بسم الله الرحمن الرحيم ...
( مــساكـم / صــبحكم الله بالخــير )....
الــشاعر : فـهـيد بن عـصــيدان ....
لايحتــاج اعرّف به ولكن اترككم تستمعون ....
بالــقنــبلة الجــديدة ......
يالله عسى خير ومعوّض يامسباحـي=
خلّك بيمناي وان فلّتْـك سامحهـا
منته بملعابة لمن جـاء ومـن راحـي=
اصفح ويمنـى المنافـق لاتصافحهـا
خيره لوانّي خسرت وقلّت أرباحـي=
كرامتي لوخسرت الناس , رابحهـا .!
سكتّ , قبل انطح الصيّاح بصْياحي=
وسمحت من غبّـةٍ مانيـب سابحهـا
ماعاد ندري مَن المجنـون والصاحـي=
واللي يسقّـط تلاميـذه ينجحهـا
لو يدّعي مدّعي الاصلاح الاصلاحي=
كذّاب واللي مصلّحهـا مصلّحهـا
اثر الخزايـن لـو آجيهـا بمفتاحـي=
تجهل مفاتيحنـا , وتْعـرف فاتحهـا
وان كان ناحيت ؟ يامناحي من تْناحي=
واهـل الختـم ماتذرّينـي مشالحهـا
يامنوةٍ دونهـا , يابعـد مشواحـي=
اذمّها كلّ مرّه مـدري امدحهـا .!
لو طيّروني بريش وخُـفّ وجْناحـي=
ماطرْت للـدّار ومصبّـح مصبّحهـا
يبيلهـا خاتـم ومـارد ومصباحـي=
لوانْ قصيري مضوّيهـا مسرّحهـا .!
عساك حيّ وغني ياجورج قرداحـي=
اتربّـح الـنـاس والاّ ماتربّحـهـا
يكفيك ؟ لاقابلوك النـاس ترتاحـي=
وان شدّت اعصابها منّك ؟ تمازحها .!
02-08-2008, 03:35 AM
العرض الشجري