مصلح
سلام يا جرير ومابه مـن مطيـر=اللي زرعت اليـوم تجنـي ثمـره
لا صرت يا مفرود ما تقوى البعير=دور على منهـو بسنـك تقـدره
جرير
يامرحبا وعداد مارفرف يطيـر=الطير ابو جنحان مع جو عبره
مادمت تدري بالخبر وشله تغير=يالشاعر اللي جيتنا وإلك غبره
مصلح
ابك البقـا ياللـي تلـوح بالجفيـر=منـت بتـرد الضـد والا تذعـره
حبلي طويل وواردن في كل بيـر=وتبقى لحى اهل الطيب عندي مقدره
جرير
ياليت مصلح مايكمل يستخيـر=من قبل راسه من متونه نبتره
شلون حبلك طايل وضلعك كسير=اتروح وتعود عليـه وتجبـره
مصلح
والله وصارت ساقك تحث المسيـر=وحن خابرينك من مطـب لدحـدره
ضلعي قوي لا تصر عينك يا صغير=ثمن تقوم الصبـح وهـي مفطـره
جرير
ياخبل منهو يدعي بنَه كبير=واللي صغير بحد قوله بعثره
ابليس هيالك رغاكم بالهدير=ياقعيدن راعيه عافه وهجره
الله يوفقكم ولاهنتوا على المحاوره الطيبه
كان لي شرف تنسيقها واعذروني على القصور
29-06-2008, 01:40 AM
العرض العادي
