السلام عليكم ورحمة الله وبركاته
للتواصل
.
.
.
.
.
ضاقت بي الدنيا وحارت مدامعي
وقفّت أمانييّ وعيني تخيلها
تحطمت أحلام عمري ولا بقى
الا جروح ٍ وسط صدري أشيلها
في صدري أشواق ومعاناة حجمها
أكبر من ضلوعي وودي أزيلها
ما للضلوع الا ذعاذيع ضيقتي
وما للعيون الا مدافيق سيلها
تعبت من طرد الاماني ودربها
وسمحت منها يوم جاني قليلها
ذكرت يوم ان المحبه تعيش بي
مع طفلة ٍ ماتعشق الا خليلها
ألطف من النسناس واحساس كلمتي
لامن عطت تعطي وتنسى جميلها
من عطرها الورد النديّ عاف ريحته
والليل يسكن في خصايل جديلها
لاهب نسناس الهوا مال عودها
ماتشبه احد ٍ من غرانيق جيلها
تقطف من احساسي بقايا عذوبته
واكتب لها بيتين شعرْ وتشيلها
راحت وانا عايش مع جور وحدتي
ولاني براضي ياتي احد ٍ بديلها
ببقى مع شعري وضيقات خاطري
لعلها تسمع قصايد عليلها
فـ إن مت من سبة جفاها وبعدها
قولولها لاتنصدم من قتيلها
سوالم 
16-05-2010, 09:38 PM
العرض الشجري