ ألقاه ’، يفهم ...من نظر (عيني)

أبي لا من تعبت وضقت...يلم الروح بالأحضان
أبيه يگون لي گتاب...إذا ضاعت عناويني

أبي..أعشق, وأبي...أغرم ,وببني للهوى بنيان
أبيه يگون مبنى ( ضخم ) ويسگن فيه مغليني

أبي واحد يسگن بي... وابطرد لأجله السگّان
أبي يسگن وسط (قلبي)...وعمره ما يخليني

أبي أشعل (شموع )الحب ,وبأعطي من الغلا بستان
أبي...أهديه (باقة) ورد ’، مسقيها شراييني

[الشيخه شيخه]

وش يهمك ليه غبت ووين غبت وليه جيت..
دام ما هزّك غيابي وش يهزك.. لا لفيت

ما تعوضني دموعك عن صدودك والجحود..
ليتني ما قلت أحبك ليتني لك.. ما حكيت

ليتني ما جبت طاري ليتني.. ريحت بالي
وليتني في مثل حبك بالمحبه.. ما وفيت

كنت مفهم بالخيانه كثر مسمع.. بالخيانه
وكنت وافي بالمحبه كثر ما عني.. سليت

وكنت أشوف الناس مثلي غلطتي وأكبر ذنوبي
ايه لاني بالمحبه! في هواك انت.. ابتليت

ايه لاني في عيوني كنت أشوفك شي ثاني
وش أشوفك شي ثاني كنت ملكك! ما حييت..

كنت أردد في غيابك.. أجمل بيوت القصايد..
كنت أررد من يقول اني بنساينك.. نويت


ثم أردد وان قويت أنساك نسيانك صعب
وكنت أرددها بصوتي في غيابك.. بيت؟ بيت

وطحت من عيني حسايف من مكانن كنت فيه
ما رقا به شخص غيرك لا ولا غيرك.. رضيت

لأنك أول شخص عندي وآخر انسان(ن) أبيه
ولانك انت اللي ملكني ولانك انت اللي قويت

يسكن بوسط الحنايا وان جرح قلبي يمون
ساكنن وسط الخفوق وفي عيوني له مبيت..


جفني الأول فراشه وجفني الثاني غطاه..
ولو عطيته كل عمري أعتبرني ما عطيت

كنت مفرط في حناني وكنت مفرط بالغرام
لين صرت انسان عادي في عيونك لو بكيت


من غلاتك من قساتك من جحودك للوفا
من ضياع سنين عمري وأروع أحلامن بنيت..

أصبحت مثل الحطام اللي تطاير في هبوب
ودي أستدرك شتاتي لا ضميت ولا رويت

غير حبك يوم حبك ضيّع سنيني معاه..
حسبي الله..ان صدفتك و حسبي الله ان طريت

وين ما لديت وجهي ألمحك تضحك علي
ألمحك تضحك علي وغير ربي ما شكيت

مات قلبي وش بقى بي أسألك بالله حي
والخفوق اللي رميته في هواك اليوم ميت

كيف أنسا وكيف أسلا أسألك بالله كيف
ولو اقول اني نسيتك يعلم الله ما نسيت

طعنتن أدمت جروحي من كفوف اللي عطيته
كل شين في حياتي وإعتبرني ما عطيت


أكرهك وأكره حياتي وأكره سنيني معاك
وأوعدك ما احب ثاني طول عمري ما حييت

وش يهمك ليه غبت ووين غبت وليه جيت..
دام ما هزّك غيابي وش يهزك.. لا لفيت

[الشيخه شيخه]

حزنت ياقلبي حزن ما يعلم بظلمته انسااان
حزنت ودموعي تهل بالسواد اللي يقول انا الدليل
مشيت بغابة الدنيا بهمومي وباقي فيها حتى الان
نادر تلقى فيها الفرح ولا غصن بالظل عليك يميل
كتبت بدموعي قصاايد ونظمت من جروحي اوزان
وقمت انادي للصخر اشكيله همومي ودمعي يسيل
اقوله انا تعبت والهم على ظهري اطنان
همي وصفته للصخر وقالي اسف ما اقدر اشيل
دنيتي كلها ظلام ولا لحظه بها النور بان
صاير انا للفرح غريب وعند الظلام صاير ذليل
اثر ان السبب اني كل ما سمعته جحدته .. جحدت الاذان
اهتديت وفز قلبي وقتها ابليس خلاني .. وراح يدورله بديل
بس اقول لابليس لاتفرح .. قد قالو كما تدين تداان
واحمدو رب السما والارض على هالدين الفضيل

[الشيخه شيخه]

وينك ؟ تـرى قلبـي تقطـع مــن الشوق
ويـنـك ؟ تعـبـتْ مــن السَـهَـر والكـأآبـه

مانـي مصـدق ( كل مطرود ملحوق )
مــن يــوم طــال الانـتـظـار وعـذابــه

اشتـاق لـك شوق ٍ علـى الـواقـع يـفـوق
شـوق الغـريـب الـلـي فـقـد لــه قـرابـه

ويحـنّ لـك قلبـي مــن الـشـوق ويـتـوق
يَعـصـى لــو اتــرده شــروط الرقابه

شـوقـي يغنيـلـي عـلـى كــل طــاروق
وحـزنـي يسامـربـي .. لـحـون الـربـابـه

اسهر مع اطيافك .. على منتهى الذوق
واعـيــش حـلــم ٍ تكتـسـيـه الـغـرابـه


حريـتـي ضـاعـت .. وقِـيـدت بسـبـوق
كــل الــدروب امـسـت بعيـنـي تـشـابـه

حب .. وفرح .. واحزان .. وجروح . وحروق
ودمـــع ٍ يـكــدّر صـفـوتـي بانسـكـابـه

عليـك احـس انــي بــلا راي مسـيـوق!!
اثــر الـغـلاء يكـسـر جـسـور الصـلابـه

يثـور بـك حزنـي ويـنـزاح .. ويــروق
ويـرجـح عـذابـي لـيـن يـوفـي نـصـابـه

ليل الشقـاء عتّـم .. بـه رعـود .. وبـروق
وعـواصـف ٍ تحـجـب بـيـاض السـحـابـه

وريـح ٍ يخلـي قـاسـي القـلـب مفـتـوق
حـتـى تضـيـع مــن الـسـؤال الاجـابــه

سرقتني .. والحـب .. سـارق .. ومسـروق
وآسرتـنـي لــو مــا بـراســي طـلابــه

من جد محتاجك . قطع قلبي الشوق
تـعــال مـلـيـت الـسـهـر .. والـكـأآبـه

[الشيخه شيخه]

ماطاح من عين المقاديـر .. إنسـان
....... أصلاً جميع اللي بـ.. هالعين طاحوا

إليا استضاقو جيتهم قلب ولسـان
.... وإليا تضايق صدري الكل , راحـو !

[الشيخه شيخه]

راحـت مـن يدينـي كـذا وانـا اناظـر فـي يـدي
لا قادر اوصـل دربهـا ولا قـادر اقـوى بعادهـا

حسيت يوم افراقها كن جسدي ما هو جسـدي
مثل الشعوب اللـي تحـس غربـة وهـي ببلادهـا

قولولهـا محتاجهـا والـشـوق حاديـنـي حــدي
تعبـت مـن كثـر السهـر البـعـد نفـسـي بـادهـا

ضاع جهدي فدوة لهـا لـو منهـا ضـاع جهـدي
احـط موعـد وانتـظـر يمـكـن تـجـي بميعـادهـا

هي بس ترجعلـي وانـا نـذرٍ علـي اذبـح فـدي
وانـي ماعـاد انسـى ابـد تاريـخ عيـد ميلادهـا

ازعلتها وكـان السبـب تافـه مثـل وجـه الـردي
انــي نسـيـت اذكــر ابــارك للـفـرح بعـيـادهـا

تطور الموقف وانا ماكنت فـي الموقـف هـدي
كابرت انـا ومثلـي بعـد هـي كابـرت بعنادهـا

الحـق معهـا واعتـرف والحـق مـا والله يـغـدي
والغلطة ماتحسب علـى اللـي لا غلـط ماعادهـا

قولولهـا يشهـد علـي اللـيـل والـجـرح الـنـدي
ساعـة عطتنـي ظهرهـا والقلـب يصـرخ نادهـا

وان كانها عيت تجي وراحت ورى البعد تعدي
الله معاهـا بـس تـقـول البـعـد وشـهـو فـادهـا

واذا سكتـت او دنقـت او طالعـة صـوب الجـدي
تـراهـا ودهــا بالـرجـوع وعنـادهـا مـاقـادهـا

خلوهـا لـي وانـا اجـي احـط يدهـا فـي يــدي
وكــان العـنـاد براسـهـا ابــوس راس عـنـادهـا

[الشيخه شيخه]

خلاص ابرتاح غادر والسعد فالك
من حضرتك لاجل تقلب لي موازيني

من اي كوكب نزلت وشايفن حالـك
من حضرتك لااجل تتعبني وتشقيني

مليت جرحـك وتبريـرك وموالـك
تخطي وترجع تعتذر لااجل ترضيني

ان كان جرح القلوب البيض يهنا لك
يموت حبـك ولا تنـزف شرايينـي

يموت قلبي ضما واموت انا هالـك
ولااشرب الـذل بيدينـك وتسقينـي

غرورك اعماك تحلم تبني آمالـك
نهايتك جات بيـدك قبـل تنهينـي

والله لانت ولاعشره مـن امثالـك
تخضع له النفس ويفكـر يمشينـي

في واقع الأمر ماني باصغر عيالك
ربانـي الوقـت لاتحلـم تربينـي

غلاك مات ابتعد وافراقك اشوالـك
لاترتجي الدمع واحـذر لاتعزينـي

ماينزل الدمع لا لأمثالـك ولا لأشكالـك
اصلاَ من تكون حتى تفقدك عينـي

لاعاد تحلم يجـي رقمـي بجوالـك
والله مااخضع ولو ترقص شياطيني

خسرت نفسك ومضنونك وتمثالـك
خسارتك للاسـف ماعـاد تعنينـي