قصيدة الوالد محمد بن منيخر في والدي جطلي بن ورده رحمه الله

[سماوي بن نجم]

قصيدة في والدي جطلي بن وردة رحمه الله
ووالدي الهيلم بن وردة اطال الله في عمرة
قالها الوالد محمد بن فهد بن منيخر اطال الله في عمرة

يالله يلي مالنا رب غيره= يامنزلن دين الهدا فالصحايف
ابرج لمن قلبه تمزع ضميره= كنه يطعن بالسيوف الرهايف
وكبده عليها ولع الهم كيره=فعول الليالي ذاق منها الشفايف
وعينه تهل امن العباير غزيره=تزعج على الخدين تنزف نزايف
ابومحمد راح يالله الخيره=يالله ياربي عليك الخلايف
جطلي على ربعه خساره كبيره=وزنه ثقيلن يوم غيره خفايف
طيبه على ربعه وفضله وخيره=فالجواد والامجاد ماله وصايف
ومقدام يوم ان الفشق ولع ابنيره=يقلط ايلا منه انفهق كل خايف
يوم الفشق يرعد ويهدر هديره=مثل الرعود اللي تراجف رجايف
ملفا الرجال اتجيه من كل ديره=ذرب الطبايع والسوالف طرايف
راحت به الايام مني امغيره=اخطفته الاقدار مني خطايف
خلا جريح الروح يزفر زفيره=متعذبن من باقي العمر عايف
عقبه حياتي ماتساوي شعيره=ولاينفع الملهوف كثر الحسايف
الله يخلي شايبي لي ذخيره=الهيلم على كل الرجاجيل نايف
فالدين والدنيا شريف مسيره=ذرب الطباع الفاضلات الشرايف
الهيلم جمعنا فالامور العسيره=بلهان شيال الحمال الردايف
الله يمهل به سنين كثيره=ريف الجماعه فالسنين الحفايف
ومقدام يوم ان المواقف خطيره=يوم الشفايا من بللها نشايف
لاثار من اضواق المجاري سعيره=يوم النشاما للبنادق هدايف
جعل الولي من كل شر يجيره=بدعوات من كبر على البيت طايف
زين الليالي غرور فتره قصيره=وتغتر فيها اهل العقول الضعايف
اقفى سعد الايام وادبر دبيره=ذيك السنين الصافيات النظايف
معاد فالايام خير وخيره=لو اقبلت يوم تقفي نكايف
خيبه على الدنيا الرديه حقيره=مثل السراب غرور زايل وزايف
راحو مناعير النشاما الشهيره=راحت بهم جرد الليالي زلايف
راحو وخلوني ابهمن وحيره=وحياه من عقب النشاما كسايف
وقلبي لذكراهم تفر فر فريره=فرير طير للملاويح شايف
يكفخ مثل طير يتله جريره=في ايدين صقاره يشوف العلايف