[ انا وعبراتي ]

[عجمي في لبنان]

هذي القصيده قلتها بعد احساسي بمعاناة واحد من الربع عندما اصيب والده بمرض السرطان الله يكفينا ووياكم شر الامراض .
وعقب مامرض ماخلى عضو الا وراح له وماخلى واسطه الا جاها لكن مانفع لأن كل التقارير تقول المرض استفحل وبعد شهرين توفى الله يبيح منه فقلت القصيده هذي اصف فيها حالته . قبل وفاة ابوه والمرثيه ماني ناشرها

ياقلب ياللي جرك الهم جرا = جرت غشيمن واطي برجله النار

ياقلب عيا مرقدك مااستقرا = ماغير تقلبني على جروح وافكار

والقلب مع كثرة اهدومه تعرا = حده زمانه ولا لقا فيه نصار

وانا وعبراتي بكرن وفرا = مره اكن الدمع ومرات بجهار

وين الذي بعوج الليلي مضرا = مثل الجبل يقوا على الميل صبار

وينك يابوهادي زماني تبرا = وصارن همومي اليوم غيمن ومطار

تدوج رجلي وامسي الليل برا = واحس جوي ممتلي عج واغبار

والزاد حاليه اصبح اليوم مرا = والماي كنه بأوسط الحلق مسمار

اصيح وازهم مالقيته مجرا = مركن على وحش الليالي ومعبار

كلن يصدد يابوهادي وفرا = وانا وحيد وحظي اليوم عثار

علمن يابوهادي بسرن وجهرا = وقلبن على الميلات ترميه الاقدار

كم واحدن جيته بغيره تذرا = وكم واحدن جيته وزهمته ولاثار

كم من عزيزن له بقلبي مقرا = تبين خملاته وعميات الابصار

ياللــــــــــــه قلبي من اهمومي تفرا = مامن مسنع والمرض زاد الاصرار

وسلامتكم / ابو مشاري