حمدان المري ..!!

[محمد ال شريد]

السلام عليكم ورحمة الله وبركاته

صباح الخير للجميع

الموضوع ومافيه اني ادور قصيده لشاعر حمدان المري
وعجزت ولا عينتها في الانترنت

وقلت يمكن انكم تقدرون تعاونوني وتعينون ذا القصيده

والقصيده تقول في بعض ابياتها


لا زعلتي بصدش ثم شكيتي عاذلي صدي .. بديتي في عذاريبي ولا شفتي عذاريبش
امن اول كان ودي بش واحبش حب من جدي .. وما دام انش تغيرتي فلالش بي ولا ليبش
اهل لبنان الا قالو وحيات الله مابدي .. بقولتنا عسى الله مايردش ويش انا ابغيبش


من يعرفها لا يبخل علينا فيها

[عبدالله بن سعود]

ارررحب يابو شريد


هذي القصيده اللي تدورها سم

الا يااللي خذش وقت القصى ... من خافقي .. لِدَي=خلي وخافقي مرتاح .. قبل الوقت يقفي بش


وقفتي .. والزمن .. والناس .. وشيطان الهوى ضدي=وانا اعرفش ولاتجهلني اطباعش واساليبش


انا لو تجتمع كل العرب .. مابيحت سدي=أعني خطوتش .. من نظرة الضرغام وآجيبش


وقفتي .. منتي بكفوٍ لوقوفش لي ولا ندي=غلطتي .. تحسب اني لعوبٍ من ملاعيبش


ترى ماهوب حظش لاوصلت من الزعل حدي=لاسويبش سواتٍ من قبل لاقول اسويبش


اعاند من يعاندني .. ومزحي من ورى جدي=ولا اخطيتي .. وأسأتي لي .. ضحكت وقلت .. ياطيبش


واعذرش واتعذر لش .. بعذرٍ ماهوب ودي=على شان اقهر العذاال في حبش واماريبش


والى قالوا .. عليك اخطت .. اقول انه على كبدي=عسل والا احلى منه .. واكذَب من حكى لي بش


سواتش تفرح الحاسد ..ويقتل عاذلي ردي=واقول ادري بعلومش له .. لو ان ماني بداريبش


يوم انش كل ماغبتي حدر دمعي على خدي=اهوجس بش والى مني غفيت افز اهذريبش


هذاك اول .. وهذا اليوم مدش حاز من مدي=تغيرتي علي حتى بسلامش لي وترحيبش


تزايدتي في صدش ثم شكيتي عاذلي صدي=بديتي في عذاريبي ولاشفتي عذاريبش


من اولٍ كان ودي بش واحبش حب من جدي=ومدام انش تغيرتي .. فلا لش بي ولا لي بش


اهل لبنان الى قالوا .. وحياة الله مابدي =بقولتنا .. عسى الله مايردش ويش انا ابغي بش

واذا بغيت شي ثاني لايردك لسانك

تقبل تحياتي

[محمد ال شريد]

تبقا يا ابو سعووود

لا هنت مليااار وبيض الله وجهك

وافي يا ابو سعود