الحزن لفراق غالي
الشاعر الشاب سعد بن بصيّص ..
يرثي في هذه القصيدة الصادقة والمعبرة المرحوم محمد فهد المتين العجمي الذي توفي قبل اسبوعين رحمه الله .
يحسن عزاكم يالمتين .. وعزانا=والموت عدٍ كلنا .. واردينه
ما هو بلانا الموت .. لكن بلانا=فرقا خويٍ كلنا .. خابرينه
رجلٍ على الماجوب .. ما قد توانا=ولا تاتي الشكات بينك .. وبينه
عز الله انه ما يخيّب رجانا=يوم ان غيره قام .. يفرك يدينه
حان الوعد للدمع يا عين .. حانا=ومن لا بكاه اليوم .. تفداش عينه
ما ظنتي بالدمع بيّن وفانا=صدق الوفا بالقلب .. تبطي سنينه
على رجا الايام .. تمشي خطانا=ما شفت زين الوقت .. ما غير شينه
احدٍ الا من غاب .. كنه معانا=وأحدٍ يعيش .. ولا حدٍ قال وينه
كان الحزن لفراق غالي .. خطانا .. ؟ =ترا خطانا بيرقٍ رافعينه .. !
علّ السحاب اللي يغطّي سمانا=يمطر على قبره .. ويجعله طينه
مرحوم يا محمد .. ولله دعانا=يغفر له ويجبر .. عزا والدينه
يا محمد .. اخوانك عزاهم .. عزانا=كلٍ على فرقاك .. ربي يعينه
27-03-2009, 04:58 AM
الحزن لفراق غالي - سعد بن بصيّص آل فنيس
العرض الشجري