عجمان سادات الوغى سقم الأعناق

[راع الشعل]

كاتب الرسالة الأصلية راع الشعل

لأنني عنصري في محبتي لقبيلتي واعتزازي بها لا اقبل أي لوم في ذلك ومن لامني مالة عندي الا ( قلهم بالنيابة تراني عنصري):

في يوم جمعة والدوام السبت والمطر ودان على الوادي جعلة السيل قال الشاعر هذة الأبيات وهو في احد مدن المنطقة الشرقية قبل سنتين ولم يستطع الذهاب للوادي لضروف العمل وكان يخيل البروق قبلة : -

في ديرة (........) النفس مالاق = مقعادها موتي ويصرم ورقها
ياشوق من لشوفك ولقياك تشتاق = عذرية (ن) عن خلق ربي فرقها
شفي بنوى (ن) مردف ونوض براق = بارض(ن) خلا والغيث مزنة رهقها
جف القلم واخفيت باقية الأوراق = انتا بحر واخاف طبعة غرقها

فأرسلت لة هذا الرد :

لاذعذع الغربي على غصن الأوراق = يامرحبا والغيم برقة شعقها
يامرحبا بالي لة النفس تشتاق = أعداد مالعب الهوى في ورقها
واعداد غيث(ن) مرسلة رب الأرزاق = تمطر مزونة بامر منهو رزقها
ياطير يالي بالجناحين خفاق = ستل جناحك للهبايب وسقها
فك السبوق وفك لزمات الأوثاق = مالك ومال الي تعقد وثقها
وسند لدار مدلهة صدر من ضاق = وصكت بة الدنيا وضاقت حلقها
دار الوفا والجود واكرام الأخلاق = اهل الحميا لاتقادح فشقها
عجمان سادات الوغى سقم الأعناق = تشهد لهم لقوام فعل (ن)نطقها
من فوق قب الخيل يسقون ترياق = ببيض الصفايح سمها لادفقها
ومن عقبذا ياماحلى وقت الأشراق = بوسمية (ن) ريح النفل معتلقها
في وسط عجلات المواريد سباق = جرد الرقاب الا توامت شدقها
شعلن لهن في صفحة المجد أفاق = كادت على الي كادته مالحقها
وربع (ن) لهم فالقلب شتلات الأشواق = زرع الله الي بالمحبة خلقها
يالي على كيف الرياجيل تواق = أحمس ثلاث(ن) لين ينغش عرقها
واحرص على الوزنات من جمر الأحراق = وسارق لها دق الجمر من شنقها
حتاه ياتي لونها لة تشيعاق = شقراً تنادي كل منهو عشقها
ثم دقها بالهون في وسط الأعماق = بنجر(ن) اتطرب دنتة لاخفقها
خوي(ن) يبس حلقة ونشفن الأرياق = كن النجر في وسط جوفة رهقها
واجذب لها جمر(ن)كما نوض براق = للدلة الي محترين (ن) عبقها
فنجال بن (ن) لا خوى الراس ينساق = للي غزيراتي المعاني نتقها

وسلامتكم

هناك خطء مطبعي وضعت تحتة خط للمعلومية وشكراً