يالله انـك لاتـعـود العسكـريـه
النصيب اللي على البدلـه حدانـي
لبسونـي لبسـة ٍ ماهيـب لـيـه
درعونـي باللبـوس المشبهـانـي
دربونـا مثـل تدريـب المطـيـه
والصعب منـا يعـود مطوعانـي
يالله انــك لاتحملـنـا زريــه
حيـث حنـا للمعاصـي ماندانـي
ياوجودي وجـد حمـر ٍ عيدهيـه
ساقط ٍ فيها الحقب ويـا البطانـي
فوقهـا قـرم ٍ ببـا كـور ٍ قويـه
من ورى العارض يبي دار شهراني
قطـر القربـه وقدمـه قيهمـيـه
مع زوال الظهر يوم الشوف دانـي
هسها العرقـوب والديـره رديـه
لين دم الجوف بالذرعـان حانـي
او وجودي وجد عرب ٍ فوق طيـه
في لهيب القيظ معطيـت ٍ ثمانـي
هملـن عيالهـن بـارض ٍ خليـه
واصبحـن اعيالهـنـه ذيهبـانـي
يوم جـن البيـر لياهـي جاهليـه
مـا عليهـا لا ورود ولا محانـي
بركن بالشمس تصهرهـن شويـه
كل منهن كنها الخـرص الهلالـي
لو بغيت ادله طرى الطاري عليـه
واستحس القلب والهاجوس جانـي
يوم اشوف الدين مرتجـدا ً عليـه
والظهر عريان والجـوع يحدانـي
طالبك رزق ٍ تحطه فـي يـد يـه
ماعلى بابـه شريـف ولا هدانـي
06-04-2010, 06:32 PM
العرض الشجري