صلوو على النبي..
مالت ركون السفينه على متـن الشـراع
وألتوا صفق الهبايب وانا قـد لـي سنـه
واقفٍ فوق الجبل وقفه الرجـل الشجـاع
وكاتم جـروحٍ بوسـط الحنايـا مزمنـه
مانثـرت الدمـع الا لان الدمـع بــاع
مايطولـه غيـر كـفٍ تحـب الميمـنـه
وماسكـت الا لانـي قـدرت المستطـاع
ومايغيض الرجل ياكـون شـيٍ يحزنـه
وماعشقـت الليـل الا لان اللـيـل ذاع
ذاع حزنٍ في عيونـي تباطـت تسجنـه
وماكرهت الارض الا لان الارض قـاع
ترفع اللـي ترفـع وتدفـن اللـي تدفنـه
وماصبرت الا لان الصبـر لازم يطـاع
وماتكـن قلوبـنـا ننطـقـه بالالسـنـه
وماحقرت الشمـع الا لان الشمـع مـاع
وماكسرتـه لان مالـي غنـاة الا عـنـه
صاحبي ياصاحبي وانت لي سيف وذراع
لاتشكـك فـي كلامـي ولاتستحسـنـه
واعرف اني كل ماشفت في القمه شعـاع
احصرة بالكف بأقـرب وسيلـه ممكنـه
وان لبست من القناعه على وجهي قنـاع
اعرف اني محـرقٍ لـي كبـودٍ مدمنـه
مدمنه وش مدمنه مدمنه حقـد وصـراع
تـدري ان ابليـس ملعـون ولا تلعـنـه
الله اكبر ليه ماعشت في سـن الرضـاع
قبل اعرف ان الزمن في يدينـي واتقنـه
والله اني فـي الشدايـد قـوي الاندفـاع
لكـن الوقـت المزيـف تغيـر معـدنـه
يافجوج الارض ضيقي ومنـش الاتسـاع
ماتعاقب روسنـا مـع تعاقـب الازمنـه
والله انـا لـو دبلـنـا ثنيتـهـا ربــاع
ماتضيق صـدور قـومٍ عـزازٍ مؤمنـه
اصغ ياراس الجبل لاوجبـت الاستمـاع
لازبنـك اللـي حـداة الظـلام تزبـنـه
استمع صوت الهوا واسمع اصوات السباع
وانت في ليـلٍ ظلامـه يغطـي الامكنـه
حدها ضيـم الزمـان ومساريهـا جيـاع
مثل صوتٍ في ضلوعي اكنـه واسجنـه
اه من صبر الشقاوي علـى لحظـه وداع
و اه من صبر الحيـاوي علـى مايفتنـه
و اه ياحلمٍ حلمتـه وهـو حلـمٍ وضـاع
مثل طيـرٍ فـوق غصنـه يغنـي بلحنـه
من خلقت ألين يومي وانا الرجل الشجاع
فرحتي ساعه وحزني على طـول السنـه
منصور بن جعشه!!
18-05-2009, 08:10 PM
العرض الشجري