وضع قبيلة ال مره الجديد

[الحايف]

(محمد)(الياااامي)

السلام عليكم ورحمة الله وبركاته

والله يالربع ان اكثر كلامكم يوجع ,,واكثر الكلام ماله داعي

والله يسامح الحايف على الموضوع اللي مااعرف المقصد منه

وعليكم السلام ورحمة الله وبركاته

القصد من الموضوع تجده في الموضوع نفسه وواضح وضوح الشمس

اخي الحايف وانت حفيد الحايف المشهور عند ال مره ويام كلها بطيبه وكرمه وشجاعته
وحبه لبني عمه وحميته لهم
ترى هذا الكلام محسوب عليك انت لانك اللي فتحت الموضوع

اي كلام بالضبط طال عمرك ؟

وخليت للناس مجال تتكلم عن ال مره وخليت ال مره ربعنا وبني عمنا وسندنا من كلامك
انهم ماعاد لهم شغل في يام وانهم بروحهم

الكلام ببلاش الله يسلمك
وال مره من يام ويام منها واتمني انك قريت الموضوع وردودي حتي يتبين لك اني ادعوا
لهذا الامر

وللعلم ال مره ربعنا وعزوتنا وماعلينا من حكيك وحكي غيرك يبقون فوق الكلام ويبشرون
بوقفتنا لاحتاجونا في شي مثل ماوقفوا معهم العجمان واعضاء العجمان طول ذا السنين
ومثل ماوقفوا ال مره مع العجمان طول ذا السنين ولحد منهم صار مثلك (يمن على ربعه..ولحد منهم قال مثلك: حنا وقفنا معكم 50 سنه وحنا وحنا..

يا طويل العمر هذي ليست مــــــــــــــــنه بل توضيح مواقف فقط لبعض الردود
وال مره والعجمان فوق كل الشبهات والكلمات الغير مسؤله

يالحايف ال مره طيبهم وفزعتهم وحمياهم لبني عمهم سووها من طيبهم وطيب روسهم
ولاقاموا يتمدحون لانهم ارفع من ذا الحكي ..

لا اخالفك هذا الكلام ولا لهم منه علي بني عمهم وربعهم

انت اللي فتحت هذا الباب ..كنك تقول محد نفعنا من العجمان او يام والمشكله تتكلم بالسان ال مره كلهم

يا اخي انا اجاوب علي قدر السؤال وانا لا اتكلم بلسان ال مره انا اتكلم عن واقع

وال مره متاكد محد بقايل منهم هذا الكلام غيرك انت
ولاهم بكاتبين في المنتديات عن شي ماينفع بني عمهم ..وال مره يجمعون مايفرقون

الكلام ان كان غير لائق فلا هو مقبول لا مني ولا من اي شخص
اما الكتابه بالمنتديات فلا يعيب ولا ينقص
وانا اثني علي كلامك يجب ان نجمع ما نفرق
ولو سئلتك اين كتبت جمله واحده فقط تدعوا للتفرقه ستكون عليك مستحيله
لانني متأكد من كل كلمه وحرف بجميع ردودي

(ولابعد شفت احد من العجمان يتمدح ويقول نفعنا ال مره لانهم اكبر من هذا الكلام ونفعتهم بني عمهم مافيها منه الا من طيبهم وطيب روسهم)

يجوز كلامك صح ويجوز خطا لاني متأكد انك ما تابعت الردود
او مواضيع اخري
عموما هذا الامر لا يؤخذ ممن يقوله او يتفوه به لان العجمان اكبر من هذا الامر

اخي الغالي الحايفلي عتب علي بسيط في جمله من كلامك
تقول:
ان اقصد بكلامي ال مره لم يدخلوا حتي يخرجوا انهم قبيله مستقله
لا تتبع اي قبيله اخري

ادري وكل(ن) يدري ان ال مره قبيله عريقه ومعروفه وانها مستقله ونجتمع معها في يام
بس اللي يسمع كلامك او يقراه يقول ان ال مره ماعاد لهم شغل في بني عمهم واقطعوا كل الصله بينهم واعلنوا استقلالهم ..يااخي ال مره قبيله مستقله بس محد منهم انكر بني عمه
غيرك انت ولا سمعت احد من ال مره يقول هذا الكلام الا انت

اولا عتبك علي الراس من فوق
وانا اكرر انك ما قريت كل الردود وبالاخص ردودي والا ما كتبت هذا الكلام
وانا قلتها انتخابيا وليس اجتماعيا
والامور الاجتماعيه اقوي واكبر من الامور الانتخابيه
وكتبتها كثيييرا

(ولاتنسى فزعت ال مره للعجمان يوم جا المرضف فازع للعجمان يوم اجتمعوا علي العجمان
اقوى القبايل ..والعجمان يحاربونهم الحالهم وموقفين القبايل عند حدهم الحالهم مع ان القبايل من اقوى قبايل الجزيره العربيه واكثرها ..ويوم درى المرضف جمع ال مره وفزع لربعه وماقال حنا قبيله مستقله مثلك

ال مره مالهم فضل ولا منه علي ربعهم وبني عمهم
والقبايل الي اجتمعت علي العجمان يوم قتلة فلاح بن حثلين
هم سبيع والهواجر والدويش
ويوم تكلمت بنت الطويل وعضدت لمقدم البيت وقف بأطناب بيتها ذيك الليله
90 فرس
وال مره يوم شتتوا شملهم وخلوا كلا منهم يقبض له وادي
مع طلة الفجر
هذا واجب وعار عليهم ان محارمهم تنتهك من الغريب
فالعجمي مري والمري عجمي طال الزمان ولا قصر
ولو صار الامر علي ال مره فهذا ايضا راح يكون فعل العجمان

وانا قصدن قبيله مستقله انتخابيا فقط ولا غيره ما فيها حكي

واقسم بالله العظيم اني يوم قريت السالفه اني شاش راسي وانزلت دموعي من طيبهم وفزعتهم لبني عمهم ولاهي غريبه على ال مره الطيب والفزعه والحميا

ما عليك زود مالهم فضل ولا منه
والله انك ذكرتني يوم سمعتها والله انها دمعت عيوني
من كلمة بنت الطويل جعل بطن جابها الجنه

وفي النهايه غالي علينا يالحايف وال مره غالين علينا والله مانبي احد يحس ال مره او العجمان بكلمه وحده

والله القلوب شواهد يا ابن العم والي يحس العجمان والله كانها حاسنا

وطالبك طلبه انت والاخوان تسكرون الموضوع

وابشر يا وجه يام راح تكون ردودي مختصره فقط

واقسم بالله لو واحد غيركم من الاجناب جايب طاري العجمان او ال مره ان حنا مانسكت وان نوقف في وجهه قبلكم كلكم ولاحنا بقايلين هذولا قبايل مستقله
وقوتنا واحترام الناس لنا في جمعتنا وحبنا لبعض

طويل يا وجه يام

والعجمان ماننسى طيبهم وعلومهم الغانمه من اول وتالي وال مره كذالك علومهم وطيبهم
ماتسطرها دواويين وكتابات في المنتديات وكلن خابرهم

انت مري ولا عجمي تراك شككتني ؟
ترا كل ردودي السابقه علي انك عجمي وان كنت مري فبعض الكلام ما ودي اذكره