ااااااااااااااالله محاااورة حامية
طويـــــق :
هلا يا مرحبا ترحيبـة ً فالجمّـر مشعيّـه=على حجم الطراقي ، واللحا نقّدر شواربّها
الا يا راعي الباكـور ( جـوده ) و النعيريّـة=قبل تأصلّها ، (الشلفا) من متونك نخضبّها
راعي الباكور :
لعل ابك البقى والبيت بيّن مـن ذواريـه=وانا لامن ضربت القاع تطلع لي عقاربها
تقوله عقب ماصفوا لنا دونـك خلاويـه=قبل يومين يوم ان البلد قمنا ندوج ابهـا
طويـــــق :
بيارقنـا علّـت ، وبيوتنـا فالعـز مبنيّـه=و تراب القاع لا طقيتها ، لحيتـك تربهّـا
تجوّل و الرجول مهجّره ، و اليـد ملويّـه=و ( بني هاجر ) على وجه ( العتيبي ) بان مضربهّا
راعي الباكور :
اشوفك يا ( ضنا مرزوق ) خنت الاتفاقيـه=تشرقها على وجه ( محلف ) مدري تغربها
انا لاشفت لي رجل ٍ يشيل الداب و الحيه=عرفت انه بعد يومين ميّت من سبايبها
طويـــــق :
الا يا ( راعي الباكور ) توّ ما نضجت الكيّه=تراقبّك ( محلف ) فعيونها ياللـي تراقبهّـا
يا ما شاء الله على منهو تبطّح داخل الفيّه=يبي يعلّم قبايل ( يام ) لهجتهـا و مواجبهـا؟
راعي الباكور :
انا ظنيت باني داخل ٍ لي وسط محميه=لكنّ النفس لا طابت ولا نالت مطالبها
الا ليت الشداد اللي على ظهر العمانيه=بعد طول المسافة ما تمايل فوق غاربها
طويـــــق :
لقيناا تحت سور الدار رجل ً دون طاقيّـه=يصدق كذبتّـه ، وإليـا تنهزرتـه يكذبهّـا
تقوله : وانت تال الدرب دنيـت الخليليّـه=عقب ما النور غاب ، وهبّت النسمّه هبايبهّا
راعي الباكور :
انا اقول ان نور الحق بيّـن لـه حراميـه=على دروب الحجيج اللي سعيتوا في مناكبها
لكنّ اليوم اشوفـك تنعـم بعيشـة رفاهيـه=عسى الله يحفظ عيال الكريم و يعتلي بأبهـا
طويـــــق :
تقوله : و أنت شبّت في حشاك الجمّره الحيّـه=مـا بـاق الا (جنـود الله) فبيوتـه تحاربهّـا
زمـاان أوّل يذكّـون الشيـوخ فمقـدم الهيّـه=( و تعزوا البنت محد ً يقضّي قضاها فـ/ شايبها )
راعي الباكور :
انا مسلم واحارب كل عمـال المسيحيـه=بعون الله يجيها يوم نكسر بـه مخالبهـا
الا منها تعزوت في رفاعـات السعوديـه=اخير امن العزاوي واعوج الدخان جاذبها
محاااورة قوية بين شعار اقوياء نتمنى متابعة محاورة بينهم من جديد 
زبـــــون 
21-06-2008, 07:18 AM
العرض العادي
