أطلال القصيد

[الشاعر ويكيليكس]

عشائر البصرة يستنكرون تصرف الحكومة الكويتية الاستفزازي ببناء ميناء مبارك الكبير
والذي بدوره يعتبر من الامور التي تعثر النهوض للعمل الاستثماري في ميناء الفاو الكبير

يا شيوخ البصره اللي في جزيرة بوبياني= الجزيره ملكنا والدار حنا نحتميها
حطو المينا وأنا من ضمن حراس المواني= وإن لفونا هكرة البصره لعنا والديها

[الشاعر ويكيليكس]

للعمر لحظات وإن فاتت= ما يرجع العمر لأولّها
أبياتنا بالهوى ماتت=وقلوبنا ماهي إبـ ولّها

[الشاعر ويكيليكس]

حلل النشره مذيع النشره الجوية=وأعلن الكابتن هبوط الطايره بالعاني
في مطار الإنبطاح،، إمزبن الطرقية =والشعار المعتمد : لو تنبطح تلقاني !!
المضيفه،، تلبس الغتره مع الطاقية=والمضيف،، إنلبسه برقع ميد إن جاباني
دارت النيه،، وكلٍ نيته ملوية=والمصالح تجبر المجني يصير الجاني
إختلفنا،، ويش لون الوحده القومية =وإتفقنا،، نمدح فلان،، ونذم فلاني
والمواقف،، لو نجمعّها تجي قطية=وإن زهمنا الأولي ،، عوّد يروغ الثاني
شعبنا واعي،، ولابه بالهذاري زيه =والشعوب إمصخنه،، بسم الله الرحمنِ
والثقه بالنفس تكسر حاجز النفسية=لكن الشعب الكويتي كنّه السوداني
(جوّت) الغتره يابو سبعه وصفّ النية =والعقال اللي تطوّح به غدا نقصاني
يالمواطن ،،كان ما تزئر من الرجعية=طايرتنا فالسما ما تكفخ الجنحاني

[الشاعر ويكيليكس]

2000 والواحد عن ألفين رجال =يعني كذا بالضبط أربع ملايين
وبكره يجون آلاف بالحال والمال =ياللي تشوف الشين وإتقرّب الشين
الشعب ماهو بالدواوين تمثال =بكره يخلون الإراده دواوين
ماهو ضروري يكثر القيل والقال =والحر يفهم بالإشاره من سنين

[الشاعر ويكيليكس]

الفداوي صار بالحزب المعارض=والمعارض صار في حزب الفداوي
مجلسن لو قاعته بأرض المعارض =ما شراهم كود دجالٍ وغاوي
نايبٍ لا خط بصدوغه عوارض =يحسب إنه من مزبّت الجلاوي
وإن عرض في بؤبؤ الدستور عارض=مكثر إشيوخٍ يعدون الفتاوي

[الشاعر ويكيليكس]

يا علي صالح عليك القوم ثارت=وانت ثور،، وما تثور إلا إمتوازي
ثور،، وقرونك من الضيم إستدارت=وإكسروها يوم صارت من قزازي

[الشاعر ويكيليكس]

رديه بين الشاعر الوافي الزعبي والشاعر ويكيليكس



الزعبي
@alwafi30

يا وكيليكس ان كانك انته وكيليكس=مع احترامي لك وخلك سياسي
لا تفهم المعنا علي غير ما حس =وانا تراني ما احب الدساسي
ابيك تبحث بالملفات وتعس=وتجيب لي علم ٍ اكيد واساسي
الشرق الاوسط هو جديد ٍ ولا مس=او مسه بجنبه من الغرب راسي
او انها ثورة حرار ٍ تنومس=علي طواغيت ٍ تحب الكراسي
وابنشدك عن ريس ٍ ما تريس= الا بقو المال والمال قاسي
علي مبيعت الذمم والذمم بخس=وانت تعرف معنا القصيد وحواسي
هو ليه ما يرحل عن الناس وينس=ويرتاح ويعيش برخاه ووناسي
وهذي تري اسالتي وابي نو او يس=عن كل سوال جاك وانته سياسي

@Wikileaks_q8
الشاعر ويكيليكس

أنا الاديب اللي عن الدرب ما نس=وانت الخوي اللي سوات الرواسي
العلم واضح والعناوين تونس=والشرق الاوسط صار فيه إلتماسي
ماهيب لا ثورة طماطٍ ولا خس =وأيضاً مهي ثورة نعام وبساسي
لا والله إلا ثورةٍ ما تبي بس=تبي بعد مثل الختم للجناسي
والريّس اللي قلت باين ومندس= من قو باسه زاد عزمي وباسي
ولا الحرامي كان ما يلبس الدس=ماصار عندك باش ديمن وحاسي
لو إن بنت الحاس للجوخ تلبس=شفت الجماعه ما تحب اللباسي
وشلون يرحل،، والدراهم تفسفس= بين الطبيب وسايقين التكاسي
هذا جوابي وانت يا ويش تونس؟ =عقب الجواب اللي يزيد الحماسي

[الشاعر ويكيليكس]

الريّس اللي نسجّل من ركب باصه=والباص ما بين جرف وبين دحديره
فيه الفداوي إبتنوره وشبّاصه=ما باقي إلا نوديه الكوافيره
ما يقبل النقطه إلا كف رقاصه=اللي لها بالخنا لفه وتدويره
والشعب له ساعةٍ وإيزين مقناصه= وإيحاسب اللي لعب في حسبة الديره
وإيردد إرحل وحرفه كنّه إرصاصه=في شارعٍ عشرة آلافٍ جماهيره
والباص بابه ليا من زاد وصواصه=ودك مع راكبه تنهي مشاويره

[الشاعر ويكيليكس]

رك الدجاج وباض بيضٍ على بيض =لا بارك الله في فروخ الدجاجي
هم يرفضون إيوقعون المعاريض =والديك ما حصّل وراهم نتاجي
يا معيض دوك الفرت يا معيض يا معيض =يا معيض عندي للخبيث العلاجي
وعلاجنا ماهوب يحتاج تمريض =للمجلس اللي صار مثل الحراجي
أما نورّد من تفدوى على القيض =ولا نورّد وسط الأسواق ماجي

[الشاعر ويكيليكس]

يا (جمعة الأطفال),,ما فيه رجّال =يشوف بشار الأسد ما يكرّه
أما غدا ما بين رجلي وخيّال =ولا كفى العالم عذابه وشرّه
على الطغاة البث جاري ولا زال =وأم الشهيد إعلومها مستقرّه
تدعي على فرعون من حر الأهوال =كلبٍ على الجولان ما باح سره
كلب اليهود إنكذّبه كل ما قال: =تموت درعا لكن القدس حره
شارون ما سوا سواته بالأطفال =وأحمد نجادي بالقبر ما يسرّه
يا اهل الخليج اليعربي كيف الأحوال؟؟؟ =ما شفت لخطاكم على الشام جرّه
الحق أحق أن يتّبع قول وأفعال =وش خانة الدينار للي يصرّه
المجد ما يرسي على روس الأنذال =المجد في روس النشاما مقرّه
وإليا إجتمع دجّال في ظل دجّال =تلقى جنون أهل الدجل مستمرّه
لكن هل الطالات وافين وأبطال =قومٍ لهم بالطيب كرّه وكرّه
ما يتركون الكلب ينّبح ويختال =وإيقطّع الأطفال قطع الأزرّه
يا هل حلب ما عاد للصمت مثقال =ماعاد به للصمت مثقال ذرّه
همّو كما موجٍ تلاطم على الجال =موجٍ يقش البعث ولّا يطرّه
بشار,,حزبك لو تغرّه بالأموال =بكره من أحواض المنايا نغرّه
بشار,, لو رزيت مليون تمثال =بنكسّر المليون مليون مرّه
بشار يا بشار لا جاك الأرسال =ذيلك على خشمّك من الويل فرّه
لله در اللي فزع وأرخص الحال =واللي يعد القاف لله دره