السلام عليكم ورحمه الله وبركاته
قصيده في نائب رئيس مجلس الوزراء ووزير الخارجيه
قلتها عندما تسلم الوزاره
مبروك يا محمد والله يعينك
على السياسه والدروب الثقيله
درب وعر شايك وملغوم بينك
بينك وبين الي تصافح طويله
لكن نعرفك زين ماتنام عينك
ذيب السرايا هم دارك تشيله
تذود عنها ماسك كتاب دينك
فيك الشهامه شيخ راعي جميله
سياسي منحك ولا احد يدينك
لا ما يضيع الدرب وانت الدليله
فيك التواضع جم شامخ جبينك
متوازن وفعلك ابد ما يبيله
تشهد لك الدوحه بطايل يمينك
يوم اسود الافعال اشعل فتيله
شفناك شوف العين وشلون لينك
منه ظهر صلب المواقف اصيله
هو يحسبنه في كلامه يهينك
وهو الاهانه والخطا والفشيله
سامي يا شيخ الطيب منصى عرينك
يا ابيض الافعال فعلك حصيله
يا كيف ما تسبق بفعلك سنينك
وانت الذي رباك شيخ المسيله
العرض الشجري