ملتزمون بالتزكية ولكن المره الجايه غيروها!

[عامر ال مصارع]

انا أأيد كلامك اخوي
لكن مو الحين

في المجلس القادم
بدال لانخلي التصويت على أربعه ويطلعون أربعه ..

نخلي صوتين لكل ناخب فقط ..

وناخذ الي الأربع الأوائل من التشاوريه

وبالطريقه هذي يتم العداله بين جميع المرشحين واعطاء الكفاءه اكبر فرصه ممكنه

[معشوقش الراحل]

المره الجايه يصير خير


وكلامك عين الصواب

[نظره ثاقبة]

السلام قبل لكلام
أخي تركي إرضاء الناس غاية لا تدرك سواء صوتوا بواحد ولا بعشره ماراح تلقاهم راضين كلهم نفس الرضى
يعني إذا هالسنه أنت غير راضي بالمخرجات التشاوريه الجايه بتكون راضي وغيرك زعلان أو متضايق وييقول نفس كلامك الحين
التشاوريه ماتعني إنه لازم اللي تبيه ينجح لو كذا كان ماسقط أحد هي تشاور بين افراد القبيله لاختيار الانسب منهم ولابد إن حنا كلنا نكون راضين ومقتنعين باللي يفوز حتى لو كان مش اختيارك
ولا بلاش من هالتشاوريه من الاساس إذا كل واحد مانجح اللي يبيه قال انا غير راضي وانا............وانا.........وإذا اتبعتوا هالاسلوب ابشروا اجل بالفرقه وابشروا إن القبايل الثانيه بتطلع علينا
بصراحه عمري ماشفت عند القبايل الثانيه مثل اللي عندنا كل واحد يبي النتايج على كيفه والمهم ان اللي يبيه ينجح ومايهم اي شيئ ثاني هذي انانيه ومنظور ضيق للامور لانه اولا واخيرا ماراح يخسر الا حنا إذا استمر الحال على ماهو عليه الآن
وأقولك شي سواء كان لكل ناخب صوت ولا اربعه اللي ربي ماقسم له النجاح ماراح ينجح حتى لو مافيه إلا هو نازل هذي خلها قاعده عندك..............
وإذا بتنزل مستقل مهوب غريبه واجد نزلوا قبلك و واجد بينزلون بعدك ولافيها شي حقك ويمكن انت اساسا تمهد للامر.............