حتى لا نخسر مقاعدنا في الدائره الخامسه

[ذروان]

المشاركة الأصلية كتبت بواسطة النادر77

اخوي ذروان الله يعطيك العافيه عندي سؤال اتمنى تجاوب عليه ما هي مكتسبات القبيله اللي خايف عليها من الضياع؟وهل القبيله في معزل عن باقي الشعب الكويتي؟وهل القبيله لها متطلبات خاصه ومختلفه يعني مثلا يحطون وزارة ومستشفى للعجمان فقط؟ وهل العضو يمثل ابناء دائرته أم هو ممثل للأمة بأكملها كما جاء بالدستور؟

لو كان النواب يمشون على اللي في الدستور كان ما تكلمنا ولكن الواقع غير

حبيبي المكتسبات اللي قاعد أتكلم عنها

1/ المناصب الإداريه اللي قاعدين النواب ينفعون ربعهم فيها بدون النظر للكفاءه فللعجمان منها نصيب ولا تبغيها تروح لغيرك وأنت تشبح فيها ومالك فيها حظ لأن النواب وراء ربعهم وأنت مالك نائب يطالب بحقك.(مثال بن ذروه وربعه اللي مكنهم من مناصب كثيره وآخرها كان لأخيه بأن وضعه مستشار لرئيس جهاز الأمن الوطني وغيره كثير في الهيئه العامه للصناعه ولا رد على لباس العمامه)

2/لو ما يفوز عجمي ورحت للنائب الفائز الغير عجمي تبغيه يمشي لك معامله ولا يدخل ولدك ولا أخوك في الضباط أو شركة النفط أو في أحد الأماكن المحتكره لعيال الديره (ديوان المحاسبه ولا الهيئه العامه للإستثمار ولا السلك الدبلوماسي وأماكن كثيره)وجاه في نفس الوقت ربعه بيمشيهم ويخليك تقعد ويقولك ردد ياليل ما أطولك.

يا أخي عيش الواقع