السلام عليكم ورحمة الله وبركاته
أن جيت يا خاطر عسى الله يحييك
على الشحـم ومبهـرات الدلالـي
عند الرفيق اللي يعـزك ويغليـك
حيثك ولد عودن عزيـز وغالـي
وان رحت ياخاطر فلا عندنا فيـك
تغيـب عنـا شهـور وألا ليالـي
خذهاعلى الذرعان مني وانا أخيك
الكذب ماهو من سمات الرجالـي
لا راجياً غيرك ولانـي براجيـك
وفي كل ميـرادن طـوال حبالـي
افتل واحـل معقـدات الشرابيـك
واشيل ما شالت ظهور الجمالـي
ياما تصعلكنـا وصرنـا صعاليـك
وياما تحملنـا الحمـول الثقالـي
للمرجله صرنـا عبيـدن مماليـك
وكفوفنا تنـدى مـن أول وتالـي
لو كان ما نملك رصيدن على شيك
وجيهنـا عنـد النشامـا طوالـي
نشوم عن هذي ونرهي على ذيك
وماحاشت ايدينا ماهو راس مالي
وسلامتكم.
08-09-2009, 02:52 PM
العرض الشجري