الشيخه شيخه كانت هنا....

[الشيخه شيخه]

في كفها خاتم وفي خدها خال ..
.. وفي عينها غيم وعمارات وبيوت


الخال شفته واضحٍ من ورى الشال ..
.. والخاتم الماس مرصع بياقوت


والعمر في العشرين كني مانيب زال ..
.. والجسم كنه من جبل ثلج منحوت


جبل ولكن لا طرقه الهوى مال ..
.. وخطواتها ماهي بالأمتار بالفوت


ماهي تشوف الشمس من ظل الاظلال ..
.. ومصيافها ما بين لندن وبيروت


الشمس لو تشرق على جسمها سال ..
.. كنها مجسم محلبيه وبسكوت


ومن صغر مبسمها شقى حالها الحال ..
.. ما تاكل الا اللوز والخوخ والتوت


ماهي تشوف الناس تمشي وتختال ..
.. ومرٍ على جاكور ومرٍ على حوت


وخدامتين وهي بلا زوج وعيال ..
.. وسمعتها تدعي الدريول يياقوت


وثلاث جوالات ماهو جوال ..
.. ومن يوم خلقت كل شيٍ بريموت


لكن قلبي مالها فيه مثقال ..
.. وش قرب البشت الحساوي من الكوت


ياجعلها للي خذت قلبي نعال ..
.. اللي غلاها عندي الشرب والقوت


حوريةٍ من فوقها الليل شلال ..
.. كنها صبحٍ فوقها الليل مكتوت


قلبي لها من كثرة الشوق مشخال ..
.. وللسر عن كل المخاليق تابوت


تنحت لي من الحب في القلب تمثال ..
.. وحبي لها ينحت على الساحه بيوت


في عينها ماكل رجال رجال ..
.. وأقصى حدود الوصل في سلمها الصوت


زودٍ على القلب وعلى الحسن من آل ..
.. روسٍ لهم روسٍ على متونها بشووت


الى رضت موتوا يا أهل روس الأموال ..
.. وإلى زعلت جربت وش سكرة الموت


من دونها رجلي وراكب وخيال ..
.. والسيف والأمواج والبحر والحوت

[الشيخه شيخه]

علموها لاتجيني تقلـب الفرحـه مواجـع
علموهـا لاتحـط بداخلـي جمـرٍِ وكيـه

علموها عن حياتي .. عن حياتي والمراجع
وذكروها بالعذاب .. وذكروهـا بالمنيـه

وعلموها لاتجيني .. لاتجيني ثـم تراجـع
من سبايب هالتراجع صارت الصدمه قويه

والله اني من هواها ماشوف الا الفواجـع
فاجعه جتني خطيره فاجعـه منهـا آذيـه

والله اني والله اني مع همومي دوم ساجـع
والله انه والله انه صايـرٍ آكبـر قضيـه

فاجعه يوم اتركتني فاجعه والحـب فاجـع
فاجعه يـوم اتركتنـي هالفتـاه اليوسفيـه

ذلت القلب المشقى قلبي اللي دوم شاجـع
ابعدة من دون علمي ابعـدة هـاك البنيـه

والله اني ماحنيت الراس من ذيك المواجع
مير هاكم ما اقوله والحقيقـه فـي يديـه

والحقيقه .. الحقيقه والله اني ماني راجـع
بسري في دربي لحالي والكرامه لي خويه

[الشيخه شيخه]

بهتنيبك والسموحة دامني فـي الأرض حـي
..........................خلني أهنا بقربـك دامنـي حـي(ن) معـاك
بهتنيبـك لـو تحـاول مـن ودادك ماتبـي
............................سو ماسويـت لكـن ماتغيـر مـن غـلاك
خلني أهنا وشافي مـن عـذاب(ن) ساكنـي
............................دام قلبـي والمصيبـة مايبـي الا هــواك
لاتفكر كيـف تقتـل مـن غرامـك داخلـي
.............................سو ماسويـت تتعـب ماتصـد الـي بغـاك
بعد موتي والكفـن لاصـار فينـي ملتـوي
...........................رح تذكر من شراكـم بيـن ناسـه مانسـاك
لاندم يكفي أشوفك دايـم (ن) فـي ناظـري
..........................ارتوي مبسم شفاتك ضحكتك ياخـي حـلاك
لو أفكر منت اجمـل مـن عرفتـه دنيتـي
...........................بـس حالـــــــي للأسـف مايبـي الا لـقـاك
أنا حتى مدري أنـك كيـف تحكـم داخلـي
......................كيف تلعب في ضمير(ن)ماعرف الا شقـاك
أنت تحسب في غرامك راضي ابهم(ن) علي
.........................والله ادعي الرب وطلب انه يقتلـي هـواك
انت بلوى في زماني انـت بلـوى المبتلـي
.......................وانت شكوى لخافقي ياشيخ ما احلا شكـاك
لاتلوم الي بغرامـه وقـت شوفـك يهتنـي
.....................بهتني غصب(ن) علي وبهتني بقربي معـاك
لوم نفسك ليش تبذر مـن ملاكـك داخلـي
..........................ليش ترعى غصن اخضر منسقـا الا بمـاك
كان بمكانك كسرتـه وسـو ماسويـت بـي
..........................لاتلوم الي ترعرع بس في حضنـه معـاك
اتعبتني وتعبتني وتعبـت فينـي كـل شـي
..........................ياليتني آقوم وقـوى وقتـل اشويـة غـلاك
أموت والرحمة نستني في طريق(ن) غامضي
...........................وآكمل المشواردايـم ونتظـر لحظـة لقـاك
ارجوك سعادني وأكد الحجز فـي رحلتـي
.......................مجبور أقتل بي غرام(ن) لامني منه هـواك

[الشيخه شيخه]

يـغـنـيـك عـــن كـثــر الـحـكـي مـجـمـل ابـيــات
ومــن يـاخـــذ الـمـضـمــون يـلـــقــى الادلـــــه

تـــدري وش الـلـي يــقـتـل الـح ـــب بسـكـــات
لاصــرت فــي بـــوحــك تـــحـــس بـمــــذلـــــه

وتـــدري وش الـلـي يـكـسـر الـظـــهـر حـزات
لامـن عـطـيت احــســـاس مــاهـــو مـــحــلــه



وتـــدري مـتـى تـستــاهـل الـطــعـن مـــــرات
لا مــن خــطـيـت الــدرب وانــتـه تــدلــــــــــه


لا تـتـبـــع المـقـــفـي عـلـــى كــل حــــــــالات
بــعــض الـوجــيـه اللـي تـقـابـلـك عـلـــــــــه

ولا تـسـال الـغـالـي عــن الــــجـرح لا فـــات
نــبــش الــحـكـي يـــزود الـطــيــــــن بــلـــــه

طــالــع فـمــن حولــك وتاخـــــذ شــهــــادات
مـــانــلـتــها لــو تـــدرس الـدهــــــر كـــلــــه

ناس(ن) تجر من اســـــــود الضيق ونـــــات
ونـــاس(ن) تـقــضــيها ونـــــاســــه وفـلــــه

هـــذاك شــال هـــــمــــوم غــيــره ولا بـــات
وهـــذاك مــايــدري عــن احســـــــاس خلــه

احــدن يهيــن اصــلـــــه عــــــلى كـــل زلات
واحـــــدن تـــرومه شـيـمــتـه مـــــــاتـــزلــه

لا تـــقــول حـــظي من عـنا الـوقـت قـد مـات
قــل مـــات حــــظ اللـي عــــنـاه اســتــــحلــه

ولا ضـــاقــــت الدنيـا وعلى الكيف ما جــات
اطـلـق احـجاجـك ثــــــم تـــــوكـل عـلى الـله

[الشيخه شيخه]

يا روح روحي فداك العمر وسنيني لكـن فرقـاك تكفـى لا تطريهـا

انت الذي من جميع الناس مشقيني والحاجه اللي تبي قلـي واسويهـا

ان كان يا داعج الاعيان تغلينـي الروح شفها وش اللي صايرٍ فيها

ياما على شان شوفك تفرك يديني ويا ما على شانك الرجلين أعنيها

كلي جروحٍ ولا غيـرك يداوينـي وأن كان خليتني منهـو يداويهـا

على غلاكم وشوفـك لا توصينـي والا انت نفسك عليه ما تواصيهـا

منيب ناسيك لكن أنـت ناسينـي وشلون عشرة سنين العمر ناسيها

لا من ذكرتك يهل الدمع من عيني واخاف من هرجة العذال وأخفيهـا

اللي جرالي من اسبابـك يكفينـي عزالله ان المحبه مـات راعيهـا

[الشيخه شيخه]

كفاك اليوم ياقلبي عرفـت إن الزمـن خـوان
يخونك من عرف طيبك تـرى الأيـام كذابـه

دخيلك لاتعاتبني أنا المخطـي وأنـا الغلطـان
عرفت إن الوفاء والغدر بعض أحيان متشابه


كفايـه لاتزودهـا جروحـي مابهـا نقصـان
أنا استاهـل عـذاب ماتحملتـه وأنـا أسبابـه


حزينه لحظه الفرقا صعبه لحظـه النسيـان
وأنا وأشلون بنسى من خذي عمـري وقفابـه


حياتي كلها غربه تعيـش الحـزن والحرمـان
رجيت اللي يواسيني وأشوفـه طـول غيابـه


اخفي عبرتي واضحك وأنا في خاطري زعلان
وأداري خاطـر عيَـا عزا...الأيـام يسلابـه

عزاي اللي رحل عقبه حياتي مالهـا عنـوان
هذاك اللي خذاه الموت مـن عينـي ولاجابـه

[الشيخه شيخه]

عشقك صـآر يفترسني لحد الجنون ..

[الشيخه شيخه]

يخسي قلبي ان كـان لاجلـك يذلنـي
الحب ماهـو مذلـة انسـان لانسـان

ما انخلق بعده لي تحت رجلـه يحطنـي
ولا انخلق ياللي عشانه نفسي تنهـان

ظنيت فيك حب صادق ..شوق وتمنـي
ظنيـت قلبك كلـه مودة وحنـان

وللاسـف خــاب فـيـك ظـنـي
أثرك مـا تعـرف الحـب يـا فـلان

اوهمتني بـه ونيتـك أصلا تذلنـي
وانا عطيتك حب من خافـي الوجـدان

توني عرفت انه حبي لك غلطه علمتني
أفكر بعقلـي قبـل قلبـي والاعيـان

يالله توكل .. روح ماعاد أمرك يهمني
صرت يالمحبوب في صفحـة النكـران

لا تظن في يوم اني لك ولا حبك يردني
لا والذي سـواك مـا رد للـي كـان


لاتذرف الدمع ولا تقول انـك تحبنـي
عمر المحبة ماكانـت مذلـة وحقـران

يخسي قلبي ان كـان لاجلـك يذلنـي
نفسي عزيزة رافضـة فيـوم تنهـان

[الشيخه شيخه]

فمان الله ولا تبكي يا اغلـى مـن سكـن قلبـي
نصيبي والقدر حاكم وأنـا مثلـك تـرى محكـوم

دخيلـك لاتبكينـي مهـو ذنـبـك ولا ذنـبـي
ترى حظـي بهالدنيـاأعيش بدنيتـي مظلـوم
..
..
عشقتك والعشق بلوى وغيـرك مـا وطـا دربـي
ومن حكم القدر كني صريع(ن) فالحشـا مسمـوم

ولا ذقت الكـرى لحظـة ولا زادي ولا شربـي
ودمعي ماوقـف سيلـه وقلبـي يالغـلا مهمـوم
..
..
عقب حبـك ولا بعشـق ولا ابغـي احـد قربـي
فراقك حطم احلامي ومن عقبـك تـرى مصـدوم

ولا غيـره بـرى عوقـي ولا طبـك ولا طبـي
وأعيش العمر من عقبك مريض(ن) م الهوا محموم
..
..
فراقـك مـا توقعتـه وأنـا ببقـى علـى حبـي
ولين أرحل عن الدنيا تعيـش بداخلـي مرسـوم

تذكرنـي ولا تنسـى واذا هـب الهـوا غربـي
تذكر من غدى عقبك محب(ن)ف الهـوا مرحـوم
..
..
وبدعيلك عسـى تفـرح وبدعيلـي عسـى ربـي
يصبرني على همـي وأعيـش بدنيتـي محـروم

ياعيني من عقب خلـي دخيلك بالدمـع صبـي
أبي أصبر علـى خل(ن)فريد(ن)بالمـلا محشـوم
..
..
فمان الله ولا تبكي يا اغلـى مـن سكـن قلبـي
نصيبي والقدر حاكم وأنـا مثلـك تـرى محكـوم

دخيلـك لاتبكينـي ماهـو ذنـبـك ولا ذنـبـي
ترى حظـي بهالدنيـا اعيـش بدنيتـي مظلـوم

[الشيخه شيخه]

وش تسوي لو تحب انسان ماهو من نصيبك
لا لك بهالوضع يد .. و لا له بهالوضع سبّه !!

وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبّه ؟!

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـّه !!

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـّه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبــّه