يا عزوتي ما كان هذا العشم فيك .. غيّرت رايك بعد الاخلاص وش جاك

[[ بلآ خطيه ]]

خلاص عزمت انا فرقاك .. بنساك لو فيه تعذيبي

محدٍ جربني على شرواك .. وانت على الصد ناويني

اعز نفسي عن هوى شرواك .. ما اطرد ورى ناس مقفيني

يا قلب اصبر على ما جاك .. الصبر طبع المحبيني

دور علي واحدٍ يبغاك .. خلاص يكفيني ما فيني

بنساك والله انا بنساك .. بقلى طبيب يداويني

لا تفكر مامن الا دواك .. بلقى طبيبٍ يداويني

[[ بلآ خطيه ]]

لاتكابر غلطتي بانور عيني انظر ادموع الندم اتكفر خطايا
ماله داعي تروح وماتجيني غلطتي دين لك وعذري لك كفايا
غير عذري عزة النفس تحديني نفسي اللي ماتجي بيوم هوايا
ماتطيع اكتب خضوع في جبيني ياهوى بالي ولو طولت لقايا
ان وفيت مطلبي حدك ضنيني وان جفيت بربنا يكبر عزايا

[[ بلآ خطيه ]]

الا يالله ياعالم بحالي تزيل الهم عن قلبي تزيله
خذت مني الليالي اعز غالي تفارقنا ولا باليد حيله
كفانا الله من شر الليالي وياما فرقت خل عن خليله
الا ليت البكا بيرد غالي لااسيل وادي ماسال سيله
سهرت ايام ماعدت ليالي وحالي من سبايبهم عليله

[[ بلآ خطيه ]]

كل ساعه من حياتك ضايعه%%% مايرجع حالك المال الكثير
وانت ياشايل هموماً فاجحه%%%خل في صدرك سعه وابشر بخير
ليلتاً تخسر وليله رابحه%%% والزمن يجري على سلك الحرير
ليتني مثل الطيور السابحه%%% في سماها وين ماتبغى تطير

[[ بلآ خطيه ]]

ماهقيت ان الغلا يمحاه ماحي%%%لكن الايام ورتني العجايب
يوم يالاسود يبين من صباحي%%%والجفا معروف من طبع الحبايب
ودي اكفخ مير مكسور الجناحي%%%يامحمد صار لي ست سبايب
المصيبه من غلاه السد باحي%%%ماله الا اسبوع يابراهيم غايب

[[ بلآ خطيه ]]

الله من وقتاً مضى ماعاد يرجع** ماعاديرجع كود الاموات يحييون

[[ بلآ خطيه ]]

ياصاحبي صبري عليكم قضى %%% واصبحت انا بالحب متبهدلي
ياللي في قلبه مثل جمر القضى%%%ماهوب بمثل اللي ضميره خفي

[[ بلآ خطيه ]]

من منطلق حبي لك العام واليوم %%%لاتحرق اوراق الغلا وانت غالي
عليك ياظالم شكى الظلم مظلوم%%%من اشتكي لك بالهوى ماجرالي
امراً مقدر ياحبيبي ومقـــسوم%%%شربت كاسه بين مراً وحالي
احرق بقايا مامضى واترك اللوم%%%خسارتي في الحب من راس مالي

[[ بلآ خطيه ]]

فكرت بالمكتوب ومافيه حيله%%% ليت الليالي علمتني بالاسرار
يازين روحي من فراقك عليله%%%وانا اتحرى منك مكاتيب الاخبار
انت الحبيب وعشرتي لك طويله%%% بيني وبينك خافي العهد واسرار

[[ بلآ خطيه ]]

ياهوى البال ياقبلت هل الوادي%%%ارحم اللي لذيذ النوم ماذاقه
يالطيف الحشاء ياغايت امرادي %%%العزى عنك يالمجمول ماطاقه
عنك انا يالقضي ماطيق الابعادي %%% قلبي اللي يحبك زادت اشواقه
نار الاشواق وسط القلب تزدادي%%% دمعتي من على الاوجان دفاقه
ياحبيبي علامك ماتحس بي%%% عهد حبي علامك خنت به دايم
اذرف الدمع يامركوز الانهادي%%% يوم عقب اللقا شوفي لك اشفاقه
لو يفيدك عذابي يابن الاجوادي%%% كان ابصبر على التعذيب وافراقه