السلام عليكم
هذي رديه بيني وبين الشاعر
فهيد بن محمد بن عصيدان
وان اللي بديت وارسلت له
زينت قافن ثم ارسلت مرسـول=للصاحب الطيـب ذرب اليمينـا
نسل القروم اللي على العز بطول=اهل الكـرم والطيـب الغانمينـا
يافهيد انا قلبي من الهـم معلـول=هم يـزول وهـم ينـزل علينـا
من واحدن اقفا وان فيه مسلـول=سل الفواد وسـل سـف سنينـا
واليا طرا زوله علي قلت لحول=لحول من فرقـاه جعلـه يجينـا
اكفخ كما يكفخ حرن على جـول=يبغي الهـدد وسبوقـه مربطينـا
وانكان عندك حل يافهيـد باقـول=رد الحلول ياجعل فالـك يزينـا
وهذا رد فهيد
يامرحبـا ياعيـد ياحـي ذا القـول=وحي الكتاب اللـي وصـل باليمينـا
هات الكتاب وكـل منقـول مقبـول=وأبشر بـرده عقـب ماكـان دينـا
أجاوبك ياعيـد وان كنـت مشغـول=حيثك عزيز(ن) ياأبن عمـي علينـا
وأنت ابن عم(ن) من صناديد وزحول=أهـل الشهامـه مذربيـن اليديـنـا
شكيت لي حالك من الحب وايهـول=ايهـول حالـك والله اللـي يعيـنـا
الحـب هـاذا بيـن قاتـل ومقتـول=هـم(ن) وفرقـا والشقـا والحنينـا
قبلك أنـا ياعيـد بالحـب مسطـول=وامن الولع والحـب قبلـك شكينـا
فارقت خل(ن) لاتذكـرت لـه زول=أذكر سنين(ن) حيهـا مـن سنينـا
عنه حداني كـل حاسـد وعـاذول=والله يحـد اللـي حدانـي لشيـنـا
أبو ردوف(ن) فوقها حـد مجـدول=والخصر عود المـوز لاأهتـز لينـا
والعنق عنق الظبي لاصار جافـول=وتحتـه مـن البستـان رمانتيـنـا
والعين عين اللي ليا صـك بالجـول=كفـه ينـدي كـل صيـد(ن) ثمينـا
واليا كشف وجه(ن) من النور منقول=كشـف خدود(ن)كنـهـا وردتيـنـا
واليا تبسم صف عقد(ن) من اللـول=ويازيـن حولـه شوفـة الشفتيـنـا
هذاك في زينه فـلا شفـت مجمـول=ولاأظـن مثلـه فالمزاييـن زيـنـا
21-09-2004, 09:34 PM
العرض العادي
