هاذي بعض من المرثيّات التي قيلت في الفقيد ., علماً انّها لم تتم 5 ايام على وفاته :
من المصايب ماتضيق به الصدور= تحرك أصدق مايفيض به الشعور
وفاة نواف العديم أغلى نديم = هزت كيان اللي على الشده صبور
نواف .. راعي كل ميقافٍ يشاف = شاعر وحتى في غيابه له حضور
حقُه علٌي مدح ورثا .. مادمت حي= مبدا وفا ..مانيب مداح القبور
أمدح كبيرٍ... مايزعزعه النذير = شجاع ومجٌرب ... وبالطيب مخبور
حلحيل .. ياما حل شبه المستحيل= إللي على القالات ..والهيبه غيور
تحٌسب له الأجناب ..وصحابه حساب= ومن خيرة الأصحاب.. وافين الشبور
أكبر من التميز ... أبو عبدالعزيز = لو غاب عن دنيا.. دوايرها تدور
ياحي ياقيوم .. ماغيرك يدوم= أغفر لنواف أبن منور .. ياغفور
واجبر عزا .. من بستحقون العزا = شمل العوازم 00 وأنت جبار الكسور
في من تفاجيت ابوفاته ..واعتزيت = من واقعٍ مافيه شرك ... ولا غرور
صدمة نبا .. فيها من الفيصل شبا = إللي تمر بكل دار ... وكل دور
نواف .. مات اوجات من كل الجهات = روابعٍ أغزر من أمواج البحور
وأنا المحيط ليا ألتطمت بما يحيط += مهما طميت ... أو أضمحليت امعذور
وأنا الصديق .. ولا صديق إلا صديق = عن الصديق ..إيبيع روحه مايبور
كان أحتفل شاعر(معاصير الدول) = لمواجهة ... سوق الفدايا والنذور
قلت أبن منور مات ؟لا ..لو قلت مات = دام العرب ...فالمقبلات من العصور
خلُد علوم من بيان .. لسان قوم = وبعده رجالٍ مايجي ... فيهم قصور
وخلف من الأشبال من عمٍ وخال= فيهم يجود الضن .... والجود معمور
إن قلت .. مايجبر عزاي ! أمطر سماي = يبيٌن العرفان ... عن وجه النكور
فكرت حتى فالربوع ...من السبوع = وتبادل أيام المصايب .... والسرور
ومن كل ناس الموت .. ياخذ كل راس = عجلٍ لقصف الراس ... ويعاف معثور
كنٌه يقول الموت ...لاداعي يموت = لين الفنا يقضي ...على وجه الدبور
والهزل مايبغيه جزل ... لد فيه = الموت والناس ...آل أبو تسعة شهور
الكوم واجب روس قوم .. ومن يقوم= بالكايده ...لو دونها ... دق النحور
أهل الكفاح ... مرٌوية علٌط الرماح = لكن على وضح النقا ...صوله وشور
من النفوس ... تسوق مهٌر العيطموس = تزاودت بالروس في ...دفُع المهور
أهل العطا ... و متوبة راع الخطا = عن الوطا ... يشٌفع لهم حظٍ بشور
لحفادهم في الأرض ..زولٍ لو يزول = تحقق لجوج وماجوج ... الظهور
هذا وآعيد القول في ... نعٌم الفقيد = نواف ... والفقدان بركانٍ يثور
قالوا .. كفا ! وأقول لو ... ربُع الوفا = ماوفيت ثلث الربع ..حيث الصدق نور
نواف ...ماينسا ولعل او عسا = اوفيه بمر النور .... من خير الأمور
لـ علي بن بلال
,
,
كن الخبر رمحٍ تخلل ضلوعي=رمح الفراق اللي للاعمار قصّاف
صحيح ماهو واحدٍ من ربوعي=مير الوفا فوق الطوايف والاطياف
شقيق فكري في بداية طلوعي=اخوي في حكم العوايد والاعراف
بين الصفوف الحاميه والجموعي=ياما لنا في ساحة الشعر ميقاف
بالقاف يضربني على راس كوعي=واضربه مابين الحجاجين بالقاف
على الشرف ندفع سلاح الدروعي=من شان تعزيز المواقع والاهداف
في علم ترويض الاسود الهجوعي=في ساحته صرنا مروّض وعساّف
حتى بدت تمشي بطوعه وطوعي=والسبع راقي بالتعامل ليا خاف
واصبح حليفي بأتحاد الفزوعي=يوم الزمان اصبح مجاميع واحلاف
من سنة الرحمن ماني جزوعي=لكن معي قلبٍ من الود شفاف
حفظ الصداقه من جواهر طبوعي=اموج بالذكرى شراعٍ ومجداف
ادفع ضرايبها ولاني منوعي=مااظمها في خاطري شكل وغلاف
عليه من جوع الغلا زاد جوعي=ماهو مثل جوع البهايم للاعلاف
جفت ينابيعي ويبْست زروعي=عشرة عمر نسيانها ظلم واجحاف
وفي حين صلينا عليه بخشوعي=وحطوه في قبرٍ فصال اربع اطواف
اقفوا وانا عنده تذارف دموعي=اخر رجل واقف على قبر نواف
يامن لحكمك معلنين الخضوعي=انت الكريم وتكرم الضيف لا ضاف
عبدك وضيفك في مقامٍ يروعي=عن رحمتْك ماله وساطات واسعاف
يالله لاتحصي عليه الوقوعي=في ما نهيت.. وشفت والغير ماشاف
لـ ذيب الشمري
,
,
رحل شاعر ( الفزعات ) والعـز والميقـاف=راع الوقـفـه الـلـي كلوبـنـا نثمنـهـا
مسامير لكبود العداء وإن حضر مـا خـاف=مواقيـفـه التـاريـخ حتـمـاً يبيـنـهـا
ماغيـر اتصبـر يالله الـواحـد الـخـلاف=رحيلـه مصيبـة جعـل ربــي يهونـهـا
فقيدة علي ( عزوة عطا ) صدق يا ( نواف )=عليـك العيـون تهـل صافـي خزاينـهـا
اى والله يـا بليهـان يـا وافـي الاكتـاف=لاقالـوا عليهـا قلـت لعـداك ( لا) عنهـا
جمل لاهـدرت بساحـة الملعبـة تنشـاف=تحاشـاك حشـوٍ قصرهـا عنـك طمنهـا
شجاعٍ نماري فـي فعولـك بـدون خـلاف=وطيب الرجال يجيـك مـن طيـب معدنهـا
ياكم ليلـةٍ مـن وقفتـك تدهـش العـرّاف=شموخـك يبرهـن والمناعـيـر تذعنـهـا
سموّك سمـوّ ومنزلـك عالـي المشـراف=ونفسـك علـي طبـع النشامـا مسلطنهـا
وسيع البطان وقلبك اقسـي مـن السيّـاف=الـي بيّنـت بعـض الدعـاوي بواطنـهـا
لا جات النخاوي والعزاوي علـي المحـراف=تحيزم لهـا مـن طلـق وجهـك وتيقنهـا
اغنـي وزى مانيـب طـربٍ لبـدع القـاف=واكـن الدمـوع بمحجـر العيـن وادفنهـا
فقيدي ولـد عمـي راع الاولـه ( نـواف )=عسـى الله يبيحـه والمصيبـة يهونـهـا
لـ سعد برّاك العازمي
,
,
البارحه صياف واليوم نواف=والموت حقٍ واخر العمر سكره
فارس وميقافه على ميقاف=حرٍ عريب وعارفٍ وين وكره
بين الحرار الشقر لاشك ينشاف=شاعر وله بالراس مليون فكره
الله يادنينٍ تقلًب وتنعاف=اتفتح ابوابٍ وبابٍ تصكره
مرحوم يانبع الوفا سيد الاعراف=مات الرفيق وباقي اليوم ذكره
مرحوم ياقرمٍ رقى كل مشراف=ومن ينكر اهل الطيب فالطيب نكره
لاباس من موتٍ خذا اليوم نواف=ومن عاش جاه الموت لاشك بكره
لـ سعود المحقان
23-09-2007, 09:42 AM
العرض العادي
