اليوم فرعيه وإزاله والحكومه تدهر=والبارحه محد ٍ تكلم في خلف ولا خليف

[* ماجد *]

السلام عليكم

اخواني الاعضاء هذي بداية مشاركاتي معكم وهي رديه بيني وبين الاخ (بسام)

وقصيدته على الرابط هذا


http://www.alajman.net/vb/showthread.php?t=60201



بسام يقول

يامرحبا ياماجد المرجـوج فـي بيـت الشعـر=اقدرك واهرجـك وامـد لـك فنجـال كيـف
مانيب شفق لـك ولكـن هـذي اسـواة القـدر=اقدع من اخلاص الحسا ترا الحسا غير القطيف
وان قلت ياطيبك؟ اقول ابرك سنه وابرك شهـر=اليوم في بيت الشعر .. والقابله (فوق الرصيف)
مجنزره ..ضباط .. دوريه .. ومرسوم وامـر=يوم ٍ علي القابله عـده مـن (ايـام الصريـف)
(إزالة المجلس) عسا الله يذري اضلال العصر=لا يمنعونه لا بغيته مسفط , وجـاه , ومضيـف
غديت ضب ٍ حدته شوزن علي ضيق الجحـر=وده على المرباع غير الرمي من فوقـه كثيـف
ويامرحبـا ياصاحبـي مـادام للحيـه قــدر=اليوم في بيت الشعر .. والقابله فوق الرصيـف

وهذا ردي

دام البقا ياللي تشل الصوت واتدق النجر =وترسل بويتاتك على جوالي ودمك خفيف
إتقول ياماجد تعال الوضع فالديره خطر =واقول يابسام كل اللي مهوب يشاف شيف !
اليوم فرعيه ؛؛ وإزاله ؛؛ والحكومه تدهر=والبارحه محد ٍ تكلم في خلف ولا خليف !
والحمدلله دامك كويتي ورجلٍٍ معتبر=لو كان مالك مجلس ولاتستضيف ولا تضيف

وشلون اجي في بيت ٍ بيهدم عقب ماهو عمر!=مانيب شامت ..بس كيف اجيك يابسام كيف؟
دام الحكومه بانية لك بيت خمسمية متر=وش حدك تخلي بويتك وتمدد فالرصيف؟
وان قلت لي فقران .. قلت أهب ياوجه الفقر=عزالله انك ماوصلت اسبانيا ولا جنيف
لاصرت ماتحسب على قوم الخرافي والصقر=لاتشتكي ولاتهقوا قسمك اكثر من (رغيف)

وسلامتك وسلامة الجميع