وهذه اول مصافحه بين ايديكم ولعها تنول اعجابكم جميعا
من قصائدي تحياتي لكم
جتـك القصيـده يارفيـق المئاسـي=لاذعذعت نسناسهـا هـب نسنـاس
لاجالها وقـت المضيـف احتباسـي=تحبس محابسهـا محابيـس حبـاس
شـي اعتيـادي يارفيقـي اساسـي=لاغابـت الزهـره توليـت طلمـاس
ترسـي مراسيهـا ثقيـل المراسـي=فرسانهـا مليـون والفيـن حـراس
ماشيبـن دقنـي ولاشـاب راســي=لو شفت زغر اعيونهن تقل مجبـاس
متوشحـات ادروعهـن باااللباسـي=متكمكمات اعبيهـن وقـت الادمـاس
سود العيـون ادقيقـات الحساسـي=متنوعات اشكالهـن نـوع واجنـاس
قلته ولانـي يابـن نايـف اسياسـي=انا ابدوي بين النـوازي والاطعـاس
ماهمنـي حلـو الكنـب والكراسـي=لهل الحضاره والحظاره لهـا نـاس
انا ابدوي ياحمـود مرفـوع راسـي=سلم البداوه ساسهـا يرفـع الـراس
مستانسـن مابيـن ربعـي وناسـي=مابين نجـر وبيـن دلـه ومحمـاس
وقت الربيـع وعشبهـا باالمحاسـي=فيها الزبيدي بيـن تربـه وبسبـاس
ريحـة نفلهـا فـاح مالـه مقاسـي=متخالطـن نوارهـا مثـل الاقـواس
اخير مـن جلسـة رفيقـن اهلاسـي=تاجر سوالـف باالمجاليـس هـلاس
هـذا زمـان الطلمسـه والتنـاسـي=ناسـن كرامتهـا باالاقـدام تنـداس
انشدك عن بيتن مع الوقـت قاسـي=طاحت اركونـه والشغاميـم جـلاس
طـاح العمـود الريئسـي بنتكاسـي=تنكسـت اعلامهـم عقـب مـرواس
خذ الجـواب الجوهـري والاساسـي=تظمن حلول اللغز في خمس الاحساس
العرض الشجري