بسم الله الرحمن الرحيم
:
:
:
:
:
:
:
:
:
:
:
:
:
:
:
:
:
:
:
محاوره أكثر من ر ائعه مابين الشاعرين العملاقين : ضيدان بن قضعان العرجاني و مستور العصيمي
سأنقلها لكم وعسى أن تنال اعجابكم..!!
مستور العصيمي
سلام الله على أشبال الأسود أهل الكرم والجود=سلايـل مـن جمـع شمـل الجزيـره ليـن وحـدهـا
ياابن قضعان قابلني على وضح النقـا المجـرود=تـحــمــد نـعــمــة الله لايــورالـــك تـحـمــدهــا
ضيدان بن قضعان
نيابه عن عوال اللي يشرف فالنهار العود=هـلا يامرحـبـا ترحيـبـةٍ ابــدي وارددهــا
تركد ياالعصيمي لاتسرع وابذل المجهود=ونـاس فـي بدايـة دربهـا يــاالله تساعـدهـا
مستور العصيمي
توكلنا على الله عقب طق العود راس العود=عـيــال ملـوكـنـا والله يبـلـغـهـا مـقـاصـدهـا
أنـا ويـاك ياضيـدان مـثـل الـنـار والـبـارود=تبـيـهـا حـامـيـه مـــن حـامـيـه ولانـبـردهـا
ضيدان بن قضعان
تقوله ياالعصيمي وأنت لاهاجد ولامهجود=ولكن لاتحـد حنيـف ليـن يـروح مـع يدهـا
أنـا ويـاك يامسـتـور يـاحـاوي ويـامـردود=وإذا لك حجةٍ عند الشيوخ اجني بشاهدهـا
مستور العصيمي
عسى الله ياعميلي يخلص الطارد من المطرود=وسـق رجلـك عـلـى درب السـلامـه لاتقيـدهـا
ألا ياصاحبـي ضيـدان حـبـل السالـفـه معـقـود=لـكـن الطيّـبـه دور لـهـا مــن حـيــث تـاجـدهـا
ضيدان بن قضعان
بعد جينا الحجاز الله يعز الدين وابن سعود=تهيـض ياالعصيمـي وانتبـه لــي لاتعقـدهـا
لقينا فالبـلاد رجـال واللـي فالجبـال قـرود=هل الطايف عسـى الله فالطراقـي ماينقدهـا
مستور العصيمي
بعد جيت الحجاز اعرف طريق الخير ياالنمرود=تــرانــا مـانـحــب الــلــي دروبــــه مايـفـقـدهـا
أنـا ماقلـت لـك تمشـي طـريـق ريعـهـا مـسـدود=تـوســد لـــك جـلايــل والـحـجـاره ماتـوسـدهـا
ضيدان بن قضعان
بغيت تجيب فينا العيد وأنت الصايد المصيود=ولكـن طيـع شـوري ياالعصيـمـي لاتعـودهـا
يقولـون العـرب مايـقـرد إلا واحــدٍ مـقـرود=وأنا طرقي وراس المال ربحي من فوايدهـا
مستور العصيمي
أنــا مـاألـد عيـنـي غـيـر لله ر بــي المـعـبـود=لكـن الصحبـه الزيـنـه مــع الطـيّـب نجـددهـا
ترى ماتصلح الحجه ولا الدعوى بدون شهود=وأنا اعـرف حجتـي وشهودهـا قـدام أوردهـا
ضيدان بن قضعان
تجدد وش تجدد ياالعصيمي والعهد معهـود=ترى الخزنه قريبـه مـن يدينـك لـو تباعدهـا
أنا أشوف الليالي بيض لو كان الليالي سود=عـلـيّ بـيّـن الـشـاره علـيـك انــك تحـددهـا
مستور العصيمي
عسى الله ينصر الإسلام واللي نطلبه موجود=وسكـان الجزيـره علمـهـا فــي راس قايـدهـا
تركـد ليـن ياضيـدان نطلـق حبلـهـا المعـقـود=وأقـول المسلميـن اخـوان ماتخلـف عقايـدهـا
ضيدان بن قضعان
بعد دارت عليك سنين عمرك والزمن محدود=كـذا وأهـل العـوايـد ماتـخـلا عــن عوايـدهـا
سقـى الله ديـرة الهيضـل بليـلٍ تقتفيـه رعــود=عسى بعض العرب ماتحسبني جيـت أهددهـا
وسلامتكم 
22-08-2009, 10:26 PM
محـــاوره بيـــن الشـــاعرين الكبيــــرين ضيدان بن قضعان العرجاني و مستــور العصيمــي
العرض العادي
