عبدالمحسن العتيبي ومجاراتة لقصيدة محمد بن صويان
الشعر له جندٍ من الجن مرجــــوج
بسبابه الشــاعر تجـي فيه رجـه
والنادره لا جات من مثلي تــــروج
والصدق نور وحــجة الشـعر حجه
قُب المعاني للصعيبات مســــروج
وانصاف شعار المـجـلات دجــه
وسط البحر دوامة البحر والمـــوج
وسبع البــحور امواجها مستلجـه
والوجه الأبيض من صباح امس مبلوج
وانا بفــضل الله على ابيض محجه
ماعمري احتجيت وقفيت مفلــــوج
وإلا خصــيم الحق كلن يحجـــه
ولاشفت صح الغير والعكس مدمــوج
اقول كلن له طــريقه وفجـــه
وماني براعي هرج من قبل مهــروج
هرج الـفتى من لـب قلبه يزجــه
هرجٍ سوات المسك بالورد ممـــزوج
ينعش وتاخـذ به هل العرف سـجه
هذا وانا مالي ورى الشعر مـــدروج
الا ربيع الهيـض عن كل عــجـه
والله يرج إللي من الشعر مرجوج
والشاعر ..الشاعر ..تجي فية رجه
الشاعر : محمد بن صويان
________________________________________________
وقصيدة المجاراة للشاعر عبالمحسن العتيبي
فتحت باب الشعر لو كان مزلـوج
واخذت لي مع غيهب الفكر سجـه
باخذ من افكارك وباخذ معك روج
وابعتمر وقضـي ثلاثيـن حجـه
يا محمد الشعار فوجٍ ورى فـوج
من كثرهم في كوكب الارض ضجه
احدٍ يجيب البيت وافـي ومنسـوج
واحدٍ على ما قيل شعـره مّوجـه
لاله ذبيل ولا طلع منـه منتـوج
ودائم ورى العربـان ذوده يهجـه
اخر زمن يطلع لنا جوج ما جـوج
سوو لنا في ساحة الشعـر لجـه
قصيدهم كله حماليـس وهـروج
مثـل الهمـاج لياشربتـه تبجـه
ولا المحنك بالسماء شيـد بـروج
وبالارض يشمي كل دربٍ يخجـه
ونته مع الشعار شاعر ومرجـوج
وان جيت للعقال مـا فيـك رجـه
07-08-2009, 04:11 PM
العرض الشجري