همــهـــمــات سعد . . !

[سعد الصميل]

بما اننا في فترة اختبارات . . والطلبه مساكين منسده نفوسهم بسبب الاختبارات . .

طبعا ادري مو علشان المذاكره . . علشان بينحرمون شوي من الدشره !!

المهم طرى علي موقف ايام الدراسه بالمتوسطه . . طبعا انا كنت طالب مستواي زين لكن ماني من الجيدين ذولاك. . .

اللي اذا نقص درجه ينجلط !!

المهم انا كنت من عشاق الاجتماعيات والماده هذي انا اللي محتكر الاول فيها من كثر ماكنت احبها . .


الحاصل انه بالاختبار حق الاجتماعيات . . جاوبت خلال ١٠ دقايق وكنت ضامن الدرجه كامله ومو ناقصه شعره . .


ماعندي شغل وعيوا يطلعوني الا بمرور نص الوقت . . قمت اشخبط على الورقه . .


وارتكبت حماقه ، كتبت على ورقة الاختبار . . امتحانكم خرررررطي !!


شرايكم باللي سويته ؟المصخره شلون صايره بعد ؟

بعد التصحيح اكتشفت اني نازل ٥ درجات **ومعهم حق ، وفوقها استدعاء ولي امر !!

صحيح كنت بزر

[سعد الصميل]

وبما إن اليوم الجمعه . . حنا على موعد مع الثوار في الشام . . عسى الله ينصرهم على بن الحرام . . الجزار بن النعجه . .

ماعلينا . .

تصدقون اني احترمت المصري اللي إقترح تكون الثورات بعد صلاة الجمعه . . سوا في العرب خير . . الناس قامت تتواجد بدون موعد . . لأنهم أصلا كانو على موعد مع الصلاة !

وبالنسبة لإختياره يوم الجمعه . . صارت امور ثانيه . .

ان الرؤساء العرب . . صارو يكرهون الجمعه . . وصارو يتمنون الاسبوع اللي مافيه جمعه !!

صارو يكرهون الصلاه . . والمنابر نفسها اللي كانت تدعي لهم وهم مبسوطين كل جمعه . . صارت تحرض الناس عليهم . . . !!


صارو بدال مايقعد بالصف الأول ويشوف الامام يدعي له . . وهو يقول آمين !!

صارو يشوفون الخطب في كل مكان تدعي عليهم !!

سبحان مغير الأحوال . . من حال إلى حال

والله ينصركم يا اهل سوريا على الدوله العلويه . . اللي حكمتكم في غفله منكم .

[سعد الصميل]

هذي همهمه طازجه وحلوه . . حصلت لي اليوم . . يعني مو من الهمهمات اللي بالرصيد . .



اليوم عند الجمعيه نزلت على السريع بدون ما اقفل سيارتي . . . شريت على السريع ورجعت للسياره . .

وانا بالطريق للسياره شفت واحد من بعيد يتعبث بتلفونه . . وركب سيارتي . . وقفت اطالعه من بعيد وركب السياره ابو الشباب وانا مبتسم . . . !!!


جيت عنده وقلت ممكن توصلني ؟؟

شافني وانحرج حيل . . وقال : لا مؤاخذه ياطيب والله ماخذتش بالي . . قلت له حصل خير وعطيته ابتسامه . . وراح لسيارته . .

الصدمه . . . ان سيارته لونها كحلي ونوعها مرسيدس قديم !! وانا سيارتي لونها ابيض ونوعها كامري !!

رحت البيت وانا شاك في اخلاقه . . قعدت افكر . . قلت هذا شكله كان ناوي يسرق من السياره . . والا كان ناوي يتعبث . . . قعدت اقلب الافكار وماطلعت بحل !!

بس اللي تأكدت منه . . انه شخص مايستحي . . والشر كان احد نواياه . . لكن مادري وش كان ناوي بالضبط . .




الصدمه الثانيه والكبيره . . انه بعد صلاة العصر وبنفس اليوم !!!

شفت الشخص مره ثانيه بالقطعه . . .


وكان راكب سياره كامري بيضاء !!

نقدت على نفسي . . . وقلت الله يسامحني ظنيت بالرجال سوء وطلع فعلا مشبه . .

[سعد الصميل]

اليوم برضو . . رحت انا ورجال لمحلات التلفونات في العزيزيه . . وكان معاه جهاز آيفون يبي يركب له البرامج . .

دخلنا المحل وسألنا . . بكم ؟

قال : بـ عشرة !!

والمشكله انه مافيه مجهود بيسويه راعي المحل غير انه يشبك الجهاز باللابتوب وينتظره يعبي البرامج اللي باعها على أكثر من 1000 زبون قبلنا . . !!

عصبت في البدايه . . بعدين تذكرت ان هذا اسلوب اهل محلات التلفونات من طلعوا . . !!

في التسعينات كنا نروح لهم يحطون لنا نغمه بدينارين !! وهي ماتكلفه حتى فلس واحد !!

هذي لعبتهم . . يبيعون هوا للناس ويكسبون ذهب !!

[سعد الصميل]

إحساس قذر . . انك تروح للجمعيه لشي واحد بس . . ورايح مخصوص له . . وماتلقاه على الرف . .!!

احساس أقذر . . انك بتطلع مشوار ومستعجل ومامعاك وقت ابد . . وتكتشف ان السياره فاضيه مافيها بانزين . . !!


احساس قذر . . انك وراك دوام وتحاول تنام ولا يجيك نوم !!

واحساس اقذر . . انك تتذكر أمر مهم كان لازم انك تسويه . . لكن بعد ماينتهي وقته ولا تقدر تسويه !!


احساس قذر . . انك تروح للدوام وحالتك حاله . . وتطلع انت مخربط ودوامك مهوب اليوم !!


احساس أقذر . . انك تداوم وانت سهران وتكون مخطط على النوم بعد الطلعه . . وترجع تلقى اشغال الدنيا تنتظرك وتاخذك اليوم كله !!


الاحاسيس الخايسه موجوده وبكثره . . هذا اللي طرا علي منها حاليا

[سعد الصميل]

شكراً . .

لكل من ساندني في كتابة الهمهمات . . همهمه . . همهمه !!

لكل من تابعها . . اعجب بها . . انشد لها . . تحمس معها . . . !!

لكل من شجعني في بدايتها . . وجعلها مفضلته في الركن الهادي . . !!

لكل من صحح لي معلومه . . نصحني سرا . . أراد ان يرى الهمهمات في أبهى صوره . .


لكل من اعاد اكتشاف شخصية سعد الصميل من خلال الهمهمات . . وصحح نظرته عنه !!

لكل متابع دائم . . لكل مشجع لي . . لكل متهمهم معي !!

شكرا من القلب . . . لـ 10 آلاف مشاهدة . . تابعتها مشاهده بعد الثانيه تزيد . . حتى وصلت للرقم 10 آلاف . .

وعد . . اقطعه على نفسي . . ان استمر معكم بإذن الله حتى يفرغ العقل مما يملؤه من افكار . . او كلمات !!


شكرا ً . .

[سعد الصميل]

فيه نوع من الناس . . تشوفه خوش ولد . .

لا لا . . مو خوش ولد . . تشوفه احسن واحد !!

وتشوف انه مايتكرر منه اثنين من كثر طيبه . . لكن فيه شي واحد يخليك تكِش منه !!

احد الامور اللي تخليك تكش من النوع هذا من الناس . . البخل !!

يعني مثلا بقولكم عن واحد اعرفه . . شخص علاقتي فيه طيبه جدا . . وحبيب وولد وفي كل شي عند وجهك . . لكن كنت جاهل بالبخل وماكنت الاحظه . .

بعدين نورني واحد ثاني << النوع هذا بعد ودك تسلم منه . . يفتحك على امور ماودك انك فتحت عليها !!

المهم . . نورني قال فلان ياخي بخيل . . انا على طول نقزت في وجهه . . لا يارجل انت وش تقول !!

رد علي ببرود . . ياخي لاحظ كل ماتروح معه مطعم او سوق تدفع انت . . وكل 10 مرات يدفع هو !!

هديت شوي . .

قال ياخي كم مره سمعت منه . . يوووه نسيت بوكي !!

هديت اكثر وابتسمت ! !

قال ياخي كم مره يتشكى لك من الفقر ؟

بعد الابتسامه . . ضحكت . . لأنه صحيح !!

قال أكمل بعد ؟

انا طبعا . . كمل كمل . .

صدمني بالطامه الكبرى . . قال تذكر يوم حلف علينا يعشينا بعدين خلاك تدفع الحساب ذاك اليوم بعذر انه مامعاه فلوس ؟

قلت طيب يمكن مامعاه !!

قال . . تذكر بعدها يوم رحنا لسوق شرق ودخل محل وحاسب بالـ كي نت ؟؟ !!

هنا ابتسمت بجد . . وقلت . . الله ياخذك . . اشهد انك طيحته من عيني صدق


بعدها اكتشفت ان البخل صدق . . هو عدو المرجله الاول . . . بلا منازع !

[سعد الصميل]

فيه مواقع سوت ثورة في عالم الانترنت . . ومن اهمها طبعا . . قوقل - يوتيوب - تويتر - فيس بوك . .

انا حاليا بتكلم عن التويتر . .

بما اني لي وقت في التويتر . . وادخله بشكل يومي على فترات متقطعه . . لكني مقل في التغريدات . . واكتفي بالمتابعه لا اكثر . .

المهم . . ماعلينا . . .

اكتشفت ان التويتر مثل حياة الانسان . .


تسوي لك حساب تنولد في عالم التويتر . . تبدأ فيه مثل الطفل ماتعرف شي . . حبه حبه لين تصير محترف !!

تبدأ تعرف الناس والمغردين في التويتر . . تسوي follow للي يعجبك . . مثل البزر اي واحد يعجبه يتبعه !!

تكبر شوي بعدين تغرد . . ويعرفونك الناس . . ويسوون لك follow !!

كثر ماكان نجاحك في التغريد . . كان صوتك مسموع اكثر وعلى نطاق اكبر . . ويزيد عدد الـ follow !!

لكن ؟

من توقف عن التغريد الى الابد . . راح يقل الـ follow وينسونك الناس شوي شوي . . ويصير العكس ويكثر الـ UNFOLLOW . . وحبه حبه لين تختفي من ذاكرة الجميع تقريبا !! إلا من رحم الله !


بإختصار . . التويتر مثل الانسان في واقعه . .

ينولد . . يكبر . . ينعرف . . وبعد موته ينساه البعيدين . . وشوي شوي . . لين ينساه الكل . .

إلا من رحم الله !!


عسى الله يرحمنا برحمته . . ونبي الـ follow في الواقع على خير , مهوب على ردى

[سعد الصميل]

في همهمه قديمه . . تكلمت عن هذا الشي

http://www.alajman.net/vb/showpost.p...7&postcount=20



امس بالليل ارسل لي واحد من الشباب على الواتس اب . . يقولي

كله منك !!

انتقدته وغيروا شكله !!





شفتوا ياجماعه وين وصل صدى الهمهمات ؟


هههههههههههههه



<< ترى خذا مقلب الحبيب


يعني حتى المربى استحى وتغير من مره وحده . . مو 7 مرات مدري 10 !! مثل الرجال

[سعد الصميل]

الساعه ( 1.30) ظهراً بتوقيت الكويت . .

سرعة الرياح 29 كيلو . . نسبة الرطوبه 29 % . . .

الجو فيه غبار خفيف . . ومستوى الرؤيه . . 2 كلم . .

حالة البحر . . متوسط الموج . . من 1 الى 3 قدم . .


لحظه لحظه . . لا تقولون لي انكم مصختوها بعد وتبون درجة الحراره ؟

تتوقعون اقول 23 درجة مئويه مثلا ؟

اخاف اقولكم درجة الحراره وتحترق مشاعركم . . خلوها مستوره . . الله يحب الستر !!



تدرون وش الحلو بالسالفه ؟

ان على ذمة كونا : الصيف يبدأ الثلاثاء المقبل . . يعني الشوايه اللي كنا فيها صارلنا دهر . . كانت بروفه ومزحه خفيفه لفصل الصيف . .

بالعربي انصحكم استبدال المكيفات . . بـ طفايات الحريق . .

السنة هذي مولعه . . ولعتها الثورات وجاء صيفها ساخن جدا . .


تبون الدليل ان الجو لطيف عندنا . .

الشباب اللي يجتمعون كل جمعه في ساحة الارادة . . انصلخت جلودهم الله يعافيهم . .

وقرروا انهم يوقفون الاحتجاجات حتى تاريخ 6/9

الحر بالكويت يأجل حتى الاحتجاجات والمطالب . . يا سلام على هيك جو !!

بس تدرون بعد ؟ . . الحمدلله على كل حال . . حالنا افضل من العواصف الثلجيه والفياضانات والزلازل والبراكين . . الخ !!