( البارحه كان الوفا في غلاكم.... و اليوم خاب بذا الوفا ظنون و ظنون)

[محمد العزام]

الله من قلبن له الهم حاكم=مشاعره شعبن من الحكم مغبون
راعيه شخصن كل عمره عطاكم=و له بالجفا و الغدر صرتو تجازون
من عقب ما كنت القمر في سماكم=غديت نجمن ضايعن في سما الكون
اسري مع همومي و ذكرى هواكم=و اتذكر الماضي و تدمي بي طعون
بعتو الذي بصادق حنانه شاركم=و شريتو اللي للمحبه يبيعون؟
و الضامي اللي ما رويتوه ماكم=لا تحسبونه بيترجى تحنون
يا كم حرفه قد وقف في حماكم=شامخ كما راعيه لو كان مطعون
و يا كم جرحن قد لقى من وراكم=و يا كم ما بيَح من الدمع مكنون
البارحه كانت عجوله خطاكم=و اليوم و عزاه قمتو اتخطون
البارحه كان الوفا في غلاكم=و اليوم خاب بذا الوفا ظنون و ظنون
مات الوفا و الله يبيحه وفاكم= و القبر قلبك و الحنايا يعزَون
يا جعل يحسن في وفاكم عزاكم=و صعب الرجا لمن صار بالقبر مدفون
و كرامة الخافق تحتم جفاكم=و من كان عالي صار بالقاع مطمون

,,,,,,,,, و سلامتكم