أبكي على أمٍ مات طفل بنحرها

[عايض البقمي]

من جديدي وأتمنى تنال القبول والأستحسان

الله من عينٍ تزايد سهرها=وهلت غزير الدمع كلٍ يشوفه
ماهوب ضعف من الحياة وكدرها=ولاهوب حاجة عند ناسٍ ضعوفه
أبكي على أمٍ مات طفل بنحرها=وأبكي على عودٍ حياته كسوفه
وأبكي على عذراً تهتك إسترها=وأبكي على جائع ونفسه عيوفه
وأبكي على شعبٍ حياته دمرها=بوش اللعين الله يدمّر صفوفه
وحكامنا بفعول كلٍ خبرها =وقت الشدايد بالفعول معروفه
خوان نورة نار يحرق سعرها=لاجاء نهارٍ مظلمٍ من كسوفه
وخوان مريم ذخر للي ذخرها=سيفٍ على العدوان مافيه روفه
وعمان قابوس البطولة حكرها=سلطان نادر والشجاعة وصوفة
من ديرة نهيانٍ شيخٍ عمرها=طبع الكرم فيهم تسجل حروفه
وملوكنا وسط المنامه وكرها=حمد ملكنا كل طيبٍ يحوفه
وفالدوحة شيوخٍ نِصِر من ذكرها=حمد سليل المجد والطيب جوفه
حكامنا هبِّوا وحنا شررها=ماعاد ينفع الحليف وحلوفه
انتم ذرانا في ليالٍ قمرها=غايب وظلم ليلنا من خسوفه