رغم التطور في البلد والحضاره + لا زال ميدان القضا يشكي الزيف

[البليهي]

السلام عليكم


بدون مقدمات اترككم مع هذي القصيده

لو هو على كيفي تركت الوزاره=لكن على ما قيل عندي مصاريف
وايضا نصيبي مرتبط في الاداره=اللي تعشمني بكثر التساويف
رغم التطور في البلد والحضاره=لازال ميدان القضا يشكي الزيف
ياذيب ياللي تدعي بالنماره=خلك من الغابه وحول على الريف
اللي يبي حقه يجيه بجداره=ياتي على راس العمل كنه الضيف
ولا يلتزم مع محتمين الخفاره=ولا يشتحن لا قربت ازمه الصيف
ويغط في المرقاد باول نهاره=واخر نهاره بين ضحك وسواليف
هذي حياه اللي حياته خساره=مع كل هذا ياخذ اقوى التصانيف
وين انت ياللي تدعي بالطهاره=ياللي ترس جيبك كبير المظاريف
المشكله في اللي عطى صك داره=ناس(ن) لها في صفحه المجد تحريف
يقطعك يا رجل(ن) بليا نعاره=سلمت عرضك للعجم والملاقيف
صاروا عقب ذيل الامم فالصداره=واصبح لهم في داخل الدار تصريف
واصبح لهم في داخل الدار شاره=واصبح لهم معجم وفهرس وتعريف
واصبح لهم مدخل على كل حاره=واصبح لهم صوله وجوله وتكليف
قوم(ن) تصف بصف الادنين تاره=وتاره تصف وتحتمي لاخر السيف
قوم(ن) لها في صفحه الغدر غاره=شي(ن) نشوفه والبلا ما بعد شيف
يا وين من يثني عليهم قراره=ويشيل بعض البهرجه والزخاريف
حتى نثبَِت ربحنا والخساره=ويبين منهو شرف الدار تشريف
ويبين من خبثه غسل نص عاره=ويبين من طيبه تعدى المشاريف
ماحن ندور في القصايد عماره=ولا حن ندور للعطى والمحاذيف
حنا ندور للنعم وين داره=ونمشي على نهج النبي في الصواديف
ويالله طلبتك في صريح العباره=انك تبيد اهل البدع والتخاريف

وســــــــــــلامتكم

[صـــبـــــــــا]

حجز اول

صـــح لساانك وكلك اخوي البليهي
بانتظار جديدك الشعري
دمـــت

[فهد بن مطلق]

الله وكبر

ماهو غريبه الطيب من منبع الطيب=وشلون نستغرب من الغيم الامطار

اي والله ماهو جديد عليك يالبليهي ،،الجزاله قترف من قصيدك


لاهنت على كل حال وتقبل مرووري

[سلطااان العتيبى]

البليهي




الله الله



صح لسانك يالذيب وانت مبدع اهني واهناك لاعدمناك



تقبل مروري

[كرباج]

البليهي



ياسلام



صح السانك مدد بلا عدد

[مناحي الصميل]

البليهي ماذا عساني أقول ؟



صح السانك على هذه الدرّه الجزله


عز الله انك جزل


سجلني من متابعيك


اخيك

[البليهي]

المشاركة الأصلية كتبت بواسطة صـــبـــــــــا

حجز اول

صـــح لساانك وكلك اخوي البليهي
بانتظار جديدك الشعري
دمـــت

اختنا الغاليه صبا



حجزش اوكي و درجه اولى بعد




صح بدنش وشوكرن على المرور

[البليهي]

المشاركة الأصلية كتبت بواسطة العود

الله وكبر

ماهو غريبه الطيب من منبع الطيب=وشلون نستغرب من الغيم الامطار

اي والله ماهو جديد عليك يالبليهي ،،الجزاله قترف من قصيدك


لاهنت على كل حال وتقبل مرووري

العود الطيب ومنبعه هو مرورك يالغالي


وشهادتك وسام على الصدر



مرورك عطر ومقبول

.

[نـاصـر]

ماشالله

صح لسانك يالبليهي

[@بنت الشيوخ@]

صح الله لساانك ....

قصيده جزله..

الله يعطيك العافيه..

لاهنت...

تقبل تحيااتي..

@بنت الشيوخ@