مرثية الشاعر محمد بن منيعه في اخوهـ المقدم راجح بن ناصر رحمة الله عليه
الله يسكنه الجنه
صبح الثلاثاء فجعني بأتصالاتـه
جوال علمه طعني والخبر شينـي
ياشين ذاك النهار وشين ساعاته
القلب كنـه يقطـع بالسكاكينـي
ياكبر حزني لو أحـاول مداراتـه
قدام الاقراب وجمـوع المعزينـي
تبكيه رتبة مقـدم فـوق بدلاتـه
وضباط وافراد والادنى والاقصيني
وتبكي على راجح الممدوح وقفاته
مع الاصدقاء من قريبين وبعيديني
والطيب والمرجله تبكي ومداتـه
جزل العطايا لمحتاج ومساكينـي
دمثً جنابه وخلقه من حسن ذاته
ويشهد له المسجد إمام ومصليني
لاواعضيدي علي بتطول غيباتـه
من عقب ماهو على الدنيا مسليني
ابكي على عطفه ولطفه وفزعاته
درعً عن الوقت وظروفه موقينـي
يارب تغفر لـه الزلـه وسياتـه
وترجح اعمال راجح فالموازينـي
يارب وتنزلـه فـردوس جناتـه
مع الانبياء والصحابه والشهيديني
12-10-2009, 12:36 AM
العرض الشجري