ČẳŁěňąя ĻŭςҜ - الصفحة 6

here Lucky boy · #51 09-05-2011, 01:34 AM

لان سوالفي ممنوعه بكتفي بسوالف الاخرين

القصه حقيقيه

مع تغير الاسماء

بعد التحير مباشره وتحديد سنه الدمج

تعرف فيصل البالغ من العمر وقتها 19 عام على منيره

اللي كانت في اخر سنه بالثانويه

استمرت العلاقه سنتين وبعد حب شديد بينهم قرر فيصل خطبتهاا

تقدم الولد لخطبتها ورفض والد الفتاه وخطب مره ثانيه وثالثه وابيها معيي

البنت امها متوفيه وعندها اخت وحده وماعندها اخوان واختها اكبر منها ومعرسه

وسمت واحد من عوال اختها باسمه وانتشرت قصتهم عند جماعتهم

المهم بعد مليون جاهيه وطلبات وافق ابيها على انه يتزوجها بشرط مهر 20 الف

الولد قال لو ميه الف كله واحد دبر الرجال الفلووس

وتملكو وتزوجوو .... المشكله ذاكرتي صايره لكم عليهاا

ما اذكر العرس اي سنه بالضبط بس يمكن 98 او 99 او قبلها او بعدها

لانه قعد قرابه سبع او ثمان سنين وهو يخطبها خطبه ورى خطبه

اعتقدت انا واعتقد الجميع ان القصه تكللت بالنجاح بعد مراسيم الزفاف

البنت عقب زواجها بكم سنه توفى ابيها الله يرحمه ومالها غير اختهاا

وقبل سنتين جاني خابر كان كالصاعقه فيصل تزوج على منيره

وهي قد عليها بزران منه ولا لها والي تزعل وترووح عنده

وذالايام سمعت طراطيش حكي ماهووب اكيد انه طلق مرته الجديده

سردت هذي القصه لكم

وهي رساله لنا ان الحب حتى لو انتهي بالزواج

مانعتبره تكلل بالنجاح

لين ندفهم اثنينهم

here Lucky boy · #52 12-05-2011, 01:19 AM

لايفوتنا طبعا ان نبارك للاخوات المغربيات الانضمام لدول الخليج

ارسلت رساله قبل شوي لواحد ماهوب من الربع قلت تغانم عمرك المغربيات جاوك

رد علي

الخليجيات يطالبون بانضمام تركيا لدول الخليج ( والبادي اظلم ) :d

ذالحزه حزه يوتوب وابو نوره

برووح اسمع لي شي وارجع افضفض كاني مارقدت

here Lucky boy · #53 12-05-2011, 02:02 AM

طراه الرومانسيه ولو ان محد جاب لها طاري

خلف كل زواج ناجح مغازلجي ناجح نظريه لووكي

للمتزوجين والمقبلين على الزواج

كل ماتحتاجه المرأه سأقدمه لك بقالب لاتقدمه المسلسلات التركيه ومتابعتها

كلمه حلوه

والكلمه الحلوه هنا ماهيب ياعمري ولا ياقلبي وتسكت لكن استهد بالغزل

لاتخلي شي فيها ماتمدحه حتى صندلها لو أنه مقطووع

والاهم من ذلك خلك دقيق الملاحظه يعني تخيل انك تلعب لعبه الاختلافات السبعه معهاا

اي شي يتغير فيها لاحظه وامدحه

يعني البجامه ولا الشباصه ولا حتى الدلاغ لاشفتها اول مره تلبسه امدحه

بالشكل هذا انت قطعت 30 بالميه من حياه زوجيه ماهيب سعيده لكن فاخره

الاهتمام

الاهتمام هنا ماهوب محصور بالغيره والسؤال عنهاا

لكن اي شي حتى لو انه سخيف في نظرك

مادام سولفت لك عنه حاول تبين اهتمامك فيه وتنشد منه

بضرب لكم مثل

راحت تفصل لها فستان ورجعت تسولف عليك فصلت لي فستان الوانه كذا وكذا

ومدري بتضبطه الخياطه ولا لا

ولو ان حنى صنف الرجاله نشوف هالموضوع ماله معنى ضبط ولا لا

لكن حسسها انك مهتم في الموضوع اكثر منها

يعني كل يوم اسالها كلمتي الخياطه مادري خلصته ولا لا

يعني اي شي سوولفت لك عنه حاول تبين انك مهتم فيه

بالشكل هذا قطعت عشرين بالميه

الحنان

مابي اسرد بالحديث عنه لانه هو الشي الوحيد اللي واضح ومايحتاج شرح

ويمثل 30 بالميه

الهدايا

ماهووب شرط تكون غاليه ومكلفه اذا حالتك الماديه لك عليهاا

بوكيه الورد اجمل هديه تقدم للزوجه وسعرها عشر دنانير

في الشهر مرتين على الاقل وكل ماكثرت ونوعت من عطورات وغيره كان افضل طبعا

وهذي تمثل عشرين بالميه

بالشكل هذا انت حققت ميه بالميه من حياه جميله

وعشان تضاعف النتيجه وتحصل على ميتين بالميه

امدحها دائم ودلعها عند اهلك قدامهاا

وقتها انا كفيل لكم لو تطلبها عيونها بتنقزها لك قبل تنشد وش تبي بهاا

على طريقه طلاب المدرسه اهم شي تحته خط

من تمنيات شركه لوكي بحياه زوجيه سعيده مقدسه لكم

here Lucky boy · #54 12-05-2011, 02:28 AM

العن ام الفشله

جيت بنسخ قصيده المرحوم طلال الرشيد هنا

نسختها في موضوع تصريح الصيفي

المهم اليووم مالنا سيره الا المغرب والضحك

المهم ضاق واحد وعطاني رابط ولانه ممنوع احطه بحط محتواه

قصيده لمدري من ورد من المرحووم له باذن الله

ياللي تنشد عن علوم الـذي طـاف . . . . . كل البحـور وكـل دولـة وديـره

خذ من علومي علم أوصافه أوصاف . . . . . جزل سميـن يشتعـل لـه سعيـره

الزين عقـب المغربيـات ينعـاف. . . . . غيدٍ لهن بالزيـن ذكـره وسيـره

فيهن حلا طاغي وليـن وتعطـاف. . . . . وفيهن حنان يشعـل القلـب غيـره

حلوات وصف وفاهمات بالأعراف. . . . . زينات منطق صافيـات السريـره

بنات قوم طيبهم غصـب ينشـاف. . . . . أولاد مغـرب بالليالـي العسيـره

ياللي تنشد عن علومي بالانصـاف. . . . . هرجي يكفي صامله عـن كثيـره

الزين في لميـا وتغريـد والطـاف. . . . . ماهوب في حصه وكشـرة منيـره

وهذي قصيده المرحوم طلال الرشيد:

يا بن الحلال ان طعتني خل الاسراف . . . . . واترك جمال الغيد لاهل البصيره

الزين مو بس الملامح والاوصاف . . . . . الزين روح وعفه وطيب سيره

مانيب من يهوى سريا وانصاف . . . . . انا هواي وبس بنت الجزيره

بنت الخليج اللي تماري بالاعراف. . . . .وحنا نماري باسمها كل ديره

مالي غرام بقول وخا وبالزاف . . . . . اذبحني عند الطرحه المستديره

احب قولة ياهلا وعل ماخلاف . . . . . من بنت ثوبي بنت الارض النضيره

اللي تحلاها الظبي حلو الاطراف . . . . . جمال في عفه ورقه وغيره

واللي بها سحر مهو سحر عراف . . . . . ياعل عين ماتراها ضريره

عطف وحنان وذوق في لين الاعطاف . . . . . والى كشفت لثامها شفت اميره

صعبه على اللي بالردى شاف ما عاف . . . . . وحلوه على اللي سنه الله ضميره

شمس الي من اشرقت والدجا طاف . . . . . غابت نجومك غصب لو هي كثيره

السيف ما يزهى سوى كف سياف . . . . . والخيل دون حصانها مستخيره

بس انت دور لك على قدك لحاف . . . . . وان طعتني دور بدلنا عشيره

here Lucky boy · #55 15-05-2011, 03:20 AM

اعاني من مشكله اكابر عليها قدر المستطاع

كل شي فيني مات

ماعاد اشتاق لأحد ماعاد ازعل من أحد ماعاد اغضب من احد

ريلاكس بطريقه ساذجه اشعر ان كل المشاعر فيني ماتت

اكابر على نفسي وامثل هذي الادوار ولكني اعرف ومدرك

ان ذلك لايمت للحقيقه بصله

احاول احيائها بكل الطرق المشروعه والغير مشرووعه

ولكن كل ابواب العودة مغلقه

لحد يقوول من الضنك والابتعاد عن الايمان

لله الحمد مصلي فرضي وقاضب ارضي

لكني افتقد لاحاسيسي ومشاعري وكانها سلبت مني

صارلي شهوور على هالحال

تحدثت مع شخص قريب مني جدا بشأن هذا الموضوع

وهالشخص كل شي فيه ميت قلت ممكن بحكم ان سايقني في هالمجال

يقدر ينور طريقي ويفيدني

عقب ماسطرت له الجمل تباعا اعاني من ومن ومن

قال اهم شي انت تجووع قلت : اي

قال اجل ماعليك انت طبيعي

here Lucky boy · #56 18-05-2011, 01:23 AM

ولكم باك برووق الغلا

here Lucky boy · #57 18-05-2011, 04:06 AM

ياشينها تقعد تكتب يمكن ساعه اخر شي يطلع النت فاصل

تعطيه باك على امل الكلام ماراح تلقاه بحصه

بس دام البلد على صفيح ساخن

استجواب رئيس

وزياده الخمسين وباثر رجعي الله يبارك لنا فيهاا

وكادر المعلمات

قلت المعلمات بس لان كل بنات الجماعه معلمات بس مافيه معلمين

دائم عقب ماشطب على مواضيع القسم السياسي اقعد أحووس في الاركان

ودائم تعجبني ابيات واجد فيهاا

بس لاجيت أرسل مسج وجيت ادور فيهاا مايجووز لي شي منهاا

يمكن لان وقتها مالقى اللي يوافق حالتي

وطبعا النصيب الاعظم في البحث يكوون في موضووع اوقفني

لكن المووضوع صاير كأنه قهوه النسوان هذي قهوتنا بنرووح نقهويهاا

هذي اشادت في ركني نشيد في ركنهاا جابت لنا حلى غالي نجيب لها مثله

here Lucky boy · #58 18-05-2011, 04:15 AM

زقاير قهوه مسن ايفون يوتوب
خمسه وفي عيني خمس ميه

here Lucky boy · #59 18-05-2011, 04:45 AM

سهران وعندك مراجعه

ومدرك تماما اول ماتسطع الشمس في وجهك بيجيك النوووم

على كثر ماتمر علينا هالحاله لكن مانتووب منهاا

تنسدح على فراشك وتلفوونك عند راسك

وكل شوي تشووف الساعه وتقول يمديني ارقد

باقي خمس ساعات عقبه تصير اربع عقب تصير ثلاث

عقبه ترفس فراشك وتنزل للدوانيه تشبك

ولسان حالك يقوول جعل يسقى لاخلصت من المراجعه ورقدت

ياليت الانسان يقدر يرقد على كيفه ويقووم على كيفه

كان لقينا ناس حياتها كلها نوم وناس ماترقد بتاتا

here Lucky boy · #60 20-05-2011, 12:45 AM

عندي بزر فيه طبيعه محقه

قبل يرقد لازم يتغلق ولاتفك غلقته لين تدوج به بالسياره

واللي يغثني لاجاه النووم في السياره وقام يتثاوب

يقووم يضرب راسه في الكشن عشان يطير النووم منه

مايبي لحظات المتعه تطير في النووم

وانا ذاللحين برووح ادوج في شوارع