همزة وصل

[خالد بن رمثان]

بس !! لا تطري تسافر / ياااا كثر سفراتك ..
لا تخليني أنادي : يا غناتي وينك ؟

لا تخليني و قلّل بعدك و روحاتك ..
و لا تعّذر دام عذرك في جفآ غالينك !!

و إعرف إن ( عيون قلبي ) تحتري جياتك ..
و إعرف إن (بنوك وصلك ) ما تسدد دينك !!

[خالد بن رمثان]

ياللي خذاك البعد مني .. تركد !!
إرفق على اللي ما اهتنى في غرامه ..

قلبي تعلق فيك حيل و تنكد !!
و فوق المحبه / ما لـ قلبي سلامه ..

بتصد عني ؟ صـد .. لكن تأكد !!
إني أحبك لين يوم القيامه ..

[خالد بن رمثان]

.

صرت في سوق الهوى بايع و شاري !!
و بعت أنا غالين .. يوم إني شريته ..

يا عيون الظبي / يا صوت الكناري !!
يا عجيب الوصف / يا خشف ٍ لفيته ..

يالخَيار الصعب / يالصك الوزاري !!
يا كتاب ٍفالهوى ما قد قريته ..

يالقديم .. اللي خذا الطبع الحضاري !!
يالعلاج .. اللي بموت إن ما كليته ..

.

[خالد بن رمثان]

.

لا تبرّر غلطتك .. و تصجني ..
ترتدي ثوب الصدوق / و تشلحه !!

لو صحيح إنك خوي .. و تعزني ..
كان ما دقيت / لجل ( المصلحه ) !!

.

[خالد بن رمثان]

.


( الله يرجك ) ويش سويـت فينـي !!
محد ٍ لحس مخي كثـر مـا لحستـه ..

مغيـر أفكـر فيـك يـا مبتلينـي !!
لو كان حبـك فالمناهـج درستـه ..

زرعـت فينـي لوعـة العاشقينـي !!
و شوق الحبايب وسط قلبي غرستـه ..

و لبستني ثوب الولـه يـا ظنينـي !!
اللي قبل لقيـاك مـا قـد لبستـه ..

يـا ورد يـا ريحـان يـا ياسمينـي !!
الورد ينبـت فالثـرى لا دعستـه ..

و من الترف يزعجك همس أكسجيني !!
لجلك نسم نفسي عشانك حبستـه ..

يآ جعل يسقى لو تضمـك يدينـي !!
ياللـي يمينـي تبتسـم لا لمسـتـه ..
.

[خالد بن رمثان]

مهما يزيد البعد و تزيد الأيام ./
يبقى مكانك بين رمشي و عيني /..

عسى وصآلك علم و فراقك أحلام./
و عسآك مثلي يا ظنيني تبيني /..

[خالد بن رمثان]

.


عشت معها بأجمل أيام الطفوله ..
لين صارت تستحي , رغم المياانه !!

يآ وجودي لو لغيري زوجوها ..
و يا وجودي لو تجرعت الخيانه !!

.

[خالد بن رمثان]

هو / يدري إن أغلى قصيدي .. عشانه
من دون ألمّح للبشر .. صاحبي من ؟

و أنا / أدري إنه قد قراه بلسانه
و إن الجديد بحافظاته .. تخزن

صح الله لسانه ، و لا هان شانه
اللي غيابه في عذابي : تفنن

[خالد بن رمثان]

يا ليت كل الخلق يا صاحبي ( أنت ) ..
عشان أشوفك وين ما لِـد وجهي !!

[خالد بن رمثان]

لو إنك (تشوف حالي) من تفارقنا ؟
والله ما تبعد عني و تنساني ..

تطري علي ساعة ٍ فيها تعاشقنا !
و الكل منا حلف ( ما يترك الثاني ) ..