يا سلالالالام وش ذا المنتدى؟!!

[الاحرش]

اررررررررحبي ارررررررحبي


أختي الجامحه


ومنور المنتدي بوجودك الجميل

[الجامحه!]

يه يه يه يه ... من قدددددددديييييييه

السلام عليكم ورحمة الله وبركاته



السالفه ومافيها وبكل اختصار اني وانا قاعده اتمشى في الاقسام وكنت مشغله اغنية فضل شاكر... ياااعااالم هالفنان من جد فيه كميه من الرووومنصيه ما شفتها في اي بشر ...اغانيه كلها روعه خصوصا لا قال لو على البي دااااب في هواك وكفايه ليل وسهر وعتاب....ياربيييييه مشالله عليه.. ياخي يعجبني الانسان اللي يثبت على قناعته واسلوبه لانه واثق انهم صح وهالفنان من طلع وهو يغني بنفس الاحساس المهم ماعلينا كنت قاعده اتمشى في الاقسام وخير اللهم اجعله خير ما القى الا تجمهر حوالين قسم الترحيب والتعارف!!! انا في البدايه استغربت وقلت وشسالفه ؟؟؟؟ وماااشوووفلكم الا البنات والشباب متظاهرين ويقولون كلام بصوووت عالي وهتافات وكل واحد في صوب ... تعرفووون كلن في قلبه شقا اللي له وانا في قلبي شقا اللا لي .... عموما انا ماسمعت كلامهم عدل لاني كنت مركزه مع هيفا وهي تقول: ليك الواوا بوس الواوا خل الواوا يصح ..كنت احاول اركز بكل جوارجي عشان افهم وشنهووو يعني الواوا وشنو معنى الاغنيه توقعت ان يمكن تكون لها ميول سياسيه وابعاد ثقافيه هادفه عشان تغني لها بكل هالحماس ويتجاوبون معاها الجمهور التجاوب اللي شفته لكن اكتشفت ان ((شي دونت هاف وت ما قراند ماذر هاز)) بمعنى ماعندها ماعند جدتي واللي يسمعونها ماعندهم سالفه خخخخخخ ..... المهم البنات يحتجون والشباب يستأنفون وكل واحد ماسك بيده قائمه شكاوي واقتراحات واللي كاتب شعر مدح واللي كاتب هجاء واللي كاتب مقالات مدح مثل بعض الصحفيين اللي يكتبون مقالات في ربعهم الشعراء ويذمون اعداءهم على المستوى الانساني من غير ما يلتفتون للماده اللي يطرحها هالشاعر وفكره وابداعه ولكن لمجرد المجامله يمدحون ويرفعون الواحد لي سابع سما ولتصفية الحسابات يذمون وينزلون الواحد لسابع ارض فيستخدمون السلطه المتاحه لهم لتصفية حسابات شخصيه ...وا حلالاه بس ياليت احد من اهلي صحفي في مجله شعريه كان لقيتوني شاعرة الموسم وكل موسم ويمكن بعد اصير احسن من نجاح المساعيد ولا اكون كاتبه احسن من ندى العليان خخخخخخخ المهم ... لان اللقافه من الثقافه ... ولان الحشريه من صفات البنت الذكيه قلت ادرعم واشوف شسالفه ... عادكم انا اول ما دخلت حاشني فنقر من بنت وبوقس من ولد تعرفون الزحمه واللي تسويه .... ذكروني بزحمة اللجان النسائيه ايام الانتخابات الله لا يعووودها خخخخخخ والله فشلووونا الحريم بس مو ذنبهم هو ذنب المنسقين اللي أساااءووو التنسيق وحشروووونا كلنا في مدرسه وحده مع ان الله ما كثر عندنا الا المدارس وكلها ع الطل ... ولا مدرسه فيهم تعلم عدل خخخخخخ مناهج اللهم يا كافي وهيئة تدريس محتاجه تربيه وتعليم خخخخخخ واداره محتاجه عمليات بناء وهدم وترميم خخخخخخ ... المهم على ما تغلغلت وسط الحشد واللي كان معظمهم ما يدرون شسالفه بس يبون يتجمهرون وبس عشان يطلعون الكبت اللي فيهم وبعد مصادفتي لخشش فاغره واخرى منبثقه وصلت القسم أخيرا ..... ولا شحاطتي بصووووب ونظارتي بصووووب وترجيتي وحده طايحه والثانيه بشعري المنكوووش وقميصي متجفس تقل عالجه كـ ... احم احم ( مقص الرقابه ) وتافله من حلجه خخخخخخ المهم ماعلينا ... يوووم دخلت القسم واشووووف زرع وورد على الصوبين واعلام على الشبات مثل الاجواء اللي يسووونها لما يجينا ضيف للدوله من دوله ثانيه ويشيلونها مجرد ما يطلع خخخخخخخ كأننا حنا عيال الديره مانستاهل يحطون لنا ورد خخخخخخ ... انا استغربت بصراحه ... قلت لا يكووون جاينا مندوب من منتدى ثاني ؟؟؟؟ ...المهم قلت اسال اي مشرف مع علمي اليقين بان السؤال لغير الله مذله ... ولكن بسبب فضولي كان السؤال يسدح نفسه خخخخخ سالت وقالولي ان التجمهر هذا طال عمري بسبب موضوع حطته وحده ملقوفه وشاكين في انها تكون جاسوسه ودخيله من منتدى اخر منافس لان عنوان الموضوع يربك .... عرفت طبعا اني جبت العيد وقلت اخذ قشي واذلف بكرامتي قبل لا اطلع من المنتدى بفناقر ... لكن ربي الهمني ادخل اول واقرا الرد لعل وعسا يكون احد كلف خاطره طال عمره وتقبل الوضع وتأنى قبل لا يحذف عضويتي وقرا الموضوع ... والحمد الله هذاني جيييييييييييييت وشفت الرد طال عمركم ...

اسمحولي ابدي اعجابي بروحكم المتواضعه ... واشكركم جزيل الشكر على ردكم الرائع
وتقبلي أخت ان شاء الله في اسرتكم المتحابه .. و ان شاء الله افيد واستفيد

اتمنى ما اكون طولت عليكم



طحياطي


اختكم ..الجامحه!

[ورده النرجـــس]

حياك الله الجامحه ..



ارحبي والعبي على كيفج واستانسي بمنتدى الترفيه

حيااااااااااااك الله اناستينا وشرفتيناا..

اختك..

[الجامحه!]

هلابك اختي وردة شقا

اسعدني وشرفني مروورك وترحيبك

وانشالله اكوون عند حسن ظنكم

الله يعطيك العافيه

لاهنتي ...

اختك....الجامحه!

[راعي المشعاب]

حياش الله اختي المحترمه / الجامحه ,,,,,,
في هذا المنتدى المبارك ,,,, نورتي المنتدى بطلتش البهيه ,,,,
أتمنى أنش تفيد وتستفيدين ,,,,,,,,,

[(( سهيل ))]

مرحبا مليـــــــــــون بالجامحه وانضمامك اسعدنا

[الجامحه!]

اشكرك على كلامك الجميل ولقد
يحركنـي وينقلنـي تعليقك الرائع بطيبك ووفائـك
على بحـراً أجده أصفـاء لونـاً وانقاء من ماء السحــاب .
و أراك كالشهـاب وضوئـه قد توسطـ السمـاء... ونوره في الكون ساطـعاً.
وأنني أعلم أن هذه الروح الطيبة لـن تفارقنـي
وسوف تظـل مرافقتـي في كل الدروب
ومع كل كلمـة أكتبها .
كل الشكر والامتنان على ترحيبكم الراقي والرائع كروعة اخلاقكم.
وعند كل همسـة أهمسـها بمنتديات العجمان ...
فلي الفخـر بانضمامي لكم
والذي أعتبره شرف لي اعتز به ..
وأتمنى ان أكون عند حسن ظنكم... بطرحي المتواضع
بمنتديات العجمان
دمـتم بسعادة ...
ولكم مني كل تحية أعطرها وأزينـها بأعذب وأصدق المعانـي.
تقبلوا فائق الاحترام والتقدير


وارق التحايا ,,

اختكم .. الجامحه !

واسفه عالاطاله

[فيصل المخيال]

و عليكم السلام و رحمة الله و بركاته

مرحبا فيج أختي الكريمه

الجامحه

معنا في منتداج منتدى العجمان
و الذي نتمنى أن تكوني إحدى الأضافات المهمة و المؤثرة فيه
و لقد سعدنا بإنضمامج معنا و نتمنى أن تفيدي و تستفيدي

تحــــيتي و تقــــديـــري

[@الشيــــــــــــنه@]

يه يه يه مش مسدقه عيني الجامحه هنااااااا


يااااااااااهلاااااااااا واللللللللللللله ومرحبااااااااااااااااا



شرفتي احبيبتي .....



وتو مانور المنتدى وانشالله انك تفيدينا وتستفيدين


سوااااااااااالم

[عبدالله بن ذروه]

يا مرحبا مليار يا ((الجامحة))

نحن سعداء لانضمامك لهذا المنتدى

و أسأل الله أن يوفقك لما هو خير


وتقبلي تحياتي
عبدالله بن ذروه