رد على صديق

[فيصل ال رشيد]

مساجله شعريه اتمنى ان تصل لذائقتكم
==============

ود الخبر يانديب أهل الوفاء وده=لديار حر" يحوز الصيد مخلابه

ماكل من صد نسأل عن سبب صده=وماكل من غاب نبحث عنه باغيابه

الكفؤ نحسب حسابه زين ونعده=وان غاب يفقد واذا ماغاب يدرابه

مثلك وشرواك ننشد عنه ونوده=ان غاب قلنا عسى المكروه ماصابه

والاش لارحم ابوه ولعن ابو جده=ان غاب والا حضر مانحسب احسابه

================
ورديت عليه
=====

رد الخبر يانديب أهل الوفاء رده=لديار حر" براس الرجم مرقابه

اخذ جوابي وعطه القرم في يده=راس المكارم وعين الطيب واشنابه

وقله رفيقك يمد الوصل ويشده=شرواك نحرص عليه ونقبل اعتابه

قدلي وانا صارع الامواج لي مده=مابين جزر" ومد وثورت اعصابه

جفاني الوقت وصد وشح في مده=وحمر عيونه وكشرلي عن انيابه

واليوم هاض الضمير وباح لك سده=عطاك مؤجز والتفصيل باجرابه