ČẳŁěňąя ĻŭςҜ - الصفحة 43

here Lucky boy · #**421** 20-12-2011, 12:11 AM

ايام الغزو

هبو نسوان الجماعه وتحديدا بناتهم

يشترون شبك ويخيطوونه سلال للزمازم

للامانه كانو مبدعين

اللي مسويه علم الكويت واللي مهايطيه حاطه بيت شعر لراكان بن حثلين

واللي كاتبه الكويت حره ( فري كويت )

here Lucky boy · #**422** 20-12-2011, 12:24 AM

اسأله لابناء الاكابر

كم مره وقفت على تاير عربانه راعي البريد تختار لك بريد

كم مره قعدت على الرصيف اللي قدام البياعه تأكل

كم مره انخشيت ورى خوياك وانتو تمشون لاشفت سياره اخوانك ماره

كم مره جيت البيت واخيك قدامك واقف على الباب
ويقولك: من وين انت جاي
وتقوله : ماجيت <<<<< وش احس فيه وقتهاا على قوله اخوانا السعوديين

كم مره يعطونك المدرسه استدعاء ولي امر وتقوولهم ابي مسافر وامي مريضه

كم مره كليت ياسمين من حديقه بيتكم عشان ريحه الزقاير

كم مره مريت من حديقه حضر فيها بناتهم قاعدين وخشيت طاقيتك في مخباك

here Lucky boy · #**423** 20-12-2011, 01:45 AM

على طاري الياسمين وبحكم ان صاحب القصه موجوود بالمنتدى

سنه من السنين

اشرب زقاير انا وولد خالي قبل نرجع البيت انا طلعت علك وكليته

هو توهق ماعنده شي يأكله قلت له انا : أكل ياسمين

سمع النصيحه وفلا بالياسمين

يوم دخلنا الدوانيه الا اخيه الكبير مروَق ويطالع التلفزيون

على طول باشرنا بالاساله التقليديه

من وين جايين ..؟

حنى : من الدكاكين

هو : وش شريتو

حنى : بطاط وككاويات

هو : تعالو اثنينكم <<<<<< بمعنى اقربوو مني

هو : افتحو حلووقكم اشمهاا

<<<<< فتحت حلقي ماشم شي ... لانه هو يدخن اصلا

جاء دور ولد خالي : افتح حلقك

يوم فتح حلقه الا لسانه لوونه اخضر

قال : انت لسانك أخضر وش ماكل ..؟

ولان الذكاء يغيب في هاللحظه ماقال حلاوه خضراء قال ككاو

قال : هاك هذا ربع دينار وابيك تروح للدكاكين الحين تجيب لي هالككاو الاخضر

ويعننه صامل ابشر ذاللحين بجيبه

ويطلع من الدوانيه وانا قعدت طبعا جحدته مالي شغل فيه

ويأشر لي مع الدريشه يعني تعال وانا معطيه طاف

عقبه الحقير زهق من كثر مايصوت لي وانا جاحده

عقب دخل الدوانيه

وقال : انا و لوكي شاربين زقاير هو كلى علك وانا كليت ياسمين

بس اشوى عدت على خير عطانا على طراقين لكل واحد وماعلم اخواني علي