$عــــمــــــق القـــــــــلوب$

[بنت عجمان]

مشكوره برنسيسه على القصه الرائعه وبانتظار التكملة

[kigf]

الله يعطيش العافية قصة قمة الروعة

تبين الصراحة >>>>> والله ماقريت القصة
في بداية الامر كنت متشوق لقراءتها
لكن لما نزلت بالماوس تحت فترت ايدي وانا انزل ولا وصلت للاعماق الا بعد عناء ومشقة
لكن اوعدش بعطلة الصيف اتفرغلها وآخذ معاي مايكفي من الطعام والشراب واقعد لها قعدة حتى انهيها >>>>>>>>>>>>>


عموما اختنا الفاضلة برنسيسة العجمان قمت بمجهود يستحق الشكر والثناء
لاهنتي ودمتي بخير وسلام

[فتى مليجة]

كفووووووووووووو والله يا برنسيسة العجمان على

القصة الرائعة والله انش كفوووووو على القصة

انتي قدة وقدود

والله يعطيك العافية

[برنسيسه العجمان]

أشكر كل من قرا هالقصه

وكل اللي ماقراها

وأشكر قصوان وفتى مليجه على كلامهم الطيب والجميل

وأشكر بنت العجمان اللي متواصله معاي.........

وتقبلوا تحياتي.....


وهذا الجزء الثامن وسامحوني على القصووووووووووووور............



*&*الجزء الثامن*&*
ام مازن:صبـــــاح الخيــــر على وجوه الخيــر
مازن ورهف:صباح النور والسرور
رهف:على احلــى امممم بالدنيا
وتجي ام مازن وتحضن بنتها ومن فرحتها انه بنتها بخير ودموعها على خدها...
رهف:لاااا يمه ايش دا كدا تزعليني لمن اكون مبسووطه
ام مازن تمسح دموعها بيدها:والله مو بيدي يابنتي كنت خااااايفه عليك امس مررررره ولا نمت ساعه بس الحمدلله لمن شفتج اليوم وانتي تضحكي حسيت قلبي بينط من الفرحه فنطت دموعي بداله هههههههههههه
رهف:ههههههههههههههههه الله يخليك لي يارب
مازن:وليااااااااااا انا كمااااان
ام مازن:الله يخليكم لي انتو الاتنين......
في الجهه التانيه...
خالد يصحى من نومه خايف وقلقان بسبب الكوابيس المرعبه الي شافها شاف انه ماجد مات وان نهال جاته وقالت له يا قاااتل وشاف انه انتحر وشاف وشاف كلها كووابيس مفجعه... فطالع في ماجد فشافه جالس ومبسووط وبياكل كمان تنهـــــد وفرح لأنه بخيــر......
ماجد يطالع عليه ويبتسم:مسااء الخيـر خم نووم كل دا ماشبعت ما شاء الله
خالد مفجووع:ليه الساعه كم
ماجد يطالع ساعه في الجدر:اممم تقدر تقول تلاته العصر
خالد:اوفففففف قد كدا ليه خليتني نايم كل دا
ماجد:والله شكلك مرهق وماحبيت ازعجك...ويكمل ماجد اكله وشكله مستمتع فيه
خالد يبتسم شكله نفسية ماجد تمام:دووووووووووووومز
ماجد:شو الي دووووومز<<<يقلد طريقة صوته
خالد:الاشراقه الحلوه هادي
ماجد:هههههههههه الله يسلمك حبيب البي
ويقطع عليهم دخول الدكتور الي ابداً ماكان شكله يطمن.......
خالد بلع ريقه خاف يعكر عليهم الدكتور...فقعد يأشر خالد للدكتور انه يسكت وما يقول شي لكن الدكتور للأسف مانتبه...
الدكتور:الســلام عليكم
مازن:ياهلا والله وعليكم السلام
خالد بأستسلام:وعليكم السلاااام
الدكتور:ها ازاي الصحه يا استاز ماجد
ماجد:حمدلله تمام....ها متى بتطلعوووني والله مليت
الدكتور بانت تعابير غريبه على وجهه وقال:ايه مليت مننا بالسرعه دي
ماجد:لا والله بس.... في باله وحشتني الغاليه....رهف<<<مسكين لو يدري بحاله....
الدكتور بانت على وجهه الجديه:على العموم انت انسان عاقل ومتفهم ولازم تعرف وضعك وحالك......
ماجد حس في قلبه ان الموضوع كبير وماهو زي ماهوا مفتكر.......
الدكتور اتردد لمن شاف تعابير وجه ماجد بس اتكلم:اممم مدري والله ايه اقلك بس انت اصابتك كانت في العامود الفقري وكنت معرض للشلل الكامل وامس سائت حالتك جدا واطرينا نعملك العمليه....؟؟؟؟؟؟؟؟؟؟؟؟؟؟ انفجع ماجد
ماجد: سويتولي عمليه وانا ما ادري.......اهاااا وانا اقوول ايش دا الالم الي في ضهري ايه وطيب وبعدين.........
الدكتور:اممم والحمدلله نجحت العمليه نسبياً
ماجد:كيف يعني نسبياً
الدكتور:يعني قدرنا نمنع الشلل الكامل بسس
ماجد:بس ايش؟؟؟؟؟
الدكتور:ما قدرنا ننقذ رقلك<<<يعني رجوله
ماجد......؟؟؟؟؟؟؟؟؟؟؟؟؟!! !!!!!!!!!!! انصدم وصار يقول في نفسه رجلي....انا مشلول حاول يحرك رجله بس ماقدر..............
الدكتور.................. ..
خالد..................في سكوووووت تااااااااااااااام حااااس انه هوا السبب فأبداً ماله وجه يتكلم.......
ماجد:ايوه وبعدين ايش فيكم
خالد والدكتور.؟؟؟؟؟؟؟؟؟؟؟؟؟؟؟! !!!!!!!!!!!!!!!!!!!
ماجد:ايوه يادكتور وبعدين
الدكتور:بس مافي شي تاني
ماجد:اهاااا يعني انا مشلول ايش المشكله طيب
خالد انصدم من جرئة ماجد كيف يقول عن نفسه انا مشلول وايش المشكله كمان ما اتوقعها ابدا من ماجد......
ماجد حس بتوتر خالد فقال:دا قضاء الله وقدره وانا راضي.....ورخا راسه ونزلت دموووعه بصمت...الدكتور لمن شاف الوضع طلع من الغرفه وقال انا الي عليا سويته...وماجد في نفسه معقوله اتحطمت حياتي بدي الطريقه انتهت كل احلامي دراستي...سفري...رهف آآآآآه يارهف آآآآآآآه ياعمري فقدتك يارهف فقدتك للأبد خلاص يارهف الي بيننا انتهى محا اربط مصيرك بواحد مشلول آآآآآآآآه يالدنيا انا ماجد الي ما اقعد في مكاني دقيقه......الي اتنقل دايما من مكان لي مكان زي الطيــر......الي دووم اطير بسيارتي لكل محل زي العصفور....انا الي مخطط لسفري وخرجاتي انا الي مخطط لشريكة حياتي فين بوديها.....فين راح نسافر ايش راح اجيب لها وكيف افاجئها.....كيف راح اسوي.........دحين كل دا انتهـــــــــــــــــــى صرت عاااااجز ذليل احتاج من يساعدني الكل بيشفق عليا امي........اهلي......رهف. ......رهف قلبيييييييييي آآآآآآآآآآآآآآآآه ياعمري ضعت ياعمري وضعت انا قبلك خلاص انا انتهيت انتهيت انتهيت يا امي انتهيت يارهف انتهيت يا احلامي ويا امالي صرت طيـر محبوس في قفص صرت انسان عاااجز آآآآآآآه الكلمه هادي تألمني آآآآآآآآآآآآه عاجز انا عاجز..........
يقطع تفكيـر ماجد صوت بكا خالد......
ماجد يرفع راسه عشان يشوف ايش بيصير...ويشوف خالد قاعد يبكي عند رجله ويقوله:اناااا اسف يا ماااجد اسف ياصديقي الغاااااااالي اعتذر يا اخويه اعتذر يالغالي اسف وربي انا السبب خد حقك بيدك اقتلني عذبني بس لاتنزل دمعه من عينك انا السبب يا ماجد انا السبب سوي فيا الي تبغا انا نهيتك انا قتلتك انا جرحتك انا شليتك انا اسف ياماااااجد ااااااااااسفففففففففففف يامااااااااجد آآآآآآآآآآآآآآآآآآآآآه آآآآآآآآآآآآآآآآآآآآه.... ....وصوت خالد وطريقته تبكي الصخر.......وماجد ما قدر يستحمل يشوف صديق عمره بدي الطريقه خالد الي ماتهزه ريح كدا شكله ماعمره شافه يبكي ولا يترجى احد لييييييييه كدا يااااخاااالد ليه انا عمري ضااااع لاتضيع عمرررك انت كماااااان آآآآه ياصديقي العزيز ضعنااااا كلنااااا....اناااا بمستقبلي وانت بتحملك ذنبي آآآآآآآآآآه ياخاااااااالد آآآآآآآآآآآه
خالد:انا مستعد نسافر سوا واعالجك بس لاتبكي ياماجد الدمعه من عيونك تقتلني
ماجد حس بشعور صاحبه فحزن عليه.....
ماجد وهوا يمد له يدينه عشان يجي في حضنه والدموع على خده:تعاااال ياخالد تعال
ويبكو الاتنين في حضن بعض<<الاتنين صداقتهم اكبر من اني اوصفها وحبهم لبعض مخلص وصااااادق بكل مافي الكلمه من معنى والي صار لهم الاتنين شي مو ممكن نقدر نوصف شعوره....خالد فقد اغلى انسانه في عمره واتسبب في شلل صاحبه....وماجد فقد حريته وحياته والاهم من كل دا مستقبله وحبه الي دوبه انبنا ومالحق يتمتع فيه....
وفي وقت لاحــــــق بمستشفى سلمان فقيه......
تدخل بنت بكامل اناقتها وشيكاتها لغرفة رهـف.......
منى وهيا تدق الباب:السلام عليكم
رهف:هلاااااااااا منووووووونا حبيبتي هلاااا تعالي اتفضلي
منى اترددت تدخل ولالا لمن شافت مازن قاعد وكمان شكله انه ما يبغا يطلع ولا هو ناوي.....
ورهف فهمت عليها.....
رهف:مازن ممكن شويه ابغا اقعد انا ومنى لحالنا
مازن الي كان مسرح في منى وفي شكلهااا الرووووووعه واناقتها الحلوه حتى في العبايه متأنقه ومتشيكه<<<منى ما تغطي وجهها وعايدي عند اهلها واصلاً عيلتها مررره ايزي في كل شي لانهم واثقين من اخلاق بناتهم.......
رهف:هييييييي اننتتتتتتت فين وصلت
مازن:هااااا لا هنا قرييييييب قرييييييب مرررررره<<<<يبتسم بخبث
رهف:طيب يالقريب اطلع نبغا نقعد على راحتنا
مازن:اهاااااا يعني انا الي بنغص عليكم
رهف:ايوووه بالظبط
مااازن جا في بااله موضوع ماجد ويبغا يسأل عنه بس قال خليها بعدين مو وقته
مازن بإستسلااام:طيب امرنا لله انا طالع باي
رهف:بايات يلا تعالي منى
وراح مازن ودخلت منى.........
منى وهيا تسلم على صحبتها:اوفففففف...ايوه كيف حالك اليوم
رهف:هههههههههههههههههههه
منى:تضحكي على ايش
رهف:على حركاتك البايخه
منى تلوي فمها يعني يعني زعلانه:المهم ايوه ماقولتيلي كيف حالك اليوم ان شاء الله احسن
رهف ظهر الحزن على وجهها:الحمدلله احسن بكتيـر بسسس
منى عرفت انها تبغا تسألها عن ماجد فحبت تغير الموضوع بأسرع وقت ماهي ناقصه احراج........
منى:اممم فين خالتي ام مازن
رهف حست انه ماجد فيه شي.....
رهف:مااااجد فييييييه شييييي يامنـــــى؟؟؟؟؟؟؟
منى:شو دخل ماجد في خالتي ام مازن انا اسألك عنها....الا بجد هيا فينها خلني اطلع اشوفها يمكن بره.....وتقووم منى تبغا تسوي نفسها تدور على ام مازن
ورهف عصبت من حركات منى...
رهف:منىىىىىىىىىىىىى
منى بإستعباط:نعم شو فيكي
رهف حست انه صاير له شي وبدت الدموع تنزل من عينها لا شعورياً:منى حرااااام عليكي لييييييييه كدا تسوي فيني انا اتعذب يامنى وانتي ماتحسي فيني
منى ماعرفت ايش تقولها.....
منى...........
رهف:قوليلي صار له شي قوليلي الله يخليكي
منى:ما صار فيه شي حييييييي يرزق وخالد عنده كمان
رهف الي خلاص فقدة اعصابها:طيييب ليه منتي راضيه من اول تقوليلي ايش صار له وتتهربي من الموضوع قوليلي منى الله يخليكي ايش صار له
منى عصبت من طريقتها في الكلام:قلتلك مافيه شي لاتعصبيني يارهف تعرفيني ما احب احد يكلمني كدا
رهف.............
منى حست انها زعلت بس ماتنازلت:اسفه وخلاص انا رايحه تبغي شي
رهف..........
منى:مع السلامه
وتطلع منى من الغرفه زعلانه ومعصبه وتصدم في احد كان داخل
منى تنفجع وترفع راسها وتلاقيه مازن تنصدم؟؟؟؟؟؟؟؟؟؟؟؟ ترجع على ورا لا شعورياً وهيا خايفه......
مازن مبتسم:اسفييين
منى:عايدي يلا مع السلامه
مازن:لحظه لحظه
منى ترجع على ورا وتلف راسها وتطالع عليه بكل غرور:نعممممممم خيررررر<<<في نفسها ياااربي شوووو هالولد من فين يطلعلي
مازن:ايش فيها رهف سمعت صوتها تزعق صاار شي....؟؟؟؟
منى افتكرت الي صار جوا وبدت ملامح الحزن على وجهها مره تانيه:لا ما صار شي ولو تبغا ادخل شوفهااا مافيهااا شي يلا مع السلامه.....
وراحت بدون ماتعطيه فرصه يقول اي كلمه.......!!!!!!!استغرب منها مازن دوبها كانت حلوه ومبسوطه ايش صار فيها....
مازن دخل على رهف ولقاها تبكي......
مازن:رهفففف حبيبتي ايش فيكي
رهف...........
مازن:رهفففففففففففف انا اكلمك
رهف انتبهت له ومسحت دموعها بسرعه:هاااا لا ولاشي بس عيني تحرقني
مازن:مو عليا يارهف طيب انا ادري انه في موضوع مزعلك ومنى تعرفه وقالتلك عنه شي...ودا الي اسمه ماجد له دخل في الموضوع انا حاس كداا
رهف؟؟؟؟؟؟؟؟!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!؟؟؟
رهف:ماااااااجد؟؟؟؟؟؟؟؟؟؟؟ ؟؟؟مين مـ...اجد دا <<<الاسم يطلع منها بالقووووه
مازن:الي امس كنتي بتقولي اسمه طول الليل وانتي نايمه
رهف:انـ......ا
مازن:لاء انا رهف اتكلمي مين ماجد قوليلي انا اخوكي
رهف حاولت تستجمع قواها العقليه عشان ترتب جملتين على بعض وقالت:والله مدري يمكن مع التعب والمرض قولت كدا واخترعت شخصيه وهميه ولايمكن خرفت حتى
مازن حس نفسه بدا يعصب:لا يارهف ماجد دا انسان من الواقع وانتي تعرفيه وانا متأكد.......
رهف ماقدرت تدافع عن نفسها اكتر وصارت تبكي ودموعها تنزل وتشهق من كتر البكا
مازن لمن شافها كدا اتأكد من افكاره وقال في نفسه يعني انا ما غلطت ولا غلطت ظنوني.....وحزنه شكل اخته مرره شكلها كان يقطع القلب.....فراح الين عندها ومسكها وضمها لصدره بكل حنيه........
مازن وهوا يمسح على شعرها:رهف لاتزعلي مني بس انا اخوكي حبيبك خايف عليكي ويهمني اعرف عنك وعن الي صاير لك لاتظني سهل عليا اشوفك بي هالحال والدموع والحزن في عينك كل دقيقه وما اقدر اسوي لك شي<<<مازن اخ مره حنون ومتفهم وخصوصاً مع رهف اخته الوحيده.......
رهف:انــ.....ا انــ...ا<<<ماهي قادره تتكلم
مازن يحط يده على فمها:لاتقولي شي دحين هدي نفسك وبعدين الوقت الي تبغي تقوليلي اي شي انا موجود انا مو حاب اجبرك ولا اغصبك ابداً...بس الوقت الي تفكري تقوليلي فيه اي شي تأكدي انك مابتندمي واني راح اتفهمك وراح اكون جنبك مهما كان الشي الي انا ما اعرفه راح اكون جنبك اوعـــــــــــــــــــدك يارهف اوعــــــدك......
رهف ارتاااااحت كتيـــــــــــــــر لكلااااام اخوها وحست بلأمان وهيا في حضنه وكملت دموعها بصمت......دموع الخوف من المستقبل دمووع الخوف على ماجد دموووع الحب الي تحمله في قلبها ولا يدري عنه ماجد دمووع الحزن للي صار لماجد وللي بيصير لهاا<<<مادريت رهف انها المفروض توفر دموعها لبعدين دحين مالها اي قيمه هالدموع..............
بعد تلاته ايام من هالحادثه ومن بعد رجوع رهف لبيتها يدخل خالد على اهله.....
**الخميس الساعه تمنيه صباحاً**
خالد:السلام عليكم
ام خالد وهيا تقوم تحضن ولدها:هلااااا والله بولدي حبيب البي وحشتنييييييي يا غالي<<<ماشافوه من داك اليوم وومن بعد الحادث
خالد وهوا يسلم على راس امه:الحمدلله بخير ياماما كيفك انتي وحشتيني
ام خالد:تؤبرني والله انت الاكتر انا بخير بشوفتك بس
رندا وهيا تقوم تسلم على اخوها:وبشوفتنا كونتي مو بخير صح طييييييييب طيب ياماما
ههههههههههههههههه
خالد يسلم عليها:انتي ماتبطلي حركاات البزران هادي
رندا:بزران في عينك انا عمري صار 15 وانت لساتك تعتبرني بزره وطفله
منى:وهوا صادق ماغلط
رندا عصبت:منىىىىىىىىىى
منى:هههههههههههههههههههه اخصرك منها خالد تعال اقعد جنبي والله البيت من دونك مره مايسوى<<<تقول هالجمله وهيا تطالع في رندا بطريقه تقهررر
رندا:اايوووه والله مرررررره ما يسوىىىىى
ابو خالد يدخل عليهم:ارخو صوتكم الواحد مايعرف ينام في دا البيـــ...يؤ يؤ الغالي رجعلنا ياهلاااااا والله بولدي
خالد يقوم يسلم على ابوه:هلا فيك يابويا كيفك الله يعطيك العافيه
ابو خالد:الله يعافيك والله تمام بشوفتك
رندا:اووفففففففففففف خالد انت ساحرهم ولا شو عامل مخلينهم كلهم يصيرو بخير بشوفتك وبشوفتنا احنا لاء....
ابو خالد:بنت استحي محد يكلم اخوه الكبير كدا
رندا:طيب انا بنطم واصلاً بطلع من الغرفه واريحكم مع السلامه
خالد بصوت صارخ:لاء خليكي يارندا ابغا اكلمكم في موضوع مهم
رندا:خيـر؟؟؟؟؟؟
خالد:الخير بوجهك بس صح اول شي روحي ازهمي امجد وبعدين تعالي
رندا:مولازم تلاقيه بيذاكر وبيهزئني لو رحتله
خالد بصراخ:لمن اقول كلمه تتنفذ فاهمه ولالا يعني لمن اقول تزهميه تزهميه يلااااا بسرعه
استغربو ابو وام خالد من طريقة ولدهم ماعمره صرخ على احد قدامهم بس سكتو لمن شافو تعابير وجهه الجديه والحازمه........
رندا بحزن:طيب <<<اول مره يعاملها كدا فحز في نفسها
تروح رندا وترجع مع امجد الي كان شكله معصب.....
امجد:نعمممم خيـــر ايش تبغووو ماتعرفوني ما احب احد يزهمني لمن بذاكر
خالد وهوا باين على وجهه انه معصب ويبغا يهدي نفسه:تعال اقعد يا امجد
امجد انفجع ايش به اخوه كدا شكله.......
امجد:خير خالد شو فيك
خالد:مافيني شي بس ابغا اكلمك في موضوع مهم
ابو خالد الي مو عاجبته طريقة خالد:اتكلم ياولدي وخلصني تعبان وابغا اروح ارتاح
خالد:انا قررت اسافر لمده مو معلومه
ام خالد:لييييييه وعلى وين؟؟؟؟؟؟؟؟
خالد:على لندن عشان علاج ماجد.....
امجد:وانت ليه تسافر معاه مو عنده اخوانه واهله انت ايش دخلك!!!
خالد عصب:كيف ايش دخلني وبعدين انا حرر اسوي الي ابغاااا محد له دخل
امجد ابداً ما عجبته طريقة اخوه في الكلام:خالد ماتلاحظ انك مزودها ابوك وامك هنا استحي على وجهك وبعدين لو انتا حر ليه زاهمنا ومسويلنا قيمه مررره متعب نفسك ياخي كان سافرت بدون ما تزعلنا وتزعل نفسك..........ويقوم امجد من الغرفه معصب
وخالد كمان قام ويبغا يطلع:المهم حبيت ابلغكم بسفري اليوم الساعه عشره الصبح مع السلامه انا طالع ارتب اشيائي وارتاحلي شويه قبل ما امشي........
الكل..................... ..........ساكتين منصدمين من اخوهم وولدهم ليه كدا صار وليه هادي طريقته في التعامل ما احترم احد ابداً لا ابوه لا امه لا حتى ودعهم ولا شي.......
منى:انا طالعه تامروني بشي
ام خالد.........
ابو خالد:الله معاكي حبيبتي
رندا:استني انا طالعه معاكي احد يبغا مني شي قبل ما اطلع مافيا انزلكم تاني
..................
محد رد عليها الكل زعلان ومعصب.....
طلعو رندا ومنى على غرفهم ودخلت منى غرفتها مسكت الجوال لقت عشره مكالمات لم يرد عليها تلاته من رقم مجهول وغريب وسبعه من جوال رهف؟؟!!!!!!!!
وتدق رهف للمره التامنه على منى وهيا بتشوف الرسايل الي من الرقم الغريب........وترد منى وتسمع رهف.......
رهف:اوففففف فينها هادي ليه ماترد
منى:هههههههههههههههه ياهبله هاااا نعم
رهف:بسم الله اخيــــراً رديتي
منى:ايوه نعم رديت خيـر ياطير ايش عندك
رهف:ابغاكي تجيني دحين ضرووووووري
منى:اسفه ما اقدر ايشبك نسيتي الاختبار بعد بكره وما مداني اذاكر والله مو فاضيه سوري رهوفه
رهف بزعل:طيب خلاص مع السلامه
منى:طب لحظه ايش تبغي انتي يمكن اقدر اساعدك بالتلفون
رهف:لا ادري ما ينفع معاكي لازم وجهاً لوجه خلاص السبت نتفاهم لو انه يعني ما ادري كيف اقدر استنى للسبت بس بصبر وامري لله
منى<<<فهمت قصدها تبغا تسألها عن ماجد
منى:ااااا طب رهف اسمعي اوكي خلاص نشوفك السبت ابويه يزهمني باااااي
وقفلت الخط بدون ما تستنى ردها......
منى:والله مستحيييل اقلها لو ايش يصير ما راح اهدم صحبتي بيدي خليها تستاهل الي يجيها......
امجد:مين هيا هادي الي تستاهل
منى:بسم الله من فين طلعت
امجد:من الدرج من فين يعني
منى:هيهيهيهيهي ياحلوك وانت تخف دمك
امجد:ادري اصلاً انا حلو من دون ما اخفه ههههههههههههههههههههه
منى:ياشين الثقه بس تراها تولد الغرور
امجد:احلفي قولي والله انتي بس مين المغرور فينا دحين
منى:طبعاااااااا انت هههههههههههههههاااااايييي
امجد:اممم اسمعي سيبيكي من هالعبط انا جيتك اسأل شو فيه خالد كدا والله مرررره عصبني وماعجبني تصرفه
منى تتنهد:والله مدري عنه خالد اتغير من يوم ما راحت الغاليه وخالد دا انا ما اعرف عنه شي غير الي انت تعرفه
امجد:الله يهديه وخلاص المهم
منى:ايوه هات المهم ادري فيك ماتجي عندي وماتقعد معايا الا لازم يكون عندك مصلحه
امجد:والله انك هبله خليكي انا اصلاً الغلطان الي جي اكلمك وابغاكي تنبسطي يلا بااي
منى لمن عرفت في الموضوع بسط فرحت ومسكته من يده:لا لا دقيقه الله يخليك والله اسفه قولي ايش الي يبسطني
امجد:ايوه ايوه هوا دا الي هامك المهم تنبسطي
منى:ايوه والله صارلي زمان ما انبسطت مظبوط المهم هاااااااا بتقووول ولالا
امجد:اممم ايوه بقول بس مو عشانك عشان امي وابويه
منى:ليه ايش دخل امي وابويه في الموضوع
امجد:انا كنت بقترح نروح اليوم الشاليه ونتغدى هناك عشان ماما تنبسط والله مسكينه مره حالتها زفت ومن اسوء لأسوء وبعدين زمان ما رحنا الشاليه
منى:يااااا سبحااااان الله
امجد:ليه ايش فيكي
منى:غررررريبه العااده ماتحب تروح الشاليه وماتخلينا نروح عشان مذاكرتك الحلوه وخصوصاً انه السبت اختبارات كيف نسيت
امجد:والله ادري بس امي وابويه اهم من اختباراتي
منى:اخيــــــــــــــراً طلع في شي اهم من مذاكرتك اخيراً
امجد يبغا يقوم لانه طفش منها ومن هبلها.......
منى:خلاااااص والله اسفه انا موافقه ايش تبغا مني كمان
امجد:ولاشي سلامتك
منى:بلا هبل امجد قلتلك موافقه ايش الي تبغاه مني
امجد:والله ولا شي بس كنت ابغا اعرف اذا راضيه ولالا عشان مو تتحججي لنا بإختباراتك
منى:عشان امي وخاطرها كل شي يهون
امجد:ايوه كدا خليكي شطوره يلا باي
منى:بايات
وفي الغرفه الملاصقه لي هادي الغرفه عالم تاني((عالم رندا))
رندا كانت جالسه في سريرها تفتكر داك اليوم لمن دخل عليهم خالد
----------------------------
خالد:هاااااااي صبايا وشباب
الكل:هايااااات
خالد:تدرو اخر خبـررررررر
منى:ايش
خالد:ولا انا ادري
رندا:هيهيهيهيهي عامل خفيف دم ماشاء الله عليك
خالد:ههههههههههه لا والله امزح بس من جد تدرو اخر خبررر
رندا:ايش
خالد:اديني ريال اقولك
رندا:طيب اعطيك قرش ينفع
خالد:لالالالا للتخفيضات هاتي ريال اقلك
رندا:بطلنا مانبغا نعرف
خالد:ياطمااااااعه على ريااااااال
رندا:لا مو طماعه بس قهر فيك
منى:سيبك منها خالد ايش الخبر
خالد:رااااامي
رندا بانت على وجهها نظرات الاهتمام وقالت:ايوه شوو فيه
خالد:ولاشي بس سلامتك
رندا:بلا غبااااااء ايش فيه
خالد:هههههههههههههه ياحبك للقافه ولاشي مافيه شي بس بيسااافررر
رندا؟........!!!!!!!!؟؟؟؟ ؟؟؟؟؟؟؟؟؟؟
منى:على فين؟؟
خالد:يقوول امريكا بس فين بالظبط ما ادري
ام خالد:وليــه يعني
خالد:يقول يبغا يكمل دراسته هناك
ام خالد:اهااا الله يوفقه يارب
-------------------------------
تفتكر داك اليوم لمن سمعت داك الكلام وحست ان الدم الي بجسمها كله طلع لي وجهها وحست نفسها مخنوقه وماقدرت تتنفس ولمن طلعت غرفتها ورمت نفسها على سريرها وبين دموعها تفتكر قد ايش كان الخبر صعب عليها وللآن مازال صعب كل يوم تدخل غرفتها وتدخل في دموعها والامها تحس انه اتخلى عنها وانها فقدته
رندا بصوت مسموع:آآآآآآآآآآآآآآآآآآآ آآآآآآآآه فييييييييييييينك فييييييييييييينك يالغالي دنيتني بدونك عذاااااااااااب
امجد والي كان حيدخل بس لمن سمع كلامها وقف؟؟؟؟؟!!!!!!!!!!!!مين دا الغالي
امجد:ميييييين الغالي ياقليلة الادب
رندا الي ماحست بوجود اخوها قعدت تمسح في دموعها وتظبط من تعابير وجهها
ودارت وجهها عليه:هااااااا ايت غاالي ايش بتقول انتا
امجد:مين دا الغالي الي تقولي عنه
رندا:انا قلت كدا متى؟؟
امجد:بلا غبااااء اتكلمي ولا ارقعك كف على وجهك يخليكي تتكلمي غصبً عنك
رندا:انت سمعت خطأ
امجد:طيب وايش الصح يا ام العرافيين
رندا:انا قلت الغاليه وكنت اقصد نهاااااال
امجد شك في نفسه قال معقوله سمعت خطأ فاستدرك نفسه:المهم ماعلينا كنت بس ابغا اقلك قومي اقنعي حبيب القلب يودينا الشاليه اليوم
رندا انفجعت:مييييين حبيب القلب
امجد:نعمممممممم ليه كم حبيب قلب انتي عندك
رندا اترددت ايش دا السؤال:ولا واحد
امجد:يؤ يؤ يالبكاااشه خلاااص بروووح اقله عشان يكرهك
رندا شكت في الموضوع دا بيتكلم عن ميييين:امجـــــــــــد ميييييييين تقصد؟؟؟؟؟
امجد:بااااااابااااا يالغبيه
رندا:واااااااي صححححح كيف نسيته الغالي يابعد قلبي يا ابويه هههههههههه
امجد:دحين يابعد قلبي يلا اقول قومي قوليله وتعالي
رندا:لا مافي انا ما ابغا اروح ما ذاكرة اختباري السبت
امجد يقلها نفس الكلام الي قاله لي منى وتقتنع وتقول لأبوها بس ما يرضى
ابو خالد:بس كدا قلت لاء يعني لاء
رندا:طب لييييييه عاااد
ابو خالد: كدا الاسباب كتيـره وماني فاضي اشرحها
رندا تتقرب وتتدلع على ابوها:يلاااا بابا عااااااد انا حبيبة قلبك رندوده الحلوه تردني يلااا يلااا الله يخليك ترى بعدين احرمك من بوسة قبل النوم هههههههههه
ابو خالد معصب مرررره:اقوول قووومي اقلبي وجهك ولا ارقعك كففف اعلمك الادب
رندا انفجعت اول مررره ابوها يسوي لها كدا......وتقووم وهيا زعلان
ابو خالد حس بالذنب:رندوده لا تزعلي عمري بس والله اليوم حالتي النفسيه زفت واخوكي زعلني اكتر لاتزعلي يابعد قلب ابوكي ابتسمت رندا في غرور وتقول في نفسها...مافقدت لمسة الدلع عند ابويه هههههههههههههه وتطلع تجري لفوق وماترد عليه..........




-------------------------------------------------------------------------------------------

[بنت عجمان]

يعطيك العافيه يابرنسيسة على التكملة ومشكوووووووره
وانطر الباقي لا تطولين (^_^)

[سند]

السلام عليكم ورحمة الله وبركاته

الله يعطيش العافيه برنسيسه على القصه

ومامن قصوور وافيه دووم ولاتحرمينا منش ومن جديدش

تقبلي أطيب وأرق تحياتي,,,

[برنسيسه العجمان]

السلام عليكم

اشكر الخت بنت عجمان

والاخ الهاوي على تواصلهم الكريم




$الجزء التاسع$



في دنيا تاني وفي عالم من عوالم الحزن والاكتئاب والضيق والدموع
عالم ماجـــــــــــد.......
ماجد كان زعلان على نفسه بيسافر بعد ساعتين وماهو قادر يكلم رهف ونفسه مررره يسمع صوتها..........وفجئـــــه خطر بباله انه بيتصل ويصير الي يصير
ماجد:نوااااااااااااااااااااااااف
نواف:ها ماجد خير فيك شي
ماجد:لاء مافيني شي بس ابغا جوالك شويه
نواف:ليه؟؟
ماجد:تبغا تعطيني هوا اعطيني هوا بدون اسأله ماتبغا براحتك
نواف:طيب بشويش اكلتني هااا خد يالله
ماجد:شكـراً
ويجلس نواف على الكرسي الي جنب ماجد
فيقوم ماجد يمسك الجوال ويحطه على الطاوله بقوووه.......
نواف:ايش بك
ماجد:ما اعرف اتكلم واحد معايا في الغرفه
نواف:هههههههههههههههه طيب يالله انا بره لو تبغا شي ازهمني باي
ماجد.........
ماجد يفكر ايش يقولها يفكر ينهي الي بينهم بس يبغا يسمع صوتها للمره الاخيــــره وهوا يدري انه وجوده وعدمه عندها زي بعضه عندها<<<لكنه للأسف غلطااااان في اعتقاده
وبعد تردد كبيـــر يقرر يتصل ويتصل فعلاً.....
رهف:الووووووو
ماجد:الووووو
رهف تحس برعشه في جسمها الصوت مو غريب.....
ماجد:رهف كيفك يارهف كيفك يابعد عمرري
رهف عرفته وكانت جالسه فوقفت وبدأت الدموع تنزل من عينها لا شعورياً
رهف:مااااااااجد ماااااجد معقوله فدييييييييتك يااااااااااربي يارب عساني ما انحرم من هالصوووت كيفك مااااجد ايش اخباااااااارك انت طيب فيك شي طمني عنك الله يخليك.......
ماجد استغرب منها ومن طريقة كلامها باين انها خايفه عليه.......
ماجد:رهف انتي خايفه عليا
رهف..........
ماجد:والله وحشتيييييييييينييييييييييييييييييييييييييييييييييي يي يارهف وحشتينيييييييي
رهف:وانت اكترررررررررررررررررررررررررر اشتقتلك مرررره
ماجد!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
ماجد:اشتقتيلي انااااا وحشتك معقوووله يارهف معقوووله انا
رهف:ايوه انت ياماجد انت شايفني بكلم احد غيرك
ماجد...........
ولأول مرررره رهف تضعف وقالت كلمه ما اتوقعت بتقولها لو ايش صار فيها.......
رهف:ماااااااااااجد
ماجد:عيوووووووونه
رهف:احبـــــــــــــــــــــــــــــــــــــــــــ ــــــــــــــــــك
ماجد حس نفسه دايخ وقلبه يدق بقووووووووووه معقوله الي بيسمعه معقوله حب عمره اخيـراً نطق اخيراً عمره اعترف اخيراً لقا الحب من رهف اخيــــــــــراً يارهف اخيــــــــــــــــــــــراً وصارت دمووعه تنزززل لان هالحب مات قبل ما ينولد وصارت انفاسه تتصاعد بقوووه.......
رهف:انت تبكي ياماجد ليييييييييييييييييييييييييييييه؟؟؟؟؟؟؟؟؟؟
ماجد:رهف انا مو بس احبك الا اموت فيك انت الدم الي يمشي في عروقي انتي حياتي الي راحت والي بتجي انتي الي الانسانه الي عايش عشانها والي اتنفس الهوى عشانها انتي الاسم الي انطبع على قلبي وانحفر فيه ولا يمكن ينمحي انتي يارهف آآآآآآآآآآآآآآه انتي عمري وحياتي وقلبي انتي يارهف تمشي في كل عرق وشريان بجسمي وكل شي في وجداني بس للأسف يارهف للأسف......
رهف:ليييييييييه للأسف ايش صار
ماجد:انا ما انفعك يارهف انا ما استحقك
رهف انصدمت من هالكلام ايش بيقول لها دا معقوله بيلعب عليها وخلاها تحبه ولمن اعترفت له يبغا يتركها.........
رهف:مااااجد ليه تقول كدا ماصرت تحبني ولا ايش صار فيك
ماجد:اموووووووت واندبح ولا انسى حبك يوم ولا انسى قلبك الي ضم قلبي ولا انسى هواكي الي دخل وجداني يارهف انا بدونك ما اقدر اعيش بس لازم علي وعليكي ننتهي.....
رهف بدت الدموع تنزل منها بكتره وصارت تشهق بعد كل كلمه تقولها:ليييييييييه ياماااااجد ليه تقوووول كدا انت ماتدري ايش صار فيني من بعدك ماتدري انه اختباري السبت وانا ما فتحت كتاب عشانك خايفه عليك واسأل عنك ولا قادره اعرف شي عنك مانمت الليالي وانا افكر فيك واعترف واقر لنفسي بحبك وحاولت بدل المره الف عشان اوصلك انا رحت المستشفى وتعبت لمن صار لك الحادث...
ماجد:ليييييييييييه ايش صار فيكي يارب فيني ولا فيكي
رهف:لاتقول كدا حبيبي شي بسييييط وراح في حال سبيله...خوفي عليك خلاني زي المجنونه ومدري ايش صارلي
ماجد بدت دمووعه تنززل بقوووه اول مره يسمع منها كلمة حبيبي وكمان ايش حس انه حبه دخل قلبها وانها تحبه من جد فخاف لو يقلها تنصدم بس هوا مو مستعد يبني حب فاشل ولاهوا مستعد يتعس هالقلب الصافي والحنون معاه ولا يربط حياته بحياتها فقرر يقلها........
ماجد:رهف انتي لازم تنسيني يارهف انا ما انفعك
رهف:لييييييييه ياماجد تقول كدا لييييييييييييييه؟؟؟؟؟؟؟؟؟؟؟؟
ماجد:انا يارهف....انا....انا...انا مشلووووووووول عاااااااااااااجز يارهفففففففف انا انسان مريض ومقعد ما افيدك يارهف انا عاااااااجز........
رهف انصدمت لمن سمعت هالكلام وطاح الجوال من يدها وبدت تبكي بقوه اكبر وحست روحها بتطلع وتقول في نفسها لييييييييه يامنى لييييييييييييه تخبي عني يامنى ليييييه ماااااااجد لااااااااا ياماااااااجد حراااااااام ........
ماجد عرف انها انصدمت وقال احسن عشان ماتربط مصيرها بمصيري انا ما انفع لها.....
وفي عالم تاني بعيييد كل البعد عن هالاحداث وعن هالناس في بيت ابو محمد......
لمـى:ماماااااا مامااااااا
ام محمد:نعم يالمى ايش تبغي
لمى:ابغا اروح اذاكر عند صحبتي
ام محمد:تذاكري في عينك ماعندنا بنات يروحو عند صحباتهم
لمى:ايش فيهاااا
ام محمد:ذاكري في بيتك وخليها هيا تجيكي
لمى:دايماً هيا الي تجيني خليني انا هالمره اروح لها
ام محمد:لاء يعني لاء في عندك بنت عمك منى روحي لها خليها تفهمك احسن من صحبتك هادي
لمى:لااااا ايش منى ما ابغااااا ماتدري انها في التوجيهي حرام خليها في حالها
ام محمد:خلاص طيب براحتك بس انتي بتسألي عن بنات عمك ولالا؟؟
لمى:لا والله من بعد موت نهال ماكلمتهم ولا ادري عنهم الا ايش اخبارهم
ام محمد:الله يهديكي يابنتي احد يقطع اهله كدا والله ياحراام مسااااكين حالهم ابدا ماهي تمام
لمى:لييييه صار شي جديد؟؟
ام محمد:اشياااااااء خااالد الي مبهدلهم ومتعب العيله كلها اتغير وصار عدواني
لمى:خاااالد معقوله داك الولد الفرفوش الي زي القمر طب لييييه؟؟؟؟
ام محمد:من بعد نهال صار خالد تاني ودحين طلعلهم بشغله تانيه يبغا يسافر مع صاحبه لأمريكا عشان علاجه وزعل ابوه وامه ورايح يسافر بدون ما يودعهم
لمى:ليه هوا ايش دخله في صاحبه ماعنده اهل دا الولد يعني
ام محمد:لا مو كدا بس عشان خالد طرد الولد لمن جا له فطلع الولد معصب وسوا حادث قدام البيت وخالد مره متأثر ويحس انه السبب ويقولو دا صاحبه مرررره ومن زمان يعرفه يعني رفقة عمر
لمى:اهااااااا هوا دحين سافر ولا لسه
ام محمد:والله مدري بس دووووبها كلمتني ام خالد وتقولي وهيا تبكي والله قطعت قلبي
لمى:الله يعينهم
ام محمد:اميــن وترى الجمعه عندنا بكره
لمى:نعممممممم ايششش وليييييييه؟؟؟؟؟؟؟
ام محمد:ايش الي نعم وايش وليه هادي ايش بك نسيتي الجمعه لازم تستمر وانقطعت شهرين بس عشان ظروف بيت ابو خالد لكن عمانك مقررين يرجوعها ومصرين كمان
لمى:طيب حبكت دا الاسبوع ماتدرو انه عندنا اختبارات ودنيا
ام محمد:والله عاد الي يبغا يذاكر ويدرس عنده السنه كلها ما حبكت على اخر يوم واخر لحظه
لمى:اوفففففف طيب دحين ليه بتقوليلي مدام رأيي مامنه فايده
ام محمد:عشان ترتبي البيت وتظبطي امورك
لمى:اظبط اموري؟؟؟ ايت امووور
ام محمد:ايش ايت امور يعني تنقي ملابسك واشيائك تظبطي غرفتك ومن هالاشياء
لمى حست انه ورى امها شي....
لمى:في شي مخبيته عني ياماما صح؟؟
ام محمد:لاء ايش بيكون يعني ويلا قومي بلا كلام كتيـر زي الهنود روحي البسي عشان يوصلك رائد بعد الغدا لانه جي بعد شويه مع مرته
لمى:يااااااي مشكووووره يا احلى ام يلا بااااي
.................

--------------------------------------------------------------------------------

نونه الحلوه07-24-2005, 01:07 AM
ويوصل رائد ومي........
رائد:مامااااااااااا يا امييييييييي انا وصلت تترررااااااااااااااا
ام محمد:هههههههههههههههههههه ياهلا والله بولدي حبيب قلبي
رائد وهوا يسلم على امه:شفتي كيف نورت لكم البيت
ام محمد:ههههههههههههههه انت ماتعقل ابداً
مي:مااا عمره عقل ولا بيعقل هههههههههههههههه
ام محمد:هههههههههههههه هلا والله بالغاليه كيفك يابنتي
مي تسلم على مرة عمها:هلا بخير الله يسلمك كيفك انتي ياماما
ام محمد:بشوفتكم تمام التمام
رائد:بشووفة ميييين بالظبط؟؟؟؟
فهد:بشووفتي انا طبعاااا
ام محمد:هههههههههههههههه ياسلاااام وطلعتلي انت كمان بالموضوع
فهد يسلم على جدته:ايوه مو انا اساس الموضوع كله اصلاً هههههههههههههههههههه
احمد:لاااااااااااااااااااااء ماااااااااااااااااااااااااافي انا احسن منك
ام محمد:هلااا حموودي هلا بالعكروووت
فهد:وانت محل ما اروح ورايااا انا ايش قلت عنك دحين
احمد:انا مو وراك بس ابويه شالني وحطني في السياره وانا نايم عثان ازي معاكم
الكل الا فهد:هههههههههههههههههههههههههههههههههههههه
ام محمد:الله يحفظكم يااااارب
ويقعدو يتغدو عيلة رائد ويخلصو من الغدى ويجلسو في غرفة الجلسى......
مي:تسلم يدك ياماما مره الاكل طعم ما شاء الله
ام محمد:الله يسلمك يابنتي
ابو محمد وهوا بيقعد:ياحياااا الله من جانا نور البيت اليوم والله
رائد:منور فيك يابويا
ابو محمد:فينك يابني ماتنشاف
رائد:تدري يا بويه المشروع اخد كل وقتي
مي:شفت ياعمي مو هالكنا الا دا المشروع
ابو محمد:هههههههههههههه الله يهديك ياولدي لازم تفضي نفسك شويه بيتك واهلك لك عليهم حق
رائد:ان شاء الله
لمى:سافر اخوكي ولا لسه يا مي
مي:اخويا مين؟؟
ام محمد:وي ليه كم واحد مسافر
مي:والله انا مدري عن شي
ام محمد:انا امك كلمتني اليوم وهيا تبكي وتقول خالد بيسافر مع صاحبه ومدري ايش والله مافهمت الموضوع تمام بس الي فهمته انه بيسافر
مي انصدمت اخوها بيسافر وهيا ماتدري.....
مي:صاحبه مين ماجد
ام محمد:ايوه اعتقد ماجد الي سوا الحادث
مي:اهاااا افتكرت الموضوع اكيد خالد حاس بالذنب وعشان كدا يبغا يسافر معاه...
وتقوم مي تروح على التلفون وتتصل على جوال خالد.......
مي:الووووو
......:ايوه نعم
مي استغربت من الصوت الصوت كأنه صوت واحد عجوز او واحد مريض:خاااالد؟؟
.......:ايوه انا خالد مين انتي
مي:خالد هلا والله خلووودي كيفك حبيبي
خالد:مي
مي:ايوه انا مي
خالد:الحمدلله عايش كيفك انتي يامي
مي:بخير دامك بخير
خالد:آآآآآآه يا مي ايت بخيرالله يهديكي المهم فينك عني زمان ما شفتك ولا سمعت صوتك
مي:موجوده ياحبيبي بس انتي الي ماتدري عني
خالد........
مي:خلوودي حبيبي صح انك بتسافر
خالد:انتي ايش دراكي؟؟
مي:سمعت وخلاص
خالد يتنهد:ايوه
مي:ايش فيك حبيبي من ايش متضايق
خالد:مي انا دحين اصلاً مسافر انا في الرياض
مي:من جد
خالد:ايوه سافرت الساعه عشره الصبح
مي:ليه ما بلغتني وليه مسافر
خالد:انا والله نسيت ابلغك ولا كان نفسي اودعك واسلم عليكي بس حصل شي عكر مزاجي وخلاني اسافر بدون ما اودع او اسلم على اي احد تدري حتى امي وابويه ما سلمت عليهم
مي:لييييييييييه؟؟
خالد:بس المهم انا مسافر عشان علاج ماجد ويمكن نطول في سفرنا
مي:فين بتروح بعد الرياض
خالد:ما ادري بس حنتنقل لكم مدينه بعدين بنستقر في لندن
مي:اهااا طيب ممكن اطلب طلب؟؟
خالد:انتي تامري يامي
مي:تسلم حبيبي ما يامر عليك ظالم...بس يعني قلت لو تقدر تكلمني كل ماتوصل مدينه او كل يومين تطمني عنك
خالد:ان شاء الله
مي:ايوه وكيف ماجد
خالد:الحمدلله ماشي حاله
مي حست ان خالد مره مضاايق:خالد حبيبي كل شي في هالدنيا قضاء وقدر ومو من حقنا نفرض نفسنا ونقول نحنا السبب كل شي بي إرادت الله سبحانه وتعالى واحنا مالنا يد فيه
خالد.........
مي شافت سكوته فحبت تكمل:وانت ياخالد رجال مؤمن بالله وتعرف هالاشياء فخليك دايماً مبتسم عشان الدنيا تبتسم لك ياحبيبي وبعدين صاحبك دا انت بدال ما تصير كدا محطم ومنكد المفروض العكس خليك مبتسم ومرتفع المعنويات عشان ترفع معنوياته وتساعده انت دحين سنده وصاحبه ورفيقه في رحلته خليك عون لاتكون عله عليه لاتزيد همه وهمك ياخالد
خالد........
مي:شوف ياخالد الهموم احنا نصنعها واحنا ممكن نتركها لاتصنع لنفسك نسج من الاوهام والهموم والاحزان خليك مبتسم وسعيد حتى لو شو صار خليك خالد القوي الي الكل يعرفه بقوته وشموخه وعزته في هالمواقف تفتكر ياخالد لمن كنا صغار مين كان يقولي هالكلام مين الي كنت لمن ابكي يجيني ويقولي الدنيا مافيها شي يستاهل دمعه من عيوني او زعل من خاطري تفتكر ياخالد
خالد:آآآآآآآآآآآآآآآآآآآآآه يا مي آآآآآآآآآآآآآآآآه يامي كل دا راح خالد الي تقولي عنه مااااااات ماااات من يوم ما مااات نهال ماااات من يوووم مافقد روحه وحياته وصار وحيد في هالدنيا
مي:منت وحيد نحنا كلنا جنبك واذا نهال راحت فدا قرار ربنا مو قرارك ولا بيدك وبيدي نسوي شي واذا نهال ماتت انت لساتك حي وبعدين انت ناسي اهم شي في حياتك
خالد:ايش هوا؟؟؟؟
مي:ولدك محمد الي ما اعتقد في يوم سألت عنه ولدك الشي الوحيد الي طلعت فيه من نهال كيف تتخلى عنه وتنساه تعتقد لو نهال كانت حيه ترضى انك تسوي كدا في ولدها تنساه وتتجاهله ولاتدري عنه ترضى تزعل نهال في قبراها وانت الي ماكنت ترضى انها تزعل في حياتها لاتصير كدا ياخالد لا تكون ابداً كدا انت اقوى من كدا بكتيـــــــــر انت خالد الجبل الي ماتهزه ريـح........
خالد ارتااااااااااااااح كتيـــــــــــــر بعد كلام اخته وحس انه في شي انفجر في داخله ومايدري ايش هوا بس عجبه كلام اخته وحسسه براحه كبيره وقرر يتغير من اليوم ورايح ويحاول يتحسن........
خالد:مي
مي:يابعد روح مي
خالد:تسلمي يالغاليه والله انا من دونك ما اسوى شي
مي:لاتقول كدا ياخالد انت تسوى ونص وانا ما قلت الا الي انت تعرفه بس انت نااسيه ومتجاهله لا اكثر
خالد:مادري ايش اقلك بس من جد الله لا يحرمني منك
مي:امين ولا يحرمني منك...
حبت مي تلطف الجو فقالت:اقول خالد الا سمعت اخر خبر
خالد:ايش؟؟؟؟؟؟؟؟
مي:ما ادري ولا انا ما سمعته هههههههههههههههههههههههههه
خالد ضحك غصبً عنه:ههههههههههههههههه ياحراميه صرقتي حركتي
مي:يااااااااربي انا على هالضحكه تجننننننن وبعدين انا ما صرقتها انت سبتها او بمعنى اصح اتخليت عنها قمت جيت انا واتبنيتها ههههههههههههههههه
خالد:ههههههههههه بس اقول ترى اعطيناكي وجه زياده عن اللزوم يلا ابغا اروح لماجد خاصره من اول
فرحت مي حست اخوها اتغير حتى لو بنسبة واحد في الميه لانه ضحكته هادي نفس ضحكة خالد القديم وصارت تدعي في قلبها ربنا يصلحه.....
خالد:بنت مي
مي:هلا
خالد:فين رحتي
مي:موجوده
خالد:طيب يلا مع السلامه ترى خسرتك وكمان اتأخرت على ماجد
مي:الله يوفقك يارب ولاتنسى تكلمني زي ما اتفقنا
خالد:ان شااء الله تامرين امر ويلا بايوووووو
مي:بايوووووو
رائد وهوا ينط ويجي يلصق في مي:ميييييييييييييييييييييييييييييييييييييييييييي
مي: بسم الله الرحمن الرحيم نعم ايش في
رائد بعصبيه مصتنعه:مين كنتي تكلمي كل دا وكمان كل كلمه والتانيه حبيبي ومو حبيبي ها مين تكلمي؟؟؟؟؟؟
مي تحب تقهر رائد وتدري انه مايحبها تقول حبيبي حتى لي ابوها او اخوها وهوا يدري انها كانت تكلم واحد فيهم....
مي:عايدي كنت اكلم حبيبي ايش فيها
رائد:؟؟؟؟؟؟؟؟؟؟؟؟ مافي غير هنا حبيب قولي مين كنتي تكلمي
مي:ماني قايله ويلا احمد تعال اوديك الحمام ما رحت من الصبح
لمى:هههههههههههههههههههههه ياحرااام انقهر رائد اقوول رائد يلا وديني عند صحبتي ابغا اروح اذاكر
رائد:مو وقتك دحين اول شي ابغا اعرف مين حبيب الاخت هادي<<<يأشر عليها
مي تطالع عليه بنظرة غرور وتمشي وتخصره.........
ام محمد:بلا بياخه رائد مين بيكون يعني يا ابوها يا اخوها لاتسويلنا فيها العاشق الغيران
رائد انقهررررررر وحس انه مررره متفشل هوا اصلا يدري انها كانت تكلم خالد من كلامها معاه بس حب يمزح معاها لكن مو توصل انها تفشله كدا قدام اهله وتمشي وتخصره.......
لمى:هااااا بتوصلني ولالا
رائد:لاء
لمى:ماما شفتي لو كان خليتيني اروح مع السواق
ام محمد:مافي روحه مع السواق رائد بيوديكي
رائد:لا والله قررتو عني خلاص
ام محمد:لا ما قررنا ياقلبي بس انت اخوها ولازم توديها يلا يلا قووم
رائد زااااد قهره ويقول في نفسه ايش شايفيني بزره صغير عندهم يتحكمو فيا على كيفهم...
رائد:اوففففف طيب يلا قومي انا في السياره
مي كانت بره الغرفه وبتمووووت من الضحك على حركات زوجهااا وغيرته البايخه
مي:هههههههههههههههه
احمد:ليه تضحكي
مي:انت مالك دخل
احمد:واااء كدا تقولوي انا ايث ثوتلك هادا بابا مو انا
مي:ههههههههههههه والله انك مصيبه اقول اسكت ويلا غسل يدك
احمد بزعل:طيب
مي في قلبها الله يستر ما يكون زعل من جد والله دا زعلاته تجيب مرض القلب.....
وبعد ما وصل رائد لمى يرجع بيت اهله عشان ياخده حرمته وبزورته ويرجع بيته.....
ام محمد:مي جا رائد يقول انزلي عشان تروحو بيتكم
مي:ليييه ما يدخل؟
ام محمد:انا ادري عنه عاملي فيها زعلان خليه ينفلق كبر على دي الحركات
مي وهيا تسلم على مرة عمها:هههههههههههه طيب يلا نشوفكم على خير وياااااااا احمد وفهــــــــــد امشو جا بابا يلا حنروح
احمد:ماما ليه بدري دوبنا زينا
فهد:بدري في عينك احنا هنا من الضهر
احمد:ايث فيها نقعد كمان
فهد:اوووففففففف منك غبي
مي:ماما فهد محد يقول هالكلام يلا امشو وانتو ساكتين
ويمشو الاتنين ويركبو السياره حقت ابوهم ولي كان شكله مررره معصب
وتدخل مي وتركب قدام طبعا....
مي:السلام عليكم
.........
مي:رائد رد السلام
رائد بعصبيه وهوا يحرك السياره:انا حر ما ابغا ارد
مي:يلا رئوودي ما صارت زعله على ايش كل دا
رائد:ماصارت ها ومين الي يفشلني قدامي اهلي ويطلعني زي الاهبل قدامهم
مي:الللللللله صرت اهبل عشان مزحه بايخه
رائد:هادي مو مزحه
مي:يعني بالله ماكنت تدري بكلم مين
رائد:...........الا ادري وبعدين انا كنت ابغا امزح الا كلكم قلبتو عليا
مي تسمك يده:ههههههههههههه خلاص حبيبي ما يحتاج كل هالزعل
رائد.........
مي تشوف سكوته وفي نفسها يااااربي ايش يفكني من زعله دا.........ايووووووه لقيتهااا........وتمسك مي كست وتحطه وتطلع هالاغنيه حقت عيضه المنهالي
((تدري اني موت احبك واني مالي غير حبك والي ينبض في ضلوعي ماهو قلبي هادا قلبك))
مي تردد مع الاغنيه بصوتها السااااحر:والي ينبض في ضلوعي ماهو قلبي هادا قلبك<<<وتأشر على قلبها
فيبتسم رائد غصبً عنه على حركات زوجته الخطيره:ههههههههههههههههههه
مي:ياااربي فديت هالضحكه
رائد:قلبتي امارتيه
مي:ليه؟؟؟؟
رائد:عشان الامارتيين يقولو فديت ههههههههه
مي:لا مو بس هما وبعدين انا حره اقول الي ابغا ويلا فديتك وفديت ضحكتك وفديت روحك ما يخصني
رائد:ههههههههههههههههههههه
مي:هااا خلاص راح الزعل
رائد:رااح هوا انا اصلاً اقدر ازعل منك
مي:احم احم ادري ههههههههههههههههههه
رائد:ياشين الثقه بس ههههههههههههههه
مي:هههههههههههههههه بس ياحلوها لمن تكون مني هههههههههههههااااي
رائد:ههههههههههه انتي محد يعرف يصيدك ابداً
مي:ابداً ابداً ابداً
ويكملو مشوارهم وهما مبسوطين.........

وفي عالم اخرغير العالم ودنيا غير الدنيا......
طوني:هي يو شوووو فيك
رامي:مافيني شي بس انت حل عني
طوني:الا فيك شي إطلع في المرايه هيك وشوف شوفيه شكلك<<<<طوني صديق رامي طوني لبناني الاصل امريكي الجنسيه عايش ومستقر بأمريكا له عشره سنين هناك وهوا انسان طيب مره ويحب رامي كتير......
رامي وهوا يتنهد:الاهل وحشوني يا طوني
طوني:انت الي اخترت هايدا الطريق وكنت مبسوط فيه شو غيرك
رامي:ماغيرني الا شوقي لأهلي ما اعتقدت بيوم اني بشتاق لهم كدا
طوني:ياخي مالك تلات شهور واتشقت لهم اجل لو جلست عشره سنين متلي شو بتعمل
رامي:بنتحرررررر
طوني:هههههههههههه بعيد الشر عنك يارجال يلا قووم خلنا نروح نرقص ونفرفش
رامي:مافيا هناك البنات مررره يتلزقووو في الواحد ما ابغا اروح
طوني:شو يعني يتلزقوو ؟؟؟
رامي:يعني يلصقوو فيك بالقوه
طوني:هههههههههههههه يارجال احمد ربك انا بدي وحده بنت مافي حد راضي يعطيني وجه
رامي:لو تبي خد كل الوجوه الي عندي بس فكني الله يخليك
طوني:براحتك انا بدي روح باي
رامي:بايات
تامر:هاااي رااامي
رامي في نفسه ياااربي يروح واحد يجي التاني...
رامي بدون نفس:هلا
تامر:تامر شو فيك يابن الحلال مبوز<<<<تامر من الامارات وجي يدرس زي رامي
رامي:ولا شي
تامر:شووو هالرمسه زعلانه وتقولي مافيك شي
رامي والي اتعود على الكلام الاماراتي:مافيني شي ياحبيب قلبي بس مضايق وابغا اقعد لحالي
تامر:برايك مابزعجك لو تبي شي كلمني على الموبايل باي
رامي........
ويمسك رامي جواله ويتصل...
رامي:الوووووووو
.......:هلا والله مين معي
رامي:كيفك يابويه
ابو رامي:هلااااا والله بولدي حبيب قلبي هلا وحشتني موووت يالغالي
رامي:وحشتك العافيه ياارب
ابو رامي:كدا ما كلمتنا لك شهرين
رامي:تدري يالغالي انشغلت اول شهرين لسه ما استقريت تمام
ابو رامي:الله يوفقك ياارب
رامي:امييين ولاتنساني من دعواتك يابويه
ابو رامي:الله يعينك ويسعدك يارب والله مابنساك ليه كم رامي او ولد عندي افا عليك بس
رامي:الله يخليك لي يارب مدري اذا الوالده قريبه
ابو رامي:والله هيا تحت في السياره بتستناني تدري رايحين الجمعه في بيت ابو محمد
رامي:اهااا اوكي الله يسعدكم خلاص اكلمها وقت....يالله تاني تامرني بشي
ابو رامي:سلامتك وانتبي على نفسك
رامي:ان شاء الله وسلملي على الوالده
ابو رامي:الله يسلمك يلا مع السلامه
رامي:مع السلامه
وارتاح رامي بعد ماسمع صوت ابوه وقرر يطلع مع الشباب بدال ما يحبس نفسه في دي الشقه.....
رامي:الوووووووو
تامر:هلا ولله .. مرحبا مليون ولا يسدن وان زادن لا باس
رامي:ههههههههههههههههه اقوول تموور يلا تعلي
تامر:سبحان مغير الاحوال يلا جيييييييك على طوووووول
رامي:هههههههه اوكي بس لاتتاخر ولا اغير رأيي
تامر:مسافة الطريق وانا عند الباب هههههههههه يالله انزل انا تحت
رامي:نعممممم لحقت ما شاء الله
تامر:ايه انا الحين تحت عند الباب بتنزل ولا اروح
رامي:لا يالله نازل باي
تامر:باااااي

--------------------------------------------------------------------------------

[بنت عجمان]

تسلمييين يابرنسيسه عساك عالقوة
وناطرين التكمله

[برنسيسه العجمان]

ماعليش زود يابنت عجمان


وأبشري والله ماطلبتي شي


يا غالي والطلب رخيص....


استلمي الجزء العاشر...



*&*الجزء العاشر*&*
في غرفة الحزن والبكاء والدموع في غرفة رهـف.....
رهف جالسه وبتموت نفسها من البكا تحس نفسها مطعونه في قلبها تقول في نفسها ليه ياربي لمن الاقي نفسي وحبي واعرف حياتي وطريقي فين اضيعه واتوه فيه مره تانيه لييييييييه لييييييييه لمن لقيت قلبي وحبي وعمري وحياتي ومصيري وذاتي وكل دينتي يضيع مني تاني ليييييييه.....آآآآآه ياقلبي المسكين مالحقت تبدا في حبك الا جا احد وطعنك
آآآآآآآآآآه ياقلبي آآآآآآآآآآآآه.....وبين كل دمعه ودمعه الم ودمعه وبين كل الم ودمعه نزف وطعنه رهف صارت تحس نفسها هيا الي عاجزه صارت تحس نفسها جسد بدون روح صارت تحس انه احد خطف قلبها ورااااااااااااااااااح وانه صدرها خالي من القلب والشعور والاحساس صارت ماتحس ولاتشعر الا بالدموع الي على خدها وبالجرح الي في قلبها وروحها وجسمها......صار نهارها وليلها دموووع وهيا هايمه فيها حتى مستواها الدراسي نزل دحين صار لها اكثر من اسبوع وهيا تروح الاختبار وتخبص وترجع وصار لها اسبوع عازله نفسها في غرفتها حتى منى صديقة عمرها قطعت علاقتها فيها لانها كم مره حاولت تسألها عن ماجد وماتقلها ولمن تسألها عن خالد تقلها مسافر وعلى كدا زعلت منها وما صار تكلمها.......
طق طق طق......<<<احد يدق الباب
رهف تمسح دموعها وتعدل من صوتها:نعمممم
........:فكي الباب يارهف انا مازن
رهف تفتح له الباب...
رهف:نعم خير
مازن:ولاشي بس حاب اتكلم معاكي شويه ممكن
رهف:معليه مازن اانا دحين تعبانه وابغا انام
مازن:كل يوم تعبانه وكل يوم تبي تنامي انا ابغا اكلمك حتى لو تبي تموتي
رهف الي خلاص استسلمت:طيب ايش عندك
مازن:هنا من عند الباب ايش عندي
رهف تفك له الباب......
مازن يجلس على سريرها ويشوف مخدتها الي باين من شكلها انها مليانه دموع.......
مازن:كيف حالك يارهف
رهف بقلة صبر:مازن ايش دا السؤال البايخ وايش عندك؟؟
مازن:شوفي شكلك زي الاموات مافيها شي لمن اسألك عن صحتك
رهف:والله صحتي زي منت شايف يعني ماله داعي السؤال
مازن:ايش فيكي يارهف ممكن اعرف ايش صار لك من بعد داك اليوم الي رحتي فيه المستشفى وحالك اتغير ودراستك اهملتيها ماتلاحظي انك نسيتي انك توجيهي واخر ترم وتحتاجي لربع الدرجه وانتي مو مهتمه......
رهف.............
مازن:ممكن اعرف ايش الي مضايقك ومخليكي حابسه نفسك في غرفتك وقاعده تبكي ليل ونهار
رهف:مين قلك اني ابكي انا بس بجلس لوحدي عشان اذاكر
مازن:مو عليا يارهف انا اعرفك مظبوط وبعدين ايش حكاية منى المسكينه في اليوم تتصل عليكي الف
مره ولاتردي عليها حرااام عليكي ايش سوتلك
رهف الي خلاااص فقدة اعصابها:مااااازن لاتتدخل في الي مالك فيه لوسمحت واذا جيني عشان حبيبة قلبك منى ولأنك زعلان عليها فرحلها هيا في بيتها وفكني منك ومن كلامك الفاضي انا مو فاضيتلك تعبااااااااااااانه وابغا اناااااام ماتفهم حرااااااام عليك ارحمنيييييييي
مازن؟؟؟؟؟؟؟؟؟؟؟؟؟؟!!!!!!!!!!!!!!!!! اول مره في حياتها رهف تكلمه بدي الطريقه....
مازن:....انا......
وتقاطعه رهف:مازن لو سمحت ابغا ارتااااااح
مازن هوا كمان فقد اعصابه:رهفففف انا من اول بعاملك بالطيب ومحترمك لكن ما توصل اني اسمح لك ترفعي صوتك عليا انتي فاهمه ولالا وبعدين انا مو جي هنا عندك وجي اكلمك عشان منى ولا غيرها انا جي عشنك اختي حبيبتي ومالي غيرها وخايف عليها وعلى حالها وماعمري في يوم اتوقعت انك بتقابلي خوفي وزعلي عليكي بدي الطريقه للأسف يارهف ما اتوقعتك كدا وبعدين لو خسرتي اي شي لاتخسري كل شي مره وحده خليها في بالك لاتخسري كل شي......
ويطلع مازن من الغرفه معصببببببببب......وتقفل رهف وراه الباب وترجع لدموعها الي صارت اغزر من اول وهيا الي ماصدقت انها بدت تخف الا جا اخوها وزود عليها جرحها ودموعها وحزنها....وبعد كل دا في كلمه قعد صداها يتكرر في بال رهف اكتر من الف مره((اذا خسرتي شي فلا تخسري كل شي مره وحده.....اذا خسرتي شي فلا تخسري كل شي مره وحده....اذا خسرتي شي فلا تخسري كل شي مره وحده))قعدت تكررها في بالها وتقول انا كيف سمحت لنفسي اخسر كل شي خسرت حبيب قلبي....ونفسي....ودراستي....وصديقة عمري
......واخويه...واهلي.....وصحتي....ايش بقيلي كمان عشان اخسر من جد اني غبيه والف غبيه آآآآآآآآآه ياربي آآآآآآآه.....وقطعت افكارها ونطت على كتابها تذاكر على الاقل تحفظ لها كلمتين تعوض فيها الدرجات الي راحت عليها.......
وبعد كم يوم في المدرسه((مدرسة منى ورهف))....
رهف جالسه لوحدها في الفسحه على واحد من الكراسي...
.....:ممكن اخد من وقتك شويه
رهف:تلف راسها عشان تشوف مين الي بيكلمها وتستحقره لمن تعرف انها منى وتدير وجهها بسرعه
منى:طيب انا شو عملت قوليلي
رهف:سويتي انج ماتستحي على وجهك وماعندك ذرة دم او شعور بالانسانيه ولو سمحتي ممكن تفارقي
منى:مو من حقك تقولي دا الكلام انا ابداً ماليا دخل في الموضوع
رهف:اصلاً انتي السبب لو كان قولتيلي من البدايه ماكان صارت اشياء كتيـره يلا ممكن تفارقي ماني طايقه اشوف وجهك
منى.........
رهف وهيا قايمه من محلها:اوفففففففففففففف منك من جد ماعندج دم
وتقعد منى في محلها بكل حزن ويأس على الي صار بينها وبين رهف....
وفي وقت تاني.....
لجين:رهف رهف رهف
رهف.............
لجين:رهفففففففففففففففففف
رهف:بسم الله هااا نعم ايش في
لجين:ايش بك يابنت فين وصلتي
رهف:ولا لمكان نعم ايش تبغي
لجين:بس شايفتك جالسه لوحدك حزينه ومضايقه قلت اجي اسليكي
رهف:لاشكراً انا حابه اني اجلس لوحدي
لجين:امممم رهف حبيبتي ادري انك تعتقدي اني مزعجه وحركاتي بايخه بس ترى انا افهم وعندي عقل
استغربت رهف من تصرف لجين بس ما علقت......
لجين:يمكن مالي حق اتدخل بس انا حابه اقلك شي
رهف.......
لجين:حالك دا ابدا مو صح صحيح انك في الايام الاخيره بديتي تشدي حالك في الدراسه وفي الاسبوع الي فات اهملتيها بس دا مايعني انك اتحسنتي
رهف:نعممم ايش بتقولي؟؟؟!!!
لجين:الدراسه مو كل شي في الدنيا وصحيح انه حلوو انك تتفوقي فيها عشان مستقبلك بس انتي ونفسيتك اهم من اي شي
رهف؟؟؟؟؟؟؟؟:ليه بتقولولي دا الكلام يالجين
لجين:لاني اعتبر نفسي صديقتك واخاف عليكي
رهف استغربت من متى لجين صديقتي وانا ما ادري صحيح انها دايما تكلمني بس انا اعتبرها مجرد زميله......
لجين وبدون سابق انذار:منى
رهف:نعممممم؟؟؟؟؟؟؟
لجين:منى صحبتك ماتعرفيها
رهف:الا اعرفها بس ايش دخلها في الموضوع دحين
لجين:حرااااام عليكي شوفي ايش صار فيها والله من جد حرام عليكي كم مره جلست تبكي البنت وصاارت حالتها مررره زفت ماتلاحظي انها ما تشارك في الحصص وانها تجي متأخره وانها دايماً زعلانه ومكتئبه وجالسه لوحدها
رهف استغربت كل دا في منى.....
لجين:منتي مصدقه يحقلك منتي داريه عن الدنيا شوفيها في داك الركن جالسه لوحدها وشكلها كمان بتبكي
رهف تطالع عليها وتنصدم هادي منى مو معقول دي شكلها وحده تانيه اكيد لجين غلطانه......
لجين شافت علامات الاستفهام الي على وجهها فمسكت يدهااا واخدتها معاها....
رهف:على فين اخدتني يالجين
لجين..............
وشويه تلاقي رهف نفسها قدام منى وجها لوجه.......!!!!!!!!!!!!!
رهف ومنى!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
لجين:يلا مع السلامه
رهف:لحظه لجين استنيني ابغا اجـ......
وتقطع رهف كلامها لمن تشوف منى ترخي راسها بيأس وتنزل دمعه من عينها...........رهف مرررررررره عورهااااااااا قلبها على صحبتها ليييه صاير لها كل دا.....تفوق رهف من الشبه اغماء الي هيا فيه على صوت بكا منى العالي وتلاقي نفسها قدامها وجهاً لوجه......رهف في نفسها يااااربي انا ايش وقفني هناا الله يهديكي يالجين كدا توقعيني في دي المصيبه انا اعتقد اني رحت مع لجين ايش الي رجعني هنا ياااااااربي ايش الي بيصير.....بس آآآآآآآآه شكل منى مره تعبانه ما اتحمل يصير فيها كدا هادي الغاليه ومحد غيرها صحيح اني قسيت عليها وتركتها في الفتره الاخيره بس ما ارضى مهما كان تنزل دمعه من عينها ويصير دا حالها...........
منى تقطع جدار الصمت بصوتها الحزين والباكي:ليييييييه يارهف ليييييييه انا ايش سويتلك يارهف حراام عليكي والله مالي دخل ولا يد في الموضوع حرااام عليكي
رهف انصـــــــدمت ايش بتقول هادي......
منى تشوف تعابير وجه رهف الغريبه فتقرر تقوم ما تحب ابداً انها تذل نفسها لمين كان وماهي مستعده تخلي رهف تشفق عليها ولا على دموعها وتقووم تجري وتروووووووح..........
رهف قعدت واقفه في محلهااا مصدومه مستغربه......معقوله الي في منى بسببي معقوله منى تهما علاقتنا لي دي الدرجه وزعلانه عشان كدا.......معقوله انا صرت انانيه لي هالدرجه............آآآآآآآآآآآآآآآه ياربي ما اتوقعت بيوم اكون سبب في الم اعز صديقه عندي....
اعز صديقه..؟؟؟ كيف انا بقول كدا وليا وجه كمان بعد كل الي سويته فيها من جد انا بايخه من جد هيا مالها دخل في كل الي صار.... حرااام والله بيصير لنا احنا الاتنين بس انا مو بيدي ظروفي وقلبي وعقلي اتحكموو فيني مافي شي ملكي.....
آآآآه يامنى يا اعز صديقه وانسانه بالكون انا متأكده اني آلمتج كتيـــــر والله مسكينه يامنى ماتستاهلي ياحبيبتي......
لجين:رهفففففففففففففففففففف
رهف......
لجين:رهفففففففففففف
رهف:هاا نعم
لجين:انا جبتك هنا عشان تتفاهمي معاها وتتصالحوو مو تزعليها وتخليها تبكي لي هالدرجه
رهف زاد آلمها كمان بكيتها زياده يااااااااااربي........
لجين:والله من جد حرام عليكي....وعلى العموم الله يهديكي وخلاص بس خلي في بالك انه حرام يارهف تضيعي صداقة كم سنه في كم يوم.....
رهف.......
لجين:اوفففف مامنك فايده اقول يلا بس امشي الحصه بدأت
وتروح رهف مع لجين وتدخل الفصل وعينها تدور على منى وماتلاقيها....
رهف تجلس في مكانها مستغربه فين راحت هادي.....
وتعدي الحصه والحصتين ومنى مادخلت الفصل وماهي موجوده رهف خافت يكون صار فيها شي البنت وقاعده تلوووم نفسهااا...وقطع عليها تفكيرها دخول منى الي كان شكلها مره يفجع وكان شكلها يدل انها كانت بتبكي...
الاستاذه:فينك يامنى فين كنتي
منى بصوت مخنوق:كنت عند المشرفه الاجتماعيه عشني تعبانه
الاستاذه:اهاا طيب سلامتك ويلا اتفضلي
ورهف مافارق نظرها منى دقيقه وفي قلبها ياربي انا مررررره وقحه ونذله لييه بسوي كدا في صحبتي الغاليه لييييييييييييه......
الاستاذه:رهف قوومي جاوبي
رهف:هااا ايش السؤال
الاستاذه:لا والله دحين كم مره سألنا السؤال جاوبي بسرعه
رهف........
الاستاذه:ايوه طبعا مو عقلك مو معاكي بس مسرحه
رهف..........
الاستاذه:ايش صار فيكي يارهف كنتي اشطر بنت في الفصل ليه سرتي كدا وبعدين مو بس انتي في كم وحده ومن ضمنهم منى كمان ايش صار لكم يابنات
رهف حست بلاحراااااج وخصوصاً لمن دخلت الابله اسم منى في الموضووع....
طبعا الكل شايف التوتر في العلاقه بين رهف ومنى بس ما اتوقعوو يوصل الزعل للدراسه فالكل استغرب
لمن نزل مستوى الاتنين مررره وحده ولمن علقت الابله ونبهتم بشكل اكبر للموضوع...........
وفي سياره بتمشي على الكرونيش في جده........وبأعلى صوت اغنية دلوعه حقت نبيل شعيل....
مدام حلوه ياقلبي دلوعه لازم تصير
ياقلبي سير عليها تستاهل انك تجيها
مدام اهيا ما تسأل روح انتَ واسأل عليها

ياقلبي انت الكبير صالحها يعني شصير
مدام حلوه ياقلبي دلوعه لازم تصير

ياقلبي سير عليها تستاهل انك تجيها
مدام اهيا ما تسأل روح انت واسأل عليها

صالحها في نظرتين وخذ لها وردتين
ياقلبي والله البنات تسحرهم بكلمتين

ياقلبي سير عليها تستاهل انك تجيها
مدام اهيا ما تسأل روح انت واسأل عليها ))
هااااايم مازن في هالاغنيه وهوا يشوف علاقته بأخته وبلي صاير بينهم صار لهم كم يوم ما اتكلمو مع بعض كلمه وحده ودا شي صعب مره على مازن لان رهف اخته الوحيده ودلووعته وحبيبة قلبه وما اتوقع بيوم بتوصل علاقتهم لدى المستوى....فلمن سمع دي الاغنيه حركت شي في نفسه فقعد يغني معاها ويقوول.....ياقلبي انت الكبير صالحها يعني شصير مدام حلوه ياقلبي دلوعه لازم تصير......ولمن جا مقطع ((صالحها في نظرتين وخذ لها وردتين ياقلبي والله البنات تسحرهم بكلمتين))قال فكره ليه ما اصالحها بطريقه حلووه انا والله ما اقدر على زعل اختي......
وراااح طيراااان على مشوااااار لاااازم يسويه ومفاجئه محضرها لأخته بتخليها غصبً عنها وعن الي خلفوها بترضا.........
وبعد يومين في المدرسه.....
رهف قررت تصالح منى لأنه مستحيل تخليها على دا الوضع ومنى ما تستاهل كل دا والموضوع ماعاد صار متحمل اكثر من كدا مستقلبهم وصداقتهم اهم من انهم يضيعوها من شان موضوع يمكن في نظر الناس تافه بس عند رهف كبيرررر وكبيرر مرره كماااان بس خلاص ماعاد له قيمه قدام صداقتهم الصادقه والقويه....المهم رهف قررت تصالح منى بأي طريقه وبأي وسيله واتفقت مع لجين لمن ينزلو البنات للفسحه تخلي منى في الفصل وتقلها انها تبغا تكلمها كلمتين بعيد عن البنات وفعلاً كلمت لجين منى واتفقت معاها......
لجين:رهفففف خلاص يالله بسررررعه روحي انا قلتلها دحين اجي روحي لها قبل ماتغير رأيها
رهف:طيب مع السلامه
وتروح رهف للفصل وتدخل وتسك الباب وراها......وطبعا منى مو منتبها لانها منزله راسها على الطاوله وماهي منتبهه لشي واصلاً في بالها انه لجين هيا الي بتكلمها مو رهف.......
تروح رهف الين عندها وتمسح على شعرها بيدها....منى ترفع راسها وتنصـــــــدم بقووووووووه لمن تشوفهاااا رهف......
رهف بصوت حنوون وناااعم:كيفج وشخبارج يامنى<<<منى تموووت على لهجة رهف الامارتيه فحبت تبسطها لمن كلمتها
منى استغربت ايش صار فيها هادي اليوم......
رهف:انا اسألج كيفج
منى الي دوبها استوعبت:هااا الحمدلله عايشه
منى..........
رهف:طيب ما بتسأليني كيفي
منى استغربت ايش تبغا هادي اليوم:ما يحتاج شايفه حالك
انصدمت رهف منها بس برضو مصره تكمل..... فجابت كرسي وقعدت قدامها...
وطااال السكوووت وقعدة رهف تقول في نفسها ياااربي مو لازم اضيع هالفرصه يااربي ايش اقلها......وفجئه قطعت جدار الصمت بكلمه ماكانت تتوقع تسمعها منى....
رهف:وحشتيننننييييييييي ياوحشـــــــه
منى؟؟؟؟؟!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟؟؟؟؟
منى حست بالفرح من محاولة رهف لتعديل الوضع بس قالت بتحفظ غرورها وكرامتها الي باقيه لها ماهي ناقصه تنهان منها زي كل يوم....
رهف:يعني انا ما وحشتج صح
منى بدون ماتفكر:الا طبعــ....ووقفت ماكملت الكلمه نسيت انها زعلانه وماتبغا تبين انها تبا تتصالح معاها....
رهف:هههههههههههههههههههههههههه ادري اني وحشتك اصلاً غصبً عنك لازم اوحشك
منى حست انه رهف تبغا تراضيها من جد بس منى حبت تكابر....
منى:ايش تبغي يارهف؟؟
رهف:ابغا صديقتي منى ممكن اكلمها لو سمحتي
منى:وانا ايش شايفتني خيالها
رهف:امممم لامو خيالها بس يمكن ظلها ههههههههههههااااااي
منى:ياخفة دممممك
رهف:انا دحين بـأتكلم من جد ممكن اكلم صحبتي وحبيبتي ورفيقة دربي وحياتي منــــــــى
منى:دحين صارت حبيبتك ورفيقة دربك وحياتك هااا.....؟؟؟؟؟؟؟؟
رهف:من زمااااااان بس الي صار كان اقوى مني ومنها وانا دحين ماراح اسمح للي صار بأنه يستمر لانه بصراحه ما اقدر اعيش بدون منى ولاهيا تقدر تعيش بدوني
منى:بالله شووو مين قلك اني ما اقدر اعيش بدونك
رهف تأشر على قلبها وعيونها وتقول:قلبي وعيوني...الدموع الي اشوفها في وجهك كل يوم والالم الي احس فيه واحاسيسي ومشاعري تجاه اغلى انسانه عندي عمرها ماتخيب
منى ماقدرت تستحمل حست نفسها بتبكي اخيـــراً فهمتها رهف.......
رهف:والله العظيم والله والله هيا شوفي كم مره احلف واللللللللللله ماااااااااا اقدر ااعيش بدوووووووونك احبــــــــج يابنت اللذينا ايش اسوووي في نفسييي ما اقدر اتحكم في قلبي
منى شويه وبتمووووت من الضحك على حركاات رهف والطريقه الي تتكلم فيها....... منى:هههههههههههههههههههههههههههاااااي
رهف:اللللللللللللللللللللللللللللللللللللللللللللل للللله زمااااااااااااااااااااااان ما سمعت دي الضحكه الحلوووووووه يااااااااربيييي فدييييييتج وفديتتتتتتت ضحكتج الحلوووووووه
وتقوم منى لاشعورياً وتحضن صحبتها.......
منى:اشتقتلج بكل مالي الكلمه من معنى ههههههههههههههههه
رهف:حلووه اشتقتلج منك زي العسل وبعدين افاااا عليك كم رهف عندك اكيييييييد لازم تشتاقيلي<<<ياحبهم هالبنات للغرور
وتضرب منى رهف ضربه بسيطه على كتفها:عندي الففففففففففف بدل الوحده
رهف:بس كلهم ما يسووني هههههههههههههههه صح<<<ياشين الثقه بس
منى تغمز لها:صحححييييييين ههههههههههههههههههههه
منى:الله يخليك لي ولا يحرمني منك يااااااارب
رهف:امين ولامنك......ها خلاص راح الزعل مو كدا
منى:راح من عندي بس الاهم يكون راح من عندك
رهف تتنهد:من جهتك رااح من زماااان بس غرورك هوا الي قاتلنا
منى:اي غرور
رهف:مدري عنك المهم
منى:لحظه قبل المهم حقتك هادي اذا بتسأليني عن....ماعندي جواب
وترفع رهف حاجبها وتقول في نفسها رجعناااااااا ياطير للي
رهف:منىىىى ما بسألك خلاص اوكي الموضوع دا انا نسيته وانتهى الموضوع
منى:من جد.........
رهف:اجل من عم ايوه من جدين كمان انا كنت بسألك ايش سويتي في اختباراتك
منى:زفــــــــــــــــــــت
رهف:ليييييييييييييييييه؟؟؟؟؟؟؟؟؟
منى:بس كدا كانت نفسيتي ايام الاختبارات مرررررره تعباانه....وانتي شو عملتي
رهف:برضوووو زفت في الاسبوع الاول اما التاني فالحمدلله
منى:رهف ابغا منك وعد
رهف:وعد ايش
منى:ابغاكي توعديني انه مهما صار ما تتأثر صداقتنا ابداً وماتعلقي وتربطي صداقتنا بأشياء تانيه ونقعد اصدقاء طوووول العمرررر ممـــــــكن
رهف تبتسم:ممكنين يالغاليه ويلا امشي جيعااااانه ابغا اروح اشتريلي شي اكله
منى وهيا مبسووووووطه:يلاااااااااا
وينتهي اليوم في المدرسه على خيـر.......
وترجع رهف البيت وتدخل ماتلاقي احد تدور وتدور مافي احد.....
رهف:فييييينكم يا اهل البيت غريبه فين اختفو دول بس يلا احسن خليني ارتاح
وتروح على غرفتها وتفتح النور...........وتتفاجــــــــــــــــــئ بي؟؟؟؟؟؟؟؟؟؟؟؟
**************************************************

[بنت عجمان]

تسلمين يا غاليه
.
.
.
تروح على غرفتها وتفتح النور...........وتتفاجــــــــــــــــــئ بي؟؟؟؟؟؟؟؟؟؟؟؟
كــان كملتيها شوقتينا