اسعدالله صباحكم بالمسك والكادي
احبائي اضع هذه المتواضعه بين يديكم رغبة(ن) ان تحوز على رضاكم
وسامحونا على القصور
لاضاقت الدنيا وجاتك بيـن نـاب وبيـن نـاب=خـل الامـور الهينـه بيـن الوزيـر ونايـبـه
ولاتارد العد القـراح الا عقـب فـك الصعـاب=عقب صبـي(ن) ماينومـس فالشدايـد شايبـه
والكلمه اللـي ماتقلـط عنـد ذربيـن الجنـاب=لابـارك الله فاللسـان اللـي نطقهـا عايـبـه
وانا بدوي(ن) مارضيت اكتب على جرح وصواب=انقش على صم الجبال هجوس فكـر(ن) ذايبـه
ماني بقول اني سليم الحب من عـذب السـراب=نفسي تتوب ولابغـت غيـر النفـوس التايبـه
وانا ليامنـي بغيـت افتـح مـع الشعـار بـاب=ارمي ولكـن رميتـي ماهيـب تخطـي صايبـه
ياهل الحمول اللي هقاويها على روس السحـاب=اللي تقول ان المعـزه شمـس واقفـت غايبـه
العز ديـن الله ولابـه غيـر ديـن الله زهـاب=في يوم لاتنجـو بـه الا كـل نفـس(ن) آيبـه
ان كنت لاتعرف فقل من يعمـل الحسنـا يثـاب=واترك معذربة الرجـال اهـل العلـوم الرايبـه
الله خلـق والله فـرق والكـل مايعمـل حسـاب=والناس مازالـت تحسـب ان الدعـوي سايبـه
وسلامتكم
حمود بن فطيس
09-02-2007, 01:23 AM
الــوزير ونــايــبه؟
العرض الشجري