حببتي والقلم يشره علـى أوراقـي=وأوراقي البيض للمشروه خضاعـه( للأسـطـوره )

[فهيد بن سالم]

الـسـلاام عـلـيـكم ورحـمـة الـلـه وبـركـاتـه



مـسـاء / صـبـاح الـخـيـر




. . بـعـض الأسـمـاء لاا تـحـتـاج مـقـدمـات . .

حببتـي والقـلـم يـشـره عـلـى أوراقــي=وأوراقـي البيـض للمشـروه خضـاعـه
خــذت القـلـم والعـيـون تخـيـل بـراقـي=وأمطر قصيدي على صيفـه ومرباعـه
هلـت سحايـب قصيـدي فايـح اشواقـي=وانبت جمالك قصيـدي باجمـل انواعـه
يـامـن جمـالـه تـعــدا هـقــوة الـهـاقـي=خـلا قصيـدي عـلـى النفـنـوف دراعــه
واقــول للـنـاس هـــذي عـــز ميـثـاقـي=اللي لها لين امـوت السمـع والطاعـه
الجادل اللي من اهل المستوى الراقي=رفـيـعـة الـــذوق للمـعـلـوق مــزاعــه
الله فرقـهـا عـلــى زيـنــات الاخـلاقــي=بيـت الشـرف بيتهـا وتعـيـش بربـاعـه
بنت الترف واسم ابيها درعها الواقـي=والخـال شيـخ يحـوش الطيـب بذراعـه
مـــن مـاكــر مالـجـابـه كــــل نـعـاقــي=مـاكـر حــرار تـشـوق العـيـن طـلاعـه
ريحـانـة فــي ظــلال وتحـتـهـا سـاقــي=مـن دونهـا المـوت والسـلال واتباعـه
خذت من اوصاف يوسف كل مـا لاقـي=زعيـمـة الحـسـن مـيـاسـه وجـزاعــه
ان اقبلـت قلـت ماتـت لـوعـة افـراقـي=وان دبرت قلت عاش البين واوجاعـه
وان وقـفـت وقـفـن تلـعـات الاعـنـاقـي=وان عرضت من لمحها دق باصباعـه
يخضع لها الراهب العاصي وينساقـي=وقلـوب الابطـال منهـا شـبـه مرتـاعـه
حبـيـبـتـي والــغــلا مــاعــاد يـنـطـاقـي=شــرواي مـاتـدركـه فـزعــاة فـزاعــه
انـتـي مــدار الفـلـك وعيـونـك افـاقــي=وانا الـذي عـاش حبـك باربـع ارباعـه
لـبـيـه لـبـيـه يــافــيــي ومــشــراقــي=ياغلا غلا فـي حياتـي يااثمـن بضاعـه
يالـذ مـن فرحـتـي بــك لحـظـة عنـاقـي=قلـب وهبتـه عيونـك ترفـض ارجاعـه
مدامنـي لـك مليـك وتـرفـض اعتـاقـي=قلب يكسب الكنز عاش ومات ماباعـه
حبيبتـي والقلـم يشـرب مــن اعمـاقـي=عسـاي بينـك وبيـن الـشـر واطمـاعـه
لا يابـعـد عـمـري الـلـي راح والبـاقـي=ياجعـل يومـي قبـل يومـك لـو بسـاعـه

وسـلاامـتـكم



لـ الأسـطـورهـ : ضـيـدان بـن قـضـعـان