صور سيول مدينة ((نعام))

[ابوحمد الشامري]

لاهنت يا ابو مبارك على هذا الموضوع اللي كان له قصة بيني وبين راكان انا قلت لابو سالم ابطلع للبر صدري ضايق وودي اشوف الارض بعد السيل قال لي ماشي ياابو حمد المهم انا سبقتة على سيارتي الهايلكس وشوفوا هذا صورتي على الهايلكس استطلع المكان:




ما وعيت اشوي وانا استطلع المكان الا شفت لي شلال ولا شلالات الميسيسبي في الولايات المتحدة قلت والله ان الطلعه ذا الحين زان كيفها ابي انزل تحت ذاالشلال اخذ لي دش تحته وهاذي صورة الشلال اللي اقولكم عنه:

ويوم قربت من ذا الشلال وقفت سيارتي ونزلت قهوتي واغراضي وادق تلفون على راكان اليامي قلت له الحق يا ولد اهنا شلال على كيفك والله لا سبحت تحته انك تقعد سنه ما تسبح عقبه قال صدق يا ابو حمد قلت الحق يا ولد يا تلحق يا ما تلحق.



عقبها جاني ابو سالم على جمسه الجديد ثم قال وشلون ابي اقطع ياابوحمد ذا البحر اللي بيني وبينك


قلت له اذا تبي تنسى عمرك تجاوز ذا البحر وخلك شجاع الا اذا ما تبيني بكيفك انت حر قال لا والله ابغيك يا ابو حمد القعده معك تسوى الدنيا ومافيها قلت الله يهديك اللي يسمعك يقول قاعد مع ( ايزابيلا ادجاني ) قال الله يقطع سوالفك يا بو حمد ما تخليها
وعلى طول يوم جا طب تحب الشلال وكانه اول مره يسبح تحت شلال وكان طربان ابو سالم وقال ( شيل لله يا سيدي مرسي ابو العباس ) واشوي ويقوم يغني ويقول اسمع ذا الكلمات اللي قلتها فيك ياابو حمد قلت له اسلم يابو سالم قال:

الله الله يا بابا وسلام عليك يا بابا
سيدي منصور يا بابا وانجيك انزور يابابا
اشهد باالله يا بابا ما اعشقت سواك يا بابا
جرح الحبيب يا باباعلى جذعي يا بابا
وش حالي فيه يا بابا ملهوف عليه يا بابا
واشهد بالله يابابا ما عشقت سواه
وان اجيك يا سيدي في شموع بايدي
والنار في قلبي تحرق وريدي
وكحيل العين يا بابا حلو الخدين يابابا
حلو ومقهور يابابا وعيونه بحور يا بابا
وغرقت معاه يابابا عذبني اجفاه يا بابا
وكحيل العين يابابا غدى القلبي فين يابابا

قلت يا ولد القصيدة كلها يا بابا صرت ولا بابا الفاتيكان الله يهديك يا راكان

المهم الخاين العماني ما شفته مواعدنا انه يجي بس دايم هو مواعيده مثل مواعيد عرقوب مالها خاتمه.

ابوحمد الشامري