ياصغيّر جيت أعيّد في ربوع بلادي.....؟؟؟!!!

[الرهاوي]

كل عام وبلادي بخير

.
.
.

ياصغيّر جيت أعيّد في ربوع بلادي = بس لا تبخل عليّ وعطني العيديه

الغريب... اليّ فقد تسليمة الاجوادي = عند ناساً تاكل الخنزير والحنديه

فالقهاوي ما لقيت الشاي فالبرادي = وفالمطاعم مالقيت الطبخه المنديه

أشهد انك يالرهاوي في بلدهم غادي =لو يسافر معك نسل شيوخ وأفنديه

ان ذكرت اديارنا واحبابنا واجدادي = واعذابي... واشقى قلبي... وواجديه

كن قلبي فالحشا ضابط ركن ...وقيادي = منزعج من بعد شوف الصفّه الجنديه

ياصغيّر جيت الك وانته تعرف مرادي = انت ودّك نحيي الذكرى... وانا ودّيه

ان تقابلنا وثلثين العرب رقّادي =حط لي راحت يدينك فوق كفّ ايديه

عينك بعيني واجي لك بالغلا منقادي = لين أضمّك وألتهي بالشفّه الورديه

بعدها لاعاد ينشد عنّي النشادي= حالتي ماهي طبيعيه... ولاعاديه

سكرتي مفعولها من مبسمك يزدادي =منفرد بك والهدف من هجمة فرديه

وان طلبتك ..ما طلبتك غير شيا عادي!!! = لاتمانع ...لا لصق جلدك على جلديه!!

ياحياتي ياغناتي في صميم فوادي = حبك اكبر من جبال طويق والقدّيه

اذكريني واذكرك .. يا أجمل بنات بلادي = بالجمال اليوسفي واللعبه الودّيه

.
.
الرهــــــــــاوي
.