أطلال القصيد

[الشاعر ويكيليكس]

يا فيصل المسلم عطيب المضاريب=يا جعل يفداك الردي والهلامه
تقنب على رجم الكرامه كما الذيب=يوم ان غيرك ما يعرف الكرامه
حنا ليا منا مدحنا هل الطيب =ما نمدح إلا من تعلا مقامه
دام الفداوي له لجام ومعازيب= الله يبارك للمعزّب لجامه
يالذيب دامك من طوال الأشانيب =دوك النظام اللي يفشّل نظامه
وانا معك بسوقهم للقصاصيب =روسٍ تحسب إن التفدوي شهامه

[الشاعر ويكيليكس]

يا بو متعب دخيلك لاتطب الكويت= (لو بشوفك بحشّك) قالها لك أبل؟
منت بأول ولد عمٍ نصكه دليت=إنشد أهل المنامه يوم شد الحبل
ما ذكرناك ؟ تفتح فالغزو كل بيت=يوم ضاقت علينا من جميع السبل
يوم راحت بلدنا ما دلهت وسليت=لين ترجع علينا وإنتهنا قبل
ما ذكرناك ؟ نذكر راعي الديناميت =كل لغمٍ يحطه زاد حبه دبل
إبتلينا بعدوانٍ لنا وإبتليت= الله أعلى,,ولو هم قالوا إعلو هبل
شرهتك لا تطاول كل قاصر وهيت=شرهتك يا جبل تبقى براس الجبل

[الشاعر ويكيليكس]

أنـــا لا جـيــت أبـدلــه يـــا زمـانــي والـصــدور إقـبــور=يلـوح إبخافـقـي بــرق الـوصـل ,, والـمـزن مــا هـلّـت
أرد الصـوت,, مــن عـيّـن مــن القبـلـه شـعـاع ونــور=كـمـا شـمـس الكـويـت إبشـهـر سـتــه كـــل مـــا طـلّــت
تـــذوّب قـلــب شـاعــر كـــل هـمّــه بـسـمــة الـجـمـهـور=ويـرجــم روس قـــومٍ كـــان صـامــت مـــا بـعــد صـلّــت
ســـــلام الله عــلـــى غـــــروِ مــضــالــه بـالـحـنـايــا دور=ولابـــــه خــيـــر بــعـــروقٍ لــيـــا شـافــتــه مـــــا إنــتــلّــت
وسـيــع العيـن,,فـيـه الـزيـن..لـه بـنــدٍ ولـــه دســتــور=عريب السـاس,, شفـت الناس,,مـن سلهامتـه ولّـت
وأنا وليت,, ثم ناديت,, يا أهل البيت ..قبل السور=عـســى مـاهــي (رمـتـنـي بـالـهـوى بـالــداء وإنـسـلّـت)
ولابه صوت,,غيـر المـوت حـاف الخاطـر المكسـور=ورجـــــلٍ سـاقــتــه لـلــمــوت مـــــا إرتــعـــدت ولا ذلّــــــت
علـيـك الله وأكـبـر,, مــن ضمـيـري يالعـيـون الـحــور=عـيـونــي لــــو تـشـوفــك مـعـظــم الاوقــات,,مــا مــلّــت

[الشاعر ويكيليكس]

يشتاق لي والشوق كنه إمنبه=لا دقت أجراسه بليا سبه
وأشتاق له وأظمى ويروي ظمه=وأذوب في توته وأحب إعنبّه
دلوع,,والدلوع يخرب بيته=لا شاف قلبي دالهٍ يلعب به
خلص على قلبي وحاف ضلوعي =يا لين خلا كل ضلع إيحبه
لو تركب ضلوعي محل ضلوعه=ركبتها بشويش حبه حبه
ولو يحطب ضلوعي,,وترمش عينه=شبت سوات الغابه المشتبه
من لا عشق عينِ سوات عيونه=ريع الهوى,,يا أهل الهوى ما ذبه
ومن لا عشق صوتٍ حلايا صوته=يرجع على كاس الهوى وإيكبه
ومن لا عشق زولٍ حلايا زوله=الزول زوله,,والهبوب إتهبه
وأنا اشهد إني عاشق ومتوازي=يا هاجسي نب الهواوي نبه
قله بروق أشواقنا لا لاحت=لا يحتري غيث الوصال وصبه
أما يصب الوصل وسط عروقي=ولا تراني بالغرام إمشبه
من عقبها مالي ومال الراحه:=الشاطي اللي ما حدٍ طش طش به
لا لجنةٍ تسبح,,ولا سباحه=غاصت بحور القاف لين الغبه
أحدٍ يفطفطها مع الفطفوطه=واحدٍ يبي ماما ويزهم ببه
وأحدٍ يهورّها على الهواره=وأحدٍ رموه القوم وسط الدبه
منهو زعل يجري ويركز راسه=في بيرقي ولا بذيك الصبه
يا جعل ترفٍ بالغرام أرهقني=تفداه شعارٍ سوات اللمبه
هذا يولعها وذاك إيطفي=يعني كذا مابين طفه شبه
والناتج: إفيوزٍ لذع,,وطراره!!!=,,على ريا ل العز يحمد ربه
إيمكيج إخدوده,,ويصنع شامه=والناقص : إيميكيج سواد إركبه
والله يبارك بالطوير الأزرق=اللي عريب الساس لا غرد به
ما يغبط التجار تاجر تاجر=لا صار جمهور الكرامه طبه

وسلامتكم

[الشاعر ويكيليكس]

المنبر اللي ما يشد إبه الظهر=طبق سياسة يا حبى ولا برك
والشعب لو إيموت من زود القهر=حطو لهم بإسم التحرر معترك
مدري فكر,,ولا جهل,,,ولا عهر=ولا سوات التيس لا شاف الكرك
ولا عروسٍ حاوطوها بالمهر=بس المهم إن فيه عامل مشترك
وأنا تعبت إمن السياسه والسهر=يا هاجسي سلم على شيخ الدرك

[الشاعر ويكيليكس]

دعاني قريني للمساري ولا لبيت =بعد وجه اليمه على دار خفروعه
عجوزٍ تغني بالسماوه لأهل تكريت =وإخوها من إغناها تقل صابته روعه
هبيلٍ يحسب العز بصياغة الأوبريت = بعد سل في درب المشاكيل فاروعه
يغني طرب,, بس الطرب كان ما غنيت= وعديت قدام الجماهير موضوعه
تسجون ولا ما تسجون ما سجيت= وانا خابر إن كل الطواريق مشروعه
هجوسي تصب الزيت في حامض الكبريت =وتروي ظما كل إمرءٍ جف ينبوعه
وانا حاشمٍ نفسي عن إمناشب الخرتيت=ولحية جماهيري عن الدون مرفوعه
ولكن علي نذرٍ وإذا فيه ما وفيت =فلاني إبرجلٍ باللقى جمّل إربوعه
لكم حد يا شعار في عالم التتويت =بعد شفت نصف إحروفكم شبه مدفوعه
لا جاني ذليل القوم يخطي وانا ما اخطيت =جبعنا شناباته وهي قبل مجبوعه
ويبقى عزيز القوم له فالحنايا بيت =عزيزٍ مع أهل العز ما غيّر إطبوعه
وكلٍ يخط إسماوته دام ما سميت= وابو حاسبه يحسب من القاف مجموعه

[الشاعر ويكيليكس]

جنيتي فيها من الشوق جني =يعني اثنين براس ويكي توماتيك
هذي تجر بكل طرق وتغني =وهذا يقول الشرق الأوسط مماليك

[الشاعر ويكيليكس]

شاعر ولا لي بالشعر يا كود = جزل البيوت اللي تناسبني
وإن شفت في درب الشعر مقرود = قلت إستلم طرقي وحاسبني
يا راسي الشعّار كثر الدود = على الهزاله تهدم وتبني
والجود لو قالوا : من الماجود = ما كل جودٍ صار يعجبني

[الشاعر ويكيليكس]

يشتاق لي والشوق حده حده =وأنا على درب الغرام آحدّه
وأشتاق له والشوق فيني سايل=كما سيولٍ سيّلت في جده
جيت البحر وأثر البحر يعذلني=كريم في جزره بخيل إبمده
ما يدري إن أمواجنا لا طاشت=تلطم سوات القرم وقت الهده
وإليا بنا سد المفارق عاذل=أمواجنا تطغى وتهدم سده
لا يا بحر جنّب بحوري إسلم=وأنا الأديب اللي معرب جده

[الشاعر ويكيليكس]

خوّي العقيد شهاب ما ينطح الخيّال=وأنا شهاب ما حبّه بعد بانت أسراره
على مدخل الحاره ثلاثة عشر تمثال=بعد صك مزلاج الظفر عمدة الحاره
ابو إطبيله إيطبل وحوله مية طبّال=وبه واحدٍ ما شاقني صوت مزماره
وبه حيةٍ رقطا جرّسها كما الخلخال=ليا دقته سيقانها تاره وتاره
عيون الرجال إحراب,,والحال قبل المال=بعد شفت في دربي هل الحِسد سبّاره
تقولون: ولا ما تقولون: ,,قلت: وقال:=ولا شفت ما قاله,, ولا جتني أخباره
وألا يا نديبي من على شاشة الجوال=طويرٍ ماهو موتر ولاهوب طيّاره
يرد الخبر لامن حديته على الإرسال=ولا يلقطه عقل العميمي وراداره
ومنصاه رجّالٍ يساوي كثير إرجال=عريبٍ على رجم الظفر ما طفت ناره
يداحم جبالٍ ما نطحها ياكود إجبال=كما إطويق ثابت ما تزحزح عن إدياره
مع فيصل المسلم يجي للشعر مدخال=وأنا لا مدحت أمدح هل الطيب وأذكاره
تبي تعرّف الرجّال شف خوّة الرجال=وشف من على إيمينه وشف من على إيساره
شف الطبطبائي وإبن هايف,,تشوف أبطال=وجمعان والصواغ,,والغاره الغاره
هذي كتلةٍ ماهي تمّثل ولا تختال=بعد مثلّو كل الكتل ثورة الحاره