هنــا ليوناردوو ونزٌاح .. الله الله بالصفــوف :)

[فــلاح]

السلام عليكم ورحمـة الله وبركـاتـه ,,

هـذي محـاورة نـزٌاح + ليوناردو دايفنشـي

نـزّاح :

ســلام الله سـلامن فيه ســلـّـة سيف ومـجابه=نـعـدّه قـِدم صدقانٍ تنومس من يخاويها
دافنشي مثـّـل العجمان وأنا أمثـّـل عـتابـه=على وضح النقا والطيّبه من حظ راعيها

ليوناردو دافينشي :

على وضح النقى يامرحبا مليون من لابه=نعدّه قدم صدقان ٍ لباس الطيب كاسيهـا
تمثلهم وامثلهـم واقـول النـار شبابـه=علشان القدور تفوح وينجح ماطبخ فيهـا

نـزّاح :

يدوم ألك البقا والعلم الأبيض ما أنقفل بابه=وعلومن ما تسرّ أهل الكرامه ما ندانيها
نعرف السوق والربح أغـلبه فـي جيب جــلابــه=ومـضـمـون البضاعه بين بايعها وشاريها

ليوناردو دافينشي :

انا اقول البيوت الشامخه ماتوخذ نهابه=نعدّيها الملام ولا نعذرب في مذاريهـا
ليامنك بغيت الربح تعرف وشهي اسبابه=تفكر فالبيوت اللي تمثّل طيـب بانيهـا

نـزّاح :

ابن غانم ذياب أليا نقل فـ الماقف حرابه=بعض الأجواد يقصب راسها والبعض ينجيها
حذاري لا توقـّـع بين ضرس الذيب وأنيابه=وتاكلك الذياب وتلعن أولها وتاليها

ليوناردو دافينشي :

انا مانيب احن الشاعر اللي زان مضرابه=ليامني ضربته ضربة ٍ ماهـوب ناسيهـا
تقوله وانت يابن ذياب سيفك تجهل نصابه=فلا تفرح بدارك عقب شيّختوا معاديهـا

نـزّاح :

جهلت أسمي عقب فرّك زمانٍ دار دولابه=وجاريت العلوم اللي قبل منته مجاريها
دافنشي والطلب ما دوّره يا كود طلابه=وحصاة رزاح لو شمـّـرت كمـّـك ما تدربيها

ليوناردو دافينشي :

عرفتك لكن انت اللي رويسك تجهل انسابه=ترى هذي مصيبه كان عدّت وانت توحيها
ولكن قالها سلطـان بـن وسـام بعتابـه=تريّح دام مابك فود واعط القوس باريهـا

نـزّاح :

لا تـِـزعل راعي المشعاب ما يـِـزعلك مشعابه=وأكلها يا أمدورها وشلها يا أموطـّـيها
يصح الله لسان الشاعر اللي شلتو أكتابه=وقمتو تطلبون القوم فـ لحونن يغنـّـيها

ليوناردو دافينشي :

مانيب ازعل من اللي لاحضر ماهوب يدرابه=مشاعيب المعادين التوت تضـرب علابيهـا
ترى منهو يعيف الحق محدن يحشم اشنابـه=مبادينـا القديـمـه نحتميـهـا مانخليـهـا