## دااانــة البحريـن تحت المجهر ## - الصفحة 5

دااانة البحرين · #41 01-02-2008, 03:17 AM

اقتباس:

المشاركة الأصلية كتبت بواسطة حضريه عمها بدوي

سلااااااااااااااامن عليكم

ياهـــلا وااااااااالله وغـــــلا
وعليكم بما جئتم

ورده المنتدى تسلمين ياعزيزتي على هالاختيار اللؤلؤي

تسلم ويعطيها العافيه وردتنا

فعلا هي دانه ولؤلؤه المنتدى

مو ناقص الا تقولين محار وعروس البحر

تسلمين ياقلبي وماعليج زود

دانه بقول الصراحه مهب عارفه وش اكتب والا اسال بس بحط على نفسي وبسوي اللي اقدر عليه واقوووووووووووووول

اي اي قصي علي ... يمه منج انتي

دانه ونفس مااحب اناديها دانووووووووووووووو هي اقرب الاشخاص لي

بعد قلبي والله نفس الشعور :$

اشوف صديقتي ماقصرت في الاجوبه ماشاءالله عليها

شكرا شكرا

بس الحين تبدا ساعه اللقاء ونجهز الميكرفون <<خلك كاشخه صديقتي للمقابله

يـــــــــس ولج المايك

بسم الله وعلى بركه الله <<<قطعي لي بطيخ لو سمحتي هههه

على بركة الله

سين سؤال :ماهو البرنامج اللي ماتحبين اتشوفه الوالده وتتجنبين انها اتحط عليه كل مره؟

ههههههههههههههههههههههههههههه

برنامج سيرة الحب / لفوزيه الدريع

يحمل مفردات مااحب ان الوالده تسمعها >>> وحده تبي تحافظ على امها كيفها

سين سؤال: بما انك اتحبين الرقاد وكل ساعه اتفخين من اي نوع مخدتك الهارد والا السوفت <<<<<شكلي بنطق على هالسؤال ههههههههههههه

ههههههههههههههههههههههههههه

لا السر باللحاف الوردي

سين سؤال: دندن اغنيه شوفي شموخي ليش اتحبينها ؟<<ياويلي

أحب الاغاني اللي تحمل معاني قوة النفس
احب الكلمات القويه

سين سؤال: قلب دانه كاي قلب بشري بس اللي اعرف عنه انا غير قلبك لطيبتك واحساسك المرهف كم غرفه فيه ؟<<<ممكن احجز شقه هههههههههههههههههههه

افا عليج تـــمــلـــيـــك

سين سؤال: صديقتي الطباخ بعيد عن وجهك بس متى بتكسرين خاطرنا وتدخلين المطبخ؟

مثل ما قلت لأبو السبارج قريبا _ انتظرونا

سين سؤال: دانه هل تعتبرين المطاعم لها دور في حياتنا وخاصه للي ماتعرف تطبخ ؟<<<سؤال بتهاوشني عليه ههههههههههه

لا لا لا

ليش اهاوشج عليه

سؤال جميل منج

أنا وحده عندي خبره بنص مطاعم البحرين .. شي طبيعي لا عيب ولا حرام

سين سؤال: عندما تفكر دانه بانها تروح السوق من اول وحده اتفكر انها اتوديها وياها وليش؟

بنات اختي

مو عشان استشير لان اخذ اللي براسي ... بس راحه نفسيه وجودهم معاي اكثر ناس يفهوني

سين سؤال : شخصيه في المنتدى تتمنين تلتقين وياها وتشكرينها ؟<<<بصراحه اووكي

اشكره؟؟؟؟ عمري مافكرت فيها ...

لكن اذا .... فيصل بن حجرف >>> بشكره اني عرفني عليكم

ولا تدرين ما اظن اشكره ما احب هالحركات البلدي

سين سؤال: لو صارت دانه مصممه تواقيع في المنتدى اول شخص اتسوينله توقيع من؟

اوووووووووووووووه
اصير مصممه >> ترفع يدينها على فوق

والله لا ابــهــدلــكـــم بالتصاميم كل تصميم اشــيـــن من الثاني

واول تصميم لج >>> بجرب فيج

سين سؤال : لو نزلتي موضوع سياسي غير مصرح لك انك اتنزلينه اول قرار تتخذينه شنو؟

مافهمت قصدج

انزل موضوع؟ او قرار؟
اذا موضوع : انتقد سياسة الملك مع الشيعه بالبحرين لان اذا بقت السياسه على هالوتير بياخذون الحكم
اذا قرار : تطبيق اقصى العقوبات من اي عمل شغب بالبحرين واي انتماء سياسي يخالف نظام وسياسية المملكه

سين سؤال: اذا دخلتي المنتدى اول الاشخاص اللي تبحثين عن اسماءهم اون لاين من؟
شخص معين يوميا ؟ ماعندي

لكن اذا اشبك الصبح انتي واخوي سابرج

ادري صديقتي راسها عورها مني

افااااااااااااااااااااا
جم حضريه عندي انا

عسل على قلبي

بس لحظه نااااخذ نفس

اللهم طولك ياروح
>>> اتغشمر فديت قلبج

<<<<شربي ماي صديقتي <<<ناويه انشف ريقها

ههههههههههههههههه
لا اوكي .. معاج

سين سؤال: تقدرين تكتبين وش اللي في خاطرك الحين في سطر ولايتعدا 3 كلمات ؟<<ايه شنو صديقتي هع هع

هههههههههههههههههههههه
سطر 3 كلمات بس خساره السطر بس نطول المشاركه

ما اقول الا

فديت قلبج والله

سين سؤال : صديقتي هل تايدين الريجيم او الرياضه؟
خبرج مالي بالريجيم كلش
بس انا مع اي شي ان البنت تحافظ فيه على جمالها

والرياضه للجميع >> دعايه

وسين سؤال: لو الله كتب لك وظيفه سنعه اول راتب بتذكرينه لمن؟ <<<فيفتي فيفتي صديقتي
ان شاااااااااااااااااء الله

تستاهلين وربي

بس الصج

ان شاء الله ان شاء الله

بعطيه امي اذا رضت تاخذه لانها صج مو مقصره علي

وحتى اذا عطيتها اياه باخذ الــدبـل منها

بس اسمها شنو؟

عطيت امي اول معاش

<<<<بس دانو وشتنطرين جاوبي

وراس خادامتنا سيتا جاوبت

لحظه دانوووووووو

اهداااااااء لعيونك

إرفع جميل الرمش عن ناعم الخد جرحت ورد الخد برموش عينك
ياللي بك التفاح والغصن والورد والسحر في هرجك وغرة جبينك
فيك الرشاقة والمرح مالها حـد جمعتها مع خُف دمـك وزينـك
اللي جرى بيني وبينك من الـود أخفاك بقصا القلب عن ناظرينك

بعد قلبي والله ياحضريوووووووه

مشكوووووووووووره فديت قلبج

ويسلم لي الاهداء وراعيته

لا خلا ولا عدم أختي وصديقتي

دااانة البحرين · #42 01-02-2008, 04:19 AM

اقتباس:

المشاركة الأصلية كتبت بواسطة رمان

هلا والله بأختنا دانه
هلا والله اخوي رمان

وحياك الله بينا
الله يحييك يالطيب

واتمنى ان تنال اعجابك اسئلتي
اكيد بتكون بروعة وقيمة صاحبها

وفرصه طيبه في رؤيتك تحت المجهر
تسلم اخوي

1) ماهو اجمل موضوعك خطه قلمك او نقله هنا في هذا المنتدى الغالي وما اكثر موضوع اعجبك لأحد الاعضاء هنا ؟.!!!!!

ماعندي كتابات بالمنتدى تذكر

>>> ماتهمني الكلمه كثر مايهمني الاحساس اللي تحمله

بالنسبه لمواضيعي موضوع اللي كتبه عن أمي
واكثر موضوع اثر فيني موضوع من مواضيع المنتدى كان بالسوالف العامه ما اذكر اسمه عدل بس كان عنواه إقرأها عندما تكون لوحدك
وانتظرت وقريته وتأزمت حالتي النفسيه

2) ماهو اول منتدى تدخلين فيه اول ماتشبكين هل هو منتدى السوالف ولا منتدى الضيوف ولا الشعر الخ ... ؟

يكون التوجه على حسب المزاج والحاله النفسيه

ماعندي شي معين

3) هل كنتي تتوقعين اختيارك في (تحت المجهر) ؟.!!!!

اي

4) بما أنك من الجنس اللطيف ... ماهي الأشياء التي لا تعجبك في بنات اليوم ؟.!!!!

زايدة التحرر

4) أسرارك هل هي في (بير) ... أم أن هناك من يسمح له بالإطلاع عليها ؟

فيني طبع اني احفظ اسرار غيري (مستحيل اتكلم) ... بس اسراري انا لا

5) هل تؤيدين اختلاط الرجال بالنساء في العمل ؟

على حسب تربية البنت وقدرتها على المحافظه على نفسها وعلى سمعة الاسم اللي تحمله
واذا كانت بيئه مناسبه ومسؤول محترم ماعندي خلاف بهالموضوع

6) ماهي نظرتك في الفتاه التي ترتدي العبايه الضيقه المخصره؟

الضيقه المخصره الضـــيـــقــه ماأتسمى عبايه
بصراحه بعضها على قولة المصريين فستان سواريه
نظرتي لها (والله تكسر خاطري .. حركات هلاقه)
ومارده هالجمال بيروح وتوسع العبايه

>>> مبين عليك متابع للمواضيع الاسره والمجتمع

7) هل تتابعين الرياضه ؟

متابعه

لا

من اقعد يقولون لي كشحه

بس اتابع من بعيد لبعيد

9) من هو افضل لاعب الخليجي حاليأ في نظرك ؟
محمد سالمين >>> محرقي

10) هل تعرفين شيء عن نادي الهلال السعودي وعن بطولاته الخارجيه والمحليه ومن لاعبيه يعجبك فيه؟
والله اسمحلي

بس مااعرف عن هالنادي شي غير وجود ياسر القحطاني فيه

11) هل منتدى العجمان له الوقت الكثير او القليل من وقتك اليومي ؟
اكيد اكثر وقتي عالنت بهالمنتدى
تقريبا بيتي الثاني

12) شاعر يعجبك وماهي القصيده التي ترددينها دائمأ ؟
سابقا كنت اتابع الشعر حاليا لا

بس يعجبني سالم بن جخير وحامد زيد

والكلمات اللي ارددها دايما بيني وبين نفسي محاولات شعريه مني

13) بيت ترددينه اثناء الحزن وبيت اثناء الفرح؟
اثناء الحزن
كلمات اغنيتين

عزت علي نفسي من قسوة زماني
وانا الذي من قسوة الايام لـيــن

او

طال صبري والزمن عيا يطوع
والرجا باللي عيونه ماتـنـام

اما بالفرح تحصنلي طربانه ولا على بالي شي

14) قصيدة ابكتك ماهي او مطلعها ؟
ما اذكرها بس عن الاب ودفنه

15) شاعر تنتظرين جديده دايم ؟
ولا شاعر

تمنياتي لك بالتوفيق
ولي عوده

اخيش
رمان

اجمـعـيـن اخوي

وحياك الله اي وقت

مشكوووووووور اخووووووي رمان عالمرور الطيب يالطيب

دااانة البحرين · #43 01-02-2008, 06:06 AM

اقتباس:

المشاركة الأصلية كتبت بواسطة الباشا

السلام عليكم ورحمة الله وبركاته
وعليكم السلام ورحمة الله وبركاته

الأخت القديرة
دااانة البحرين

اسعد الله اوقاتك بكل خير مفعماً بالنشاط مصحوباً بالعمل الدؤوب

اجمعين اخوي

نلتي الأعجاب من قبل الآخرين من خلال
حضورك الشامخ وإبداعك الطاغي ففرحنا
بك في منتدى العجمان .

تسلم يالطيب وماعليك زود وانا اسعد بتواجدي بمنتدى العجمان

وهذه اسئلتي شبه المعتاده :

* ماهي طقوسك في الكتابة؟

اهي شي الجو اللي عندي يكون ملائم (الهدوء)
وافكاري ماتكون متشتته وغير مايهم لممارسة الطقوس

* لو فرضنا ان لأي نص أدوات فماهي ادواتك؟

تنظيم الافكار - كلمات تناسب شخصيتي وموضوع النص - الدقه والوضوح والشفافيه والـصــــدق

*الحياة خبرة وعلم فأيهما امتلكت أكثر ... ولماذا؟؟

امتلكت الاثنين واطمح اكثر بالعلم اللي وصلت له بأكثر من مجال

لكن بمجال تخصصي (الخدمة الاجتماعية) النظريات والقيم شي والواقع على ارض الحياه شي ثاني
اختلاف 100%

فمثال بالتدريب الميداني اعتمدت على شخصيتي وخبرتي بالحياه 70% وحققت اكثر من الاهداف اللي كانت مطلوبه مني

*بمن تأثرة داانة البحرين في حياته؟؟

الوالده الله يطول بعمرها

*اذكري لنا ما هو الذي لا تحبينه في شخصيات الآخرين؟

الغموض - الخبث - التصنع - الكذب - الاستغلال - القسوه - وثقل الدم

* من هو قدوتك في الحياة؟؟

اقتدي بالرسول (ص)

ومن بعده نفسي

* موقف لا يزال عالق في ذاكرتك؟؟

كنت مع صديقتي راجعه من الجامعه
وانفجر تاير السياره دعمنا سيارتين ونزلنا من الهاي وي على منطقه كلها رمل وانقلبنا 7 قلبات و..
حسيت نفسي بعلبه وانطق من كل جهه

كانت سياره جيب اخــتـــفـــت ملامحها

الناس كلها متجمعه علينا اللي تصرخ يقولون ماتوا والشباب يركضون
طلعوني الشباب من فتحة السياره
طلعت مو مصدقه اني للحين حيه وكلي تراب من فوقي لي تحت جني طالعه من قبر
يكلموني الشباب اللي طلعوني فيج شي؟ ابجي اقولهم ابي امي

عطاني واحد تليفونه كلمتها وانا ابجي وهي موفاهمه شي مني
بعدها ركبت الاسعاف
وانا ساعه كامله وانا ابجي وأصرخ (أبـــي امـــي) (أبـــي امـــي) متواصل ما اسكت
ابي امسك نفسي مو قادره

بعد ماوصلت أمي المستشفى بس شفتها .. سكت

وقعدت اسبوع بالمستشفى وشهر بالبيت عالسرير ماتحرك وبس

ايام الله لايعودها

* وما هو بنظرك معنى حرية التعبير ؟؟

اي الحد الذي يمكن للاخرين تقبله

* في رأيك.. ما هو الأسلوب الأمثل للتعامل مع من حولنا بصفة عامة؟؟

اولا ثبات الشخصية
ثانيا الحكمة ومن ثم الــلـــيــــن والحـــــــــذر

* شخصيه سياسيه تعجبك ؟؟

حارث الضاري - وسياسة حكم صدام حسين للعراق بغض النظر عن اخطاءه

* شخصية اسلامية تعجبك ؟؟

محمد العوضي - نبيل العوضي

* ماذا أضاف منتدى العجمان إلى دااانة البحرين؟؟

تعرفت على قبيلة العجمان اكثر - عرفت ناس طيب

* كلمة لكل صاحب قلم لا يعترف بأنتقاد الآخرين له ؟؟

انا ضد الانتقاد ومع حرية التعبير بالكتابه في حــــــــدود

الا اذا كان الانتقاد موجه بهدف بتعديل فكره أو أسلوب او اداء و وو الخ

فكلمتي لصاحب القلم في هذه الحاله
انه مجرد وجود المـنـتـقـديـــن (انتقاد بناء) تعني وجود خلل بأسلوب أو افكار الكاتب وليس في شخصه
لذلك الانتقاد من مصلحة الكاتب لتعديل من اسلوب الكاتب (او سبب الانتقاد)

فاعادت برمجة الكاتب لنفسه وتصحيح الخطأ ترفع من قدر قلم الكاتب والهدف الذي يسعى اليه من الكتابه

* رساله مفتوحه .... لمن توجهينها ؟؟

رسالتي لكل اعضاء منتدى العجمان

في حال غبت عن المنتدى اتمنى ان الكل يذكرني بالخير

شاكر أجوبتك عليها

تسلم اخوووي الباشا على هالمرور الرائع

ومشكووووور يالطيب على الاسئلة القيمه والحلوه

فزاع · #44 01-02-2008, 01:36 PM

الاخت الطيبه
دانتنا

يوم تقولين اني متابع منتدى الاسره والمجتمع
انتي ناسيه اني مشرف عليه

ومن خلال جوابك عن ناديي المفضل الهلال

اعجبتني اجابتك وهي تكفي عن مية اجابه
هو تقولين اللي اعرف عن ياسر القحطاني موجود فيه

ابد هذي تكفي

راجع لك انشالله

اخيك
رمان

(جمعه مباركه)

دااانة البحرين · #45 01-02-2008, 02:29 PM

اقتباس:

المشاركة الأصلية كتبت بواسطة saprj

السلام عليكم و رحمة الله و بركاته ...
وعليكم السلام ورحمة الله وبركاته

و مساكم الله بالخير ...
هلا والله اخوي
ومساء النور والسرور

عوده سريعه من جديد بما أنه لا يزال في الوقت متسع ... باقي يوم كامل بحاله ...

تسلم لي هالعوده السريعه

دااانة البحرين .... من فتره قصيره كتبتي موضوع معبر و مؤثر في قسم الأسره

تحت عنوان " يــــمــــه أبي أقولج شي " ... و هذا رابطه

جبتها عالجرح

http://www.alajman.net/vb/showthread.php?t=53906

ممكن في البدايه تطمنينا على الوالده عسى ربي يحفظها و يطول في عمرها ...

تسلم اخوي على السؤال والحمدلله صحتها احسن بوايد

و ممكن نعرف ظروف كتابة هذا الموضوع ....

ظروف كتابة الموضوع أن الوالده كانت تعبانه وايد
وكان أكثر الأحلام تفسيرها لاني بتوفها
ويوم اللي كتبت الموضوع كانت أمي قررت تكتب وصيتها ... وكانت توصي هلي علي وعالبيت
وأنا قاعده وساكته

من طبيعتي أني مابين مشاعري حق أحد .. مسكت نفسي من أبي اروح اكلمها ماقدر وأرجع

بس بالليل انفجر وماقدرت وكتبت الموضوع

و آخيرا علشان ما أكثر عليش ... ممكن توصفين لنا العلاقه بين دااانة البحرين و أمها ...

ولوووووووو واخوي عزيز وغالي يالطيب

وعلاقتي مع الوالده الله يطول بعمرها ممتازه مع ان امي أختلف معاها بأشياء وايد لكن حـــنـــان الدنيا كلها فيها

وتحبني وتنتظر بس البسمه مني عشان اشوف ضحكتها

و أتمنى لش التوفيق و النجاح الدائم في الدنيا و الآخره .....

اجــمــعــيــن يالطــيــب

ومشكور سابرج وماقصرت

وتسلم اخوي على هالمرور الغالي على قلبي

دااانة البحرين · #46 01-02-2008, 02:46 PM

اقتباس:

المشاركة الأصلية كتبت بواسطة رمان

الاخت الطيبه
دانتنا

هـــــلا والله اخـــــوي

يوم تقولين اني متابع منتدى الاسره والمجتمع
انتي ناسيه اني مشرف عليه

وووووووووووي نسيت
اسمحلي يالطيب كنت راده الفجر ومو مركزه (مريضه)

ومن خلال جوابك عن ناديي المفضل الهلال

عاش الازرق الهلالي

اعجبتني اجابتك وهي تكفي عن مية اجابه
هو تقولين اللي اعرف عن ياسر القحطاني موجود فيه

ابد هذي تكفي

الحمدلله يعني نجحت بالاختبار

والقحطاني نجم ولاعب مشهور

راجع لك انشالله

اخيك
رمان

(جمعه مباركه)

حياك الله أي وقت اخوي

وجمعه مباركه يالشيخ

ومشكور وماقصرت اخوي رمـــــان

دااانة البحرين · #47 01-02-2008, 04:18 PM

اقتباس:

المشاركة الأصلية كتبت بواسطة صديق الملك

وردة المنتدى

أبدعتـي كعادتكِ في إختيار المميزين والمميزات

وفي هذا الأسبوع وضعتينا في قلب المتعة والفائدة بتواجد فاكهة المنتدى تحت المجهر

شكراً وردة

كل الشكر لوردة المنتدى
ويعطيها ربي العافيه .. تستاهل كل خير هالبنت

وتسلم ياصديق الملك وماعليك زود

داااانة البحرين

قبل الأسئلة أقترح عليكِ بعد الإنتهاء من المجهر تشاركين في منتخب البحرين للعدو للمسافات الطويلة

لأن لياقتكِ بعد هذا الكم الهائل من الأسئلة بتكون 100%

هههههههههههههههههههههههههههه

لياقتي عاليه

وترى أرد وانا حــــدي مريضه >>> قول ماشالله

أسئلتـي إذا تسمحيلي ليتها ترقى لهامتكِ الشاهقة

اسمحلك ليش لا

سؤال ( 1 )

الغربــة هل لها نصيب في روح دااانة البحرين ؟

الغـــربـــه

نـــــادر شعوري بالاحساس

حسيته مره وحده بس

سؤال ( 2 )

الطفولة عالم من الصفاء والنقاء والبراءة .. أليس كذلك ؟

صح .. والصفاء والنقاء والبراءة باب السعاده

ماهي مساحة الطفلة في شخصيّة دااانة البحرين ؟

كل مراحل عمري عــشــتــهــا وخذت حــــقــــهـــا واكثر

لكن بكل مراحلي احب احساس الطفله فيني

وتختلف مساحتها بأختلاف المكان اللي اكون متواجده فيه

بأختصار

وقت الجـــــد جــــــــد

وقت اللعب لعب

سؤال ( 3 )

الحنين للوطن لا يختلف عن الحنين لحضن الأم

كيف هي مشاعركِ وأنتي تتمتّعين بإجازتكِ بعيداً عن أرض البحرين الحبيبة هل للحنين والشوق للوطن

مساحة من مشاعركِ وإحساسكِ في تلك اللحظات ؟؟

مع اني يوميا اتـــصــــالات فيني شوق مو طبيعي للبحرين وأهلها

يعني لو أكون اكثر من شـهــر بره البحرين

وانا بالمطار اسمع اللهجه البحرينيه احــس انهم ناس طيبين احسهم هلي وناسي لو ماأعرفهم

تاج لى راسي انتي يابـــحــــريـــن

أشكركِ على الإجابات سلفاً وتقبلــي خالص التحايا

أخيكِ .

حياك الله اخوي
وتسلم يالطيب وحاضرين واسمحلي تخربطت شوي بالمشاركات
وماله داعي اذكرك مره ثانيه اني مريضه

عزيز وغالي ياصديق الملك

ومشكور وماقصرت يالطيب .. تحياتي للملك

وردة العجمـان · #48 01-02-2008, 10:59 PM

وفي نهاية هاللقاء نشكر ضيفتنا المميزة

دااانة البحرين على تواجدها الرائع

وتفاعلها المميز مع الاعضاء..

كما نشكركم انتم اخواني واخواتي الافاضل على حضوركم

الجميـــل ..

انتظرونا مع ضيف آخر

اطيب تحية وتقدير..