[[ وش تكتب في يد غاليك لو سمح لك ]] .. ( 2 ) .. !

[سحر الغروب]

كثر الوصال يحبب عقول بـ عقول
وكثر الجفا يقتل شعور الاحبه ..

ترى الغلا لا طاوله / صد بـ يزول
كنه المرض ،، لا طاولوه الاطبه

[حكاياغيـــم]

-

لمّ الوله
صوت الأماني منكسر
هات اللقى : وإن جفّ حزن تسوّله!

لا تبتئس ما بعد عسر إلا يسر
كلي فدا هات الحزن بأتحمله

[●• Ŝђǿǿq •●]

يامُلهمتني على عرش الحُسن دمتي
................ أنا على سلهمتك وبسمتك أثمـل


في زحمة الحاضرات إذا تبسمتي
............... كن أبتسامتك تنطق أيه أنا الأجمل

[●• Ŝђǿǿq •●]

أحبك وماني على الحب منلام
................ ياروعة إحساسي وثورة وداده


عشق بدوي لا حب ماخان وإن هام
.................. والله لتبطي وإنت سيد فؤاده

[العــــديم]

خلنا نرتاح من باب الهوى ونرمّض
آيني ماعاد لي شفً على العوّاده

ودي اني كل ماعرضت اعرْف اغمّض
واطلب الله في شهر رحمه وشهْر اعباده

[●• Ŝђǿǿq •●]

فداه العمر ما قبله وما بعده
............... وجه أمي قرين الشمس والألماس


ليا شفته وشفت الناس من بعده
.............. تشوف النور معكوس بوجيه الناس

[الـعـابـر]

يا ما لقيتك تشكي الهم تشكيه
..................وجهك عبوسٍ تشكي الحظ برداه

ياللي خذيت القلب وشعادكم فيه
....................رده ترى قلب العنا وافي اشقاه

[سحر الغروب]

يسعد صباح اللّي على البال ماغاب
الصاحب اللّي بالوفآ دوم أطريــه

عسى مساه ورود وزهور وأطياب
وعسى الزمن من فرحته دوم يعطيه

[الـعـابـر]

يـانــور عـيـنــي ويــاروحــي ويـافـجــري
............وياشـرقـة الصـبـح لـ.غـنّـت عصافـيـره
موضـوعـنـا مايـخـصـه قـــدرك وقــــدري
..........شرهـه وعـدّت عسـى فيهـا ميـة خيـره
بـلاش الاعـذار لاتضيّـق بهـا صــدري
..........ياشـيـن الانـســان لاكـثــرت مـعـاذيـره!
تدري بطبعي وأعَرْفك وأبخصك وأدري
.........بالله لاتــدخـــل الـتـفـكـيـر فـــــي حــيـــره

[●• Ŝђǿǿq •●]

لي عين ماتدمع على فراق عادي
.............. ولي قلب من جرح الزمن ماتأثر


إلا إنت من خليتني قمت أنادي
.................... أحبك أكثر كل ماتبعد أكثر