سعادة الشيخ

[عايض البقمي]

أتمنى ان تنال القبول والأستحسان

أنا اشوف الزمان يغيّر الأصحاب دون أسباب=وأنا مدري عيوب الوقت ولاعيبنا فينا
تغيّرنا ومن يملك ريال نشاهده باعجاب=ولو إنه قليل أصل ومروه طبع معمينا
ويُمدَح مايسب وكل مايطلب نقول يجاب=ويقلط في مجالس طيب ماقلّطه ماضينا
ينادونه سعادة شيخ مايسوى جناح ذباب=عليه وسوم فيها رسوم لأصله بس مغرينا
ليا منه حضر كل الحضور يسجلون غياب=ويِنسُون الرجال أهل الوفاء في سكة سنينا
ليا منك نصيته قابلك شغالةٍ بالباب=وقالت بابتي غايب وبكرة يمكن يجينا
وهو عينه مع الطاقة تشوف الضيف والأجناب=قليل أصله وطبعه شين يالله منه تنجينا
هذا ناتج عملنا يوم حشمنا ضيعف أنساب=عسى الله يغفر الزلة من الخيلات يحمينا
عوايدنا عوايد طيب مانكذب ولانغتاب=ونكرم ضيفنا والله يعوضنا ويغنينا
وحنا في زمانٍ خالط الحيّة سموم الداب=نشوف الناب والديبان والحيّات تغرينا
تمسكنا بدين الله ودين الله حفظه كتاب=بفضل الله حمينا الدين والسِنًّه تقدينا
ليا منه رزقنا ربنا بالمال والأطياب=قضينا الدين وأعطينا الفقير ومنه زكينا
مانجمعه ونخزنه للوارثين وللأقراب=هذا مالٍ من الله ننفقه فالعسر واللينا
نهايتنا تراها في قماشٍ ماذكر بحساب=وبعض أحيان مجاني ويربط عند رجلينا
ألا ياألآدمي فرشك تراب ونلحفك بتراب=وتُنسى ثالث أيام العزاء واجب وعزينا